冬瓜草菇燜火腩

早幾日又整燒肉，食剩左，買舊冬瓜一齊煮埋佢，咁又一餐唔錯架！
用薑蔥起鑊，爆下冬瓜件及燒肉後加水，燜至冬瓜變透明加入己出水草菇，略燜一會，用少許鹽、糖調味，少許生粉水埋薄芡即成。

西餅、蛋糕(第二堂)

今堂亞SIR教整朱古力鬆餅、藍莓鬆餅、蘋果玉桂提子鬆餅，尼個超級易整，容易到爆 佢地真係個個都爆口架

上圖係亞SIR整，下面果D係我組整嘅，睇得又食得，連我D同事都話好食 梗係啦藍莓係新鮮嘅，多汁另到個餅唔漏；而提子乾係用白蘭地浸左半年，入晒味  正~！

 

 

 

 

 

南乳雞翼

未用過南乳醃雞翼，想都知惹味。

怕太多南乳會燶，所以只用一茶匙滿滿的南乳，米酒1湯匙，糖、薑汁、胡椒粉及水各少許開勻，加入洗淨雞翼拌勻醃2小時或以上，放入鍋用慢火(怕大火燶)加蓋 半煎焗，二十分鐘之後，香噴噴南乳雞翼出爐了。

日式和菓子

過完年有d粉剩，為左清埋佢，摷到尼個食譜，見屋企有材料，佢都幾簡單，一於咁話

皮材料：
麵粉15克、糯米粉30克、粘米粉30克、砂糖30克、牛奶145克、菜油/牛油2湯匙、煉奶2湯匙。

餡：
日式紅豆

沾料：
黃豆粉、海苔粉、黑芝麻粉、炒香白芝麻各適量。
皮做法:將材料完全混和, 放入一個平底的容器, 放蒸籠以大火蒸約五至十分鐘至熟, 取出待涼, 搓成粉糰, 放入雪櫃雪1~2小時或過夜, 取出再搓滑揉至有彈力備用(記得用膠手套，因為有點濕，方便完成時可以沾到粉)，將皮按薄，包入約40克紅豆，沾上喜歡沾料即成。

香蒜蒸茄子

茄子可以軟化血管，又可以美白，所以要多食。但！一般都會過油，咁又吸收多左油份。今次用蒸，好好食架。

做法：
茄子一條，切成三段並且一開四，用少許鹽拌一拌，排上碟，灑上蒜茸、薑茸，放入鍋內隔水蒸10分鐘。
用個碗，加入陳醋、浙醋、豉油、糖拌勻，淋上己蒸熟茄子上，加些炸蒜及蔥即成。

數字排骨

當我唔知煮乜野時就會煮這個

材料：
 急凍排骨1斤

調味料：
1湯匙酒，2湯匙醋，3湯匙糖，4酒匙老抽。

做法好簡單，把所有材料、調味味一齊放入煲內，先著大火燒2分鐘，之後調到最細火，慢火煮至熟至收晒汁，就可以上碟，係唔係好簡單尼？

西餅、蛋糕班(第一堂)

見雀后參加工聯會學整西餅、蛋糕幾開心，見有時間我都參加，第一堂係整紅豆綠茶鮮忌廉卷蛋，個亞Sir 又好風趣喎。
 上圖係亞Sir 作品，亞Sir話要雪一晚先好食喎，咁先滑溜溜咕喎
下面是我的傑作啦

金沙茭白筍

 

材料：
茭白筍5支、鹹蛋黃3顆、蔥1棵、蒜頭3顆、薑2片、辣椒1支、芫茜根1把、上湯300c.c.

調味料：
鹽

做法：
1.取芫茜切碎、辣椒切條、蔥切細花、蒜拍碎切茸、鹹蛋黃壓泥切碎、筊白筍刨除粗皮去頭尾，對切後再切滾刀塊，備用。
2.起鍋熱香油，倒入上湯、1匙鹽，放進茭白筍塊加蓋煨煮入味。
3.起鍋熱適量油，將鹹蛋黃炒至起泡後，加進茭白筍塊拌炒均勻，再放入蒜茸、薑茸、辣椒條、蔥碎和芫茜根碎翻炒均勻即可。

 

 

豉油燜雞

豉油雞好味又簡單，把雞洗淨斬件，用薑片起鍋爆香，加入蔥白部份，再加入雞件爆炒到外面有焦香，加入上湯1碗、花椒半茶匙、八角1粒、生抽3湯匙，老抽2湯匙　，蓋上鍋蓋燜15分鐘就完成啦！

西洋菜鴨腎湯

 

 

 

材料：
西洋菜一扎、豬骨1斤、鴨腎2個、南北杏1兩、蜜棗2粒、陳皮半個。
做法：用滾水把豬骨燙個15分鐘，洗淨；陳皮浸軟去瓤；西洋菜洗淨，所有材料放入滾水鍋裏，大火煲15分鐘，轉中小火煲2個半小時即成。

韭菜豆腐

春天又到啦，尼個時候韭菜最甜，一放煮返餐食下！

材料：
豆腐1磚、韭菜1把、薑片1片、蒜頭1顆。

調味料：
米酒1茶匙、砂糖1茶匙、醬油半茶匙、生粉水1湯匙。
做法：
1.韭菜洗淨切段。2.豆腐切件灑上少許鹽，待豆腐出水，抺乾灑上生粉，入鍋煎至兩面金黃，盛起。2.取一水晶碗，下調味料拌勻備用。
3.

同鍋，加油熱鍋後，爆香薑片、蒜片後，下韭菜頭炒至軟，加入其他韭菜及豆腐，晒少許水及調味料略燜，即可上碟

。