堂記辣蟹

 

朋友仔們約埋一齊，坐早機去北京旅行，因此今晚打算唔瞓，玩到上機，因此

 

晚飯在堂記食，我無諗過，這裏食品水準很高，味道唔錯火喉啱啱好，真係要讚！！！

 

 

環境都唔錯，價錢唔貴，所以客人都好多

 

 

 

酥炸九肚魚，不單止香脆，重同你去埋骨添，啖啖肉，很正

 

胡椒薑絲浸花蛤，加埋黑胡椒，小小辣，夠鮮味，正

 

棠記鮮咸雞，這個咸雞要訂枱一齊訂埋才有的，講是用新鮮雞整，這碟只有半隻，但份量很大，我地幾個人差點食不完 

 

 

涼瓜牛肉，鍋氣很夠，牛肉又夠滑

 

胡椒焗中蝦，夠爽口又入味

 

 蒜茸粉絲蒸聖子，夠鮮甜

 

啫啫介蘭 好惹味啊~

 

棠哥炒飯粒粒都好乾爽，味道好像有臘味似的，很香，吃完尼餐大家都同意尼間做飯堂了

 

吃完飯吹水太耐唔得，要轉個場，食甜品了，需然食得很飽，但！食甜品是另一個胃麻，來來來~~ 去食榴槤

 

最近開很多家D24的榴槤甜品店

 

 

榴槤銷魂，只有最高果一舊是榴槤加些啫哩，下面是台式芋圓+雪芭，再下面是豆腐

 

榴槤班戟

 

 

榴槤公主 同榴槤銷魂差唔多.......

 

 

有一個人好反叛，係要食心太軟  哈.......

 

其實食乜野都唔重要，大家吹下水啫，最後！大家懷著滿足心情回家，我心情有點鬱...，人家係去旅行，我是早起去上班 嗚...

 

玉竹蘋果湯

 

一般每日大少放工，就會買一些生果回來，有時買得多，吃不完就有點浪費，好像今次最多是蘋果

 

想想秋天了！就拿來煲個滋陰潤肺的蘋果湯吧

 

 

蘋果中含的多酚及黃酮類天然化學抗氧化物質和大量的粗纖維，這些元素都是秋天很需要的

 

材料：

玉竹30克，蘋果數果，陳皮1角，蜜棗3個

 

 

 

 

做法：

所有材料清洗乾淨，蘋果去核切块，所有的材料一起放住煲內，加入適量的水，大火煲滾後，轉中細火煲45分鐘即成

 

 

 

 這個湯煲出黎微甜微酸的，很好飲，又可以加入百合、廋肉一起煲快是很好飲

 

芋仔燜排骨

 

中秋節前後會都有芋仔上市，買左之後晒幾日陽光先煮，會綿和酥化、好食好多架

 

 

材料：

排骨半斤，芋頭1斤，乾蔥頭約8粒，蔥1棵，薑3片

調味：

鹽

做法：

1. 排骨洗淨；芋頭隔水蒸熟，去皮；蔥切段

2. 燒熱油爆香，下油排骨，炒至金黃色，再下薑片、乾蔥頭、蔥白爆香後 芋仔回鍋

3.加入水約2碗，以中火煮約5分鐘，再以小火煮約5分鐘，加入蔥段炒勻即可上碟

 

 

 

 

 

社企餐廳—Fantastic Ladies Cafe 悠悶閣餐廳

朋友仔約吃飯，我有啲頭痕去邊度好呢，屋企附近嗰d有點悶，遠又唔想去，朋友就話，誰~誰~誰~去過一間意大利餐廳，好正。亞邊個~ 都系咁話佢好正。咁係邊吖，我唔知啊！我淨系知系洪水橋，行到好入😰 ，咁！叫乜嘢名牙，唔知啊，我淨知係社企
👿 竟然遇到d不負責任嘅人,後來我搵到尼間餐廳，那知道，我竟然坐左係度等左一小時，那班不負責任嘅人才來😖

好在大把位，如果唔系坐咁耐，實比人趕走姐😉

其實而家做社企都唔容易，哈~～由社工構思，下屬去執行，而不是由商人去經營，生意‥‥

哼，要我等你地咁耐先黎到，唔知好唔好食，吾好食，我一定會好嬲😡

這間悠閒閣旨在幫助婦女及青少年投入社會

 

不過服務質素就很參次不齊，有些很投入很稱職，有些就另人失望

 

餐廳環境佈置簡約，人唔多啱晒我地坐咁耐吹足咁耐水

 

跟餐的沙律菜，配上胡麻醬很清新，不過應該是不會轉換款式的

 

餐湯有磨菇湯及南瓜湯比你揀，磨菇湯好足料又很滑，好在牛油味不重，否則湯不夠熱會下，感覺到漏

 

我點的，脆皮德國咸豬膝配點椒汁$118，醬汁調的味道不錯，皮真的很脆，意粉很重蒜蓉味很對我胃口

 

朋友的 安格斯肉眼扖$228 , 6成熟剛剛好，原本怕太生，可能大家應知唔同，朋友們都話下次5成熟好了，he~ ~

 

 

厚切加拿大黑豚排$128，很甜很冧又大大塊，最好是無豬騷味

 

 

焗羊架寶雲酥配薄荷啫喱$168，羊架就很騷，啱晒鍾意食羊嘅朋友

 

 

這裏的凍飲很大杯的，咖啡還是有機的，甜品則蓮花杯，有加一服務費

 

食品大家都滿意有質素，味道亦唔錯，不過出餐就很慢，好在我地是分食的，不然有些朋友仔就會餓親

 

餐廳位於元朗洪水橋洪堤路雅珊園地下7號

電話：2715 8855

雪菜素雞

 

 

 

去上海麵店都是食雪菜肉絲麵，把雪菜跟素雞一起炒，原來都好好味，只是難入味，但！加一點水燴煮，就變得很好味

 

材料：

雪菜2棵，素雞2根，辣椒1根，雞蛋1個，水半碗 

調味料：

花椒油1小匙，麻油1茶匙，胡椒粉少許

 

做法：

1. 雪菜切細丁；素雞一開二，切半圓厚片

2. 燒熱鍋，下油，把素雞抄香

3. 下辣椒及雪菜炒香，再加水煮勻，加蓋煨煮5分鐘至入味

4.  起鍋前加入調味料炒勻即可

 

 

蓮藕淮山煲排骨湯

 

秋天多食養陰清燥的食物為宜，所以煲這個健脾益氣的  蓮藕淮山排骨湯

 

 

蓮藕生食清熱潤肺，熟食健脾開胃，而淮山健脾補肺，降血脂，調理腸胃蓮藕鮮淮山搭配煲湯除滋陰補腎，最大的特點就是湯味清甜，功效清潤，加埋排骨一起煲湯

 

 

 

  

材料：

鮮蓮藕2節、鮮淮山1條，豬排骨1斤，蓮子1把，生薑3片

 

 

做法：

1.所有材料洗乾淨，蓮藕切件；淮山切件

2.把所有材料放入煲，加入適量的水大火煲至滾後，轉中細火煮小時，就可以加鹽調味