2010年5月31日 星期一

三色蛋

今次三色蛋係我最成功一次,火路最好,但因太厚怕唔熟,
熄火之後焗左三分鐘,攪到無咁滑,不過做型......。

d蛋係咪好特別尼,佢地係自己雞生架?

點解

因為姐夫係大陸開左個車場,係飯堂後面養左幾十隻雞,
佢收收埋埋d蛋就叫我家姐攞落來香港,
但數量又唔多,所以我家姐就見到邊個就比邊個。

沙茶炒通菜牛肉


沙茶炒通菜牛肉
將通菜1斤摘去頭梗切段;牛肉約200克逆紋切薄片後加入,1茶匙生抽、
1大匙米酒、1大匙沙茶醬、少許生粉、1大匙麻油抓醃均勻;
蒜頭3粒拍扁;辣椒2隻切段。
醬汁:1大匙米酒 + 1大匙沙茶醬 + 生抽1/2茶匙 + 糖1/2茶匙 + 鹽1/2茶匙。

起滾水鍋,放入1茶匙鹽、1茶匙沙茶醬、少許油,將通菜菜梗部分放入水中汆燙。
起鍋熱油,放入牛肉稍微拌炒至五分熟後,撈起備用,同鍋底,放入蒜頭、
辣椒爆香,接著放入通菜葉先翻炒一下,再加入燙好的通菜梗及牛肉片、
醬汁混合翻炒均勻即可盛盤。

2010年5月30日 星期日

田灌草

就咁睇似唔似菠菜?

熱天,個人攰賴賴,平時極小煲涼茶,都煲反d去濕利尿嘅車前草(又名田灌草),
小朋友肚仔痛,痾UP尿就至啱不過立,不過佢都幾涼架。
佢無乜味配好多野都得,例如生熟意米呀、蜜棗、豬小肚......,
唔受得涼嘅可以加老鴨、陳皮咁煲都得。

尼到買左$10,洗左5~6次水根部覺得都唔夠乾淨,只好放入煲用大火煲20分鐘,
轉中小火1個鐘,煲好去渣後等佢沉澱,底果D唔要,加塊片糖就咁飲。

2010年5月29日 星期六

茄子炒雞絲、豬頸肉豆腐


茄子炒雞絲
雞扖1件,洗淨切粗絲,加上雞粉、油各1茶匙,粟粉2茶匙,糖少許拌勻;
茄子切成條狀加雞粉醃10分鐘,蒜2粒切片,薑2片切絲。
雞絲泡漱油,泡熟盛起,燒熱鑊,下油蒜片,再下茄子炒至半熟後,
雞絲回鑊,加入糖少許,老抽1茶匙略炒,再加雞粉1茶匙,
清水3湯匙,略煮片刻即可上碟。
 
今次茄子聽人講先用雞粉拌勻再煮,確實可以保持到顏色。

豬頸肉豆腐

2010年5月27日 星期四

泰式椒麻雞(廋身版)

天氣熱想食開胃餸,好似我咁為食但又想廋,
都幾麻煩,今次加大疏菜份量比較健康,
而且這個餸自己做便宜又好食。

泰式椒麻雞

整個餸最複雜只是在雞扖上。
雞扖一件在厚肉部份界十多刀(以便容易熟),
用生抽2湯匙,砂糖、米酒各1湯匙拌勻,醃約10分鐘。
燒熱油把雞扖放入,大火炸至老,外皮酥脆後,盛起,
用抺手紙吸去多餘油份,切成細件,備用。

生菜、青瓜切絲後浸冰水去草青味後,隔乾水放碟上。

排上雞件

這個味道要酸、辣但可以依各人喜好加減。
指天椒1隻份量夠,如果喜歡辣的可以用到2隻切碎,薑茸1湯匙,
芫茜碎2湯匙,檸檬汁1湯匙,生抽2湯,麻油1湯匙,
砂糖1湯匙,醋1湯匙,白芝麻1湯匙拌勻。
 

把汁料淋上雞件上再灑上花生碎即完成。

花生碎可以減小至2湯匙都得。

2010年5月26日 星期三

蘋果海帶豬肉湯

蘋果放得耐,變得有點粉粉,不爽脆比較難食,
但用來煲湯却很甜,夏天天氣熱,來個清啖湯水。

 

蘋果3-4個,西施骨一斤,海帶適量,薑數片,蜜棗2粒。

西施骨洗淨,煲滾水放入1片薑,落西施骨汆水後盛起;
蘋果切塊去芯;蜜棗、海帶洗淨切塊。
鍋中入適量水煮滾,加入西施骨、海帶、蘋果及薑先用大火煮15分鐘,
轉細火煲個1小時。可將蘋果壓爛,令湯更甜,加鹽調味。

2010年5月21日 星期五

酥皮咖哩牛肉角

之前睇報紙有個9日可減8磅餐單,睇完就想笑,見體重又升返,
無衫著,啲起心肝去減,用12日時間,由137減至130,
但,由下午茶就開始我的增磅之旅,到旅行完返來一定會升突,哈哈!

酥皮咖哩牛肉角
 
聽日要去韶關旅行,一早搞掂晒D野,
下午茶時間整酥皮咖哩角吃,因集合時間好早
約埋個朋友夜d過深圳揼骨,咁聽朝唔使驚趕唔切。

平時可以整定d咖哩角放冰格先,食時唔使解凍即可放入焗爐,
咁十分鐘就可以嘆到熱辣辣咖哩角,配埋咖啡一流。

現成酥皮真係好簡單。
只需要攪掂想食嘅內餡就得。


十分鐘就完成真係好簡單


 
一陣就出發旅行,返來再同你地傾過。

2010年5月20日 星期四

現在校長不易當

較早前囡囡向我提及學校有人在facebook被人指虐狗,最重要是校長對學生的關愛,查清事件上網澄清也受攻擊,很激氣。
http://hk.news.yahoo.com/article/100519/4/i417.html
現在的校長真不好當,不比從前。也發覺他們的校長及老師從前下的苦功沒有白費,很受同學的愛戴。
我也感激老師及校長對學生用心的培育,讓他們懂得分辨事件真偽。

2010年5月19日 星期三

日式京蔥廋肉、咖哩西芹魷魚

出門幾日要清清雪櫃先,見有京蔥、鮮冬菇及廋肉剩,
就咁張佢地炒埋一碟,加埋味醂、日式照燒醬,
即時有d日式野菜味道。

日式京蔥廋肉
京蔥洗淨,斜切大片;廋肉切片用生抽、糖、雞粉、生粉水、油拌勻;
鮮冬菇抺淨切片;蒜頭2粒拍扁;薑2片切絲。
起鍋下油1湯匙,放入京蔥片爆香後盛起,將廋肉下鍋炒至金黃色時,
下鮮冬菇片略炒,加入日式照燒醬2大湯匙、糖1茶匙爆至香後,
再加入味醂2茶匙、水約3湯匙、鹽小許,京蔥回鑊,拌勻即可上碟。

咖哩西芹魷魚

2010年5月18日 星期二

紅蘿蔔廋肉湯

雪櫃有紅蘿蔔多,想到要清左佢,
用來煲左個湯,好飲又清甜,而且有益可以清熱化痰,
消炎止咳清外感,特別小孩子最啱飲。

材料好簡單
紅蘿蔔2支,西施骨1斤,紅棗數粒,南杏仁一把。
紅蘿蔔切滾刀塊;紅棗、南杏仁洗淨;西施骨用滾水汆5分鐘,
撈起洗乾淨;全部材料放煲內,用約12碗水,大火煲約15分鐘後,
轉慢火煲1小時,加食鹽即可食用。

2010年5月16日 星期日

豬肉燒賣

今天不知挑起那條根,竟然想整燒賣,
就即跑去街市買材料做。

豬肉燒賣

豬肉150g剁碎後,放入碗中攪拌至纖維出來,加入蛋液1/3顆、

乾香菇2朵(先泡水,洗淨切碎)、蠔油1/2大匙、薑茸1小匙、
鹽1大匙、酒1大匙、生抽1大匙、麻油1大匙、砂糖1大匙、
生粉1大匙繼續順一方向攪拌均勻。

用雲吞皮包入調好的內餡包成燒賣

大家唔好學我懶成咁,應該事前將四方形修成圓形先,
咁樣先合格D及企埋馬。
而且係蒸架上最好放塊椰菜或者紗布呀。

包好後排上蒸碟,放入鍋,大火隔水蒸12-14分鐘。
蒸好之後可以點上蟹子做裝飾。

取一碗,加入醬油少許、醋少許、辣油少許、薑絲少許調成沾醬。

2010年5月14日 星期五

蕃茄燒雞


蕃茄燒雞
雞扖2件切大丁,雞皮貼住鑊底煎至金黃色,反轉煎至香盛起;
下蔥段、蕃茄(2個切大丁)炒軟,再下蕃茄醬2湯匙,
水少許略煮,雞丁回鑊、加酒1茶匙、砂糖2茶匙、
鹽半茶匙,煮至雞丁入味,即可上碟。

支援

較早前,囡囡同學於校外服裝比賽中担任化裝、髮型支援,在外見識多左,因此興趣濃厚,那時囡囡要幫忙趕工做服裝而通宵不眠。這星期就輪到校內比賽,同學可自行組隊參賽,但她把大部份工作擔下來,今次受苦却是我,問她:聰明的人是懂得分配工比別人,自己只是作統籌。她答我:我就是不滿意他們的手工及蠢。(真給她氣死,想說最蠢是妳。)只因二、三年級同學才有家政比賽。升上高中後,課外活動會比初中明顯減少,吸收上年輸的經驗,所以今次機會她不能    於她們身上,唉!有時覺得她高估自己能力,但又覺得趁年紀小應該學習跌倒爬起身,我己學習放手,她沒出聲,我是不會出手。
我總是不明白,從幼稚園,用水、綿花浸綠豆開始,多年來要幫她完成那麼多作業,學校無理由唔知學生參與機率有多少,若家長每天要不停工作的話,沒時間幫手那怎辦?

2010年5月11日 星期二

日式咖哩烏龍麵

放假成日走來走去,無乜點食野,餓得有點慌,咁就煮個麵頂肚。
尼個時候京蔥最靚,用佢煮烏龍麵最夾,好有日式嘅味道。
 
 日式咖哩烏龍麵

材料好簡單有:豬肉片約50克、京蔥1根(斜刀切片)、
魚板3片、新鮮香菇3朵、麵1包。

麵及1茶匙鹽放滾水中煮至軟後,隔乾水放碗中。

先做湯底:上湯400克、味醂50克、醬油40克煨煮成湯底。
盛起一碗湯底備用後。將香菇、魚板、大蔥汆煮至軟,再加入肉片,
湯裏面加少許鹽。

只需一磚即成,不要太濃。


取一碗,調入咖哩粉1磚、低筋麵粉1.5匙、高湯拌勻,做成咖哩醬汁。

將伴勻咖哩醬汁加入上湯中水再煮滾即可加在麵上即可。

 日式咖哩烏龍麵講求清淡,用煮火鍋的方式將湯底先煮好,
再下佐料煮熟即可,不需要熱油炒料,反而會太油膩,
而且日本人會將湯喝光,太濃太稠也不好。

2010年5月10日 星期一

杏仁燉木瓜


杏仁燉木瓜
熟成木瓜1粒(一顆約400g)、南杏150g、北杏30g、冰糖100g。
做法:
1.杏仁漿:南北杏洗淨,用水浸6-10小時,倒入攪拌機,加冷水,比例(杏仁1:水3)  打勻,再用紗布濾出杏仁漿,杏仁渣可以做軟餅。
2.取木瓜切丁,
3將杏仁漿煮至小滾後,加入冰糖碎、千分比的鹽混合調味,再加熱至大滾約5分鐘即可。
4將木瓜放入燉盅,加入杏仁糖水加蓋,大火燉20分鐘即成。

慳家剩菜—炸蝦頭


琴日係亞媽到煮左個露荀炒蝦球,
咁剩左個蝦頭都好有肉,你地知我慳家,
所以留番來今日做另一個餸。

首先修剪洗淨吸乾水,用薑汁酒、胡椒粉各少許拌勻。

加入炸粉拌勻後,放入鍋炸至金黃色。

盛起放碟上,曬上7味粉即成。

露荀蝦球做法

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味