三水森林公園

到三水森林公園睇大佛(目的係hea時間)，

導遊介紹同樂山大佛差唔多，唔係馬，你地又睇吓係唔係？

想像中森林應該係古樹蒼天。

但來到周圍沿路景色青翠，而卧佛就橫躺水池邊。

大佛又係唔係同樂山嘅一樣尼。

而公園隔離竟然有個賽車場？60蚊人仔15分鍾抵唔抵？

其實我都好服大陸d設計，係一森林公園裏面有間大佛寺，

隔離又有賽車場，再遠小小就係民居，咁設計真係大人可以去拜神，

細路可以玩電單車，幾好！大家都唔會悶，哈哈。

椒鹽軟殼蟹

椒鹽軟殼蟹

材料簡單：軟殼蟹3隻、脆漿粉1杯(但工序煩覆)。

先把軟殼蟹解凍，跟著起一鍋熱水，汆燙軟殼蟹至熟。

撈起後將蟹用紙巾吸乾水分。

之後，剪成條狀，足尖及眼部要去掉。

取一碗，將脆漿粉加水及油拌勻。

起鍋熱170℃油，將軟殼蟹沾粉下鍋炸一次，

開大火最後再回鍋炸逼油，撈起。

 起鍋，加入軟殼蟹，再放入蒜頭粉、椒鹽、少許鹽翻炒均勻即可完成。

梅菜燜五花肉

這一份梅菜係家姐送比我的，是她夫家鄉下親人送她的，

收到時覺得同街市賣有好大分別，特別有一陣香味，

係我兒時聞過，而家係街市係買唔到。

有D傳統手工用心制作嘅野，係賣唔到錢，只有留比自己人享用，

如果老一輩走左，真係會失傳。

西洋菜海底椰湯

書上說西洋菜的功效，中西方大不同，西方人認為它可以強記憶、

壯陽、治脫髮、補腎，而中國民間認為它清肺熱、潤肺燥，

配合杏仁和陳皮還可以止咳，今次找來西洋菜煲海底椰滋潤一吓先。

材料：西洋菜一斤，西施骨半斤，南、北杏半両，海底椰1両，

陳皮1角，蜜棗4粒。

做法好簡單，西施骨汆燙10分鐘，西洋菜洗淨切段，陳皮浸軟刮去瓤，

湯煲放入適量水、西施骨、南杏、北杏、陳皮、蜜棗、海底椰，

先煲1小時，再放入西洋菜中細火煲多1小時，同鹽調味即可。

 

今次我把西洋菜後下，以致個湯比較清，菜比較完整，如果大家喜歡把吃西洋菜好似溶左一樣，可以全部材料一齊落都得架。

三餸一湯好快搞掂，蘿蔔蜆湯、油爆蝦、辣醬爆雞丁

 

好服果d可同時煮二、三十人餸，但又快手嘅達人。

我有個唔好習慣煮一餐要用好多煲煲撐撐咁，

所以成日去偷師，睇吓點樣可以偷到時間，大家都知啦，

放工返來又要買餸，跟住洗洗切切好忙架馬，真係好似打仗咁。

用1公升水加半公升上湯煮滾，加入薑片及西薑花。

(煲水時洗西蘭花及切白蘿蔔。)

煮好西蘭花上碟，用蠔油伴食。

原煲加入白蘿蔔煮半小時。

(煮湯時修剪好蝦及洗好花甲，把雞脾肉切大片，

但要薄身，青紅椒洗淨，去籽切小。)

湯煮好時加入薑絲及花甲，待花甲開口時，即可上碗。

另外燒一個煲，入2大湯匙油，下薑茸1湯匙，蒜片1湯匙略爆，

下蝦後加上蓋再搖動，煮約3分鐘加入魚露1湯匙，豉油1湯匙拌勻，

至蝦全熟加入蔥花即可上碟。

原煲不用洗，下油、薑茸1茶匙及青紅椒塊爆香後，盛起，

加入蒜茸1茶匙爆香後，再入辣豆瓣醬及麵豉醬各1湯匙略爆後，

下雞肉粒炒至半熟，加入水約半碗，將雞肉煮至熟，

青、紅椒回鑊炒至汁乾即可上碟。

日式咖哩甘筍雞

要慳錢，咁簡單嘅餸成本都平d，1件雞扖8蚊雞，1支細甘筍2蚊，

2格咖哩約2.5蚊，1隻蛋1蚊，總共都係13.5到，加多個青菜小花媽

我今餐ok啦，可以打斧頭立。

材料：甘筍1條，雞扖1件，咖哩磚2格。

1.甘筍切絲；雞肉切絲，加入醃料雞粉、蛋白，生粉各少許拌勻。

2.起油鍋，將雞肉煎炒至半熟，盛起隔油。

3.原鍋加入甘筍絲炒至軟，再加入清水2杯，切碎咖哩磚煮至溶。

4.收慢火加入雞肉絲煮至全熟即可。

佛山公仔街

到佛山遊客，好多都會到公仔街一遊，而這裏也建得美倫美煥。

石灣陶瓷聞名中外，所以好多游客到這裏尋寶。

而這條街收藏兩樣野，好多人會忽略。

第一樣是廣東石灣陶瓷博物館，是免費博物館啊，

內裏沒有甚麼特別好睇，只是介紹陶瓷嘅歷史。

這兩煽門做得好看可以知道石灣陶瓷手工精細，

但敲起來聽聲音不清脆，而且左下角一塊顏色怪怪的，都唔夾。

 

但我欣賞它們的老舊建築，大多小巧精緻，而她們情況同香港藍屋一樣，

保持建築物外型，內裏改裝成工作室，之後租比人，

但現在還是水靜河飛，沒有多小個人來遊覽，能否做得成功是未知數。

寧神湯

返工、返學又要打理家頭細務都有點倦，

但最重要係唔夠瞓，所以煲左個花旗參湯，

今次揾尼個湯對氣血消耗過度，精神衰弱或疲勞有幫助。

材料：花旗參一兩、淮山二兩、圓肉二兩、西施骨半斤。

做法：將西施骨放滾水中汆燙5分鍾，用水沖洗乾淨，連同其他洗淨材料一齊放入鍋內，大火煲15分鍾後轉中細火煲2小時就可以加鹽飲用。

可能圓肉多關係不但無甘苦味，圓肉嘅甘甜，

一入喉嚨就覺得好舒服。

甜蜜蜜燒豬肉

 

材料：豬肉片約320克，生菜半個，白芝麻少許，中筋麵粉2小匙，麻油2大匙。

調味：豉油2大匙、蜂蜜2大匙、薑泥2大匙、米酒2大匙。

做法：

1.生菜泡冰水，薄肉以刀背拍扁再切成一口大小。
2.在豬肉片中、下中筋麵粉、麻油拌勻後，加入豉油、薑泥、米酒、蜂蜜拌勻

   後，放入鑊中兩面煎約4分鐘。
3.將生菜鋪底，放上做法2，撒上白芝麻即可

清新素菜

地球提倡低碳，而我是食肉獸，囡囡最喜歡到扖XX王食牛扖，

所以我家可以有很大改善的地方，單是減小去食扖，碳排放量可以減小，

最容易達到理想，煲湯可以的話而家我盡量小用肉類，

有時改用黃豆一樣是蛋白質無問題，做菜無肉的話要多樣性，

比較無咁單調，當然可加可減的，我家只是吃多些蔬食不是吃齋，

所以甚麼蒜、蔥都會繼續食，只是食小些肉，今天先來個素菜比大家嚐嚐。

食材：
紅蘿蔔1根(切絲)、蜜糖豆1碗(先燙過)、鮮香菇2朵(切絲)、雞脾菇1根(切絲，先燙過)、金針菇1包(去蒂)、生豆皮2片(切段，先燙過)、黑木耳1片(切絲，先燙過)、玉米筍6根(先燙過)、豆乾2片(切片，先燙過)
調味料：
日式柴魚醬油、麻油
做法：
1.起鍋倒橄欖油，先炒紅蘿蔔絲和香菇絲，放入豆乾片。
2.同上鍋，加進雞脾菇、金針菇、黑木耳、玉米筍一起翻炒均勻，倒入適量醬油調味炒至入味
3.生豆皮、蜜糖豆回鑊，最後淋入麻油提味，取出上碟。

味噌鯖魚

鯖魚、味噌60克。
調味：清酒3大匙，味醂、醬油各2大匙，砂糖1大匙，水200克。
1.鯖魚洗淨。

2.起鍋，將調味料混合煮至滾後，將鯖魚片皮朝上放入鍋中煨煮至收汁即成。