2012年7月31日 星期二

涼拌豆角



豆角放入滾水中燙熟,砂糖、醬油,辣椒油,麻油各1茶匙,加入豆角拌勻上碟,
加上生蒜茸及炸蒜茸一起拌食非常惹味。


2012年7月29日 星期日

岩石大使

大少姐上一年參加左這個青年岩石保育大使計劃,三個月黎
經過上課+實習+實踐,終於完成這個計劃,
並用汗水得到獎狀,我都替他高興。


 
 
但!女大女世界,她的頒獎禮無我地份,佢只帶佢D朋友仔去。


下面有條片是她有份演出,你地估吓邊個係佢

http://www.youtube.com/watch?v=4BbMqYD_E_o&NR=1&feature=endscreen

2012年7月27日 星期五

宜蘭雞捲

 
 

材料:
洋蔥2顆、豬肉約半斤,豆腐皮1張。
 
調味:
糖1茶匙,黑胡椒1茶匙,蕃薯粉5大湯匙,胡椒少許,豉油1大匙,米酒大匙,生粉3湯匙,蛋1顆。
 
做法:
1.洋蔥切碎,加入糖、黑胡椒醃約1小時後,略微擠乾水份,再加入蕃薯粉拌勻。
2.豬肉攪碎,加入米酒,胡椒粉,豉油,糖,蛋(半隻),生粉拌勻。
3.豆腐皮,一開四,先鋪上1.再放入2.以餘下蛋液封口,捲成條狀。
4.熱油鍋至中温,下豆腐條炸至熟,起鍋前開大火逼油一分鍾即可撈起,切件。


後記:豬肉份量可以加多些,可以平衡返菜嘅份量,包起黎無咁散。

2012年7月25日 星期三

韋森特


今次打完十號今次打完十號風球,週圍都有冧樹,食環署同康文署真係好唔得閑風球



尼D唔阻人地嘅就由得佢,咁都無所謂啦。但........有D




好似尼D好阻人地做生意架馬。



但無計,我有朋友仔由上水坐廠車返元朗,都用左2個幾鐘,
因為好多樹冧係公路度,咁,人地梗係救左果D阻人嘅樹先啦。



今次打風街市豬肉檔無開門,菜檔都唔係個個開,
中午就食壽司同沙律啦。(日日咁好就好啦)




摷埋D菜整個沙律



有點時間,想話整個心太軟。



結果係心太硬。




好唔開心,再整過,唉!焗多30秒就成功啦




都係好唔開心,除左唔係好成功之外,係要返工。



放工係街市行黎行去都無乜野賣,最後都係唔煮出街食。

2012年7月24日 星期二

小曼谷泰國菜館

因為有實習學生離開,所以我地幾個出去食番餐歡送她們,
需然唔係相處好耐,但!這個實習期佢地都好辛苦,有夠她們受了。hehehe~ ~


尼間鋪頭都唔少位,但!好快滿座!!
好在我們飛的士到屯門,趕係人潮前入坐hehe,
佢d食物真係好味,價錢又抵,但服務態度就超差。


一次過試左好多野佢招牌野,真係好開心


生蝦刺身,最好味係個汁。
蒜茸飽,無乜特別。


青木瓜沙律,哇!辣C人,但!因為夠惹味,辣完轉頭又食過。

冬陰公湯,淡淡地,唔辣又唔酸,唔多吸引。



串燒好un,但個汁好好味。

燒羊扖,好正呀,個汁係辣架,加埋超正。


豬頸肉夠晒爽



酥炸蝦餅夠脆又彈牙



泰式蠔餅個樣好得意,同想像中爭D

泰式魚餅辣辣地好開胃
 



馬拉盞芥蘭夠味道

馬拉盞通菜唔得,好咸,剩好多。
 



燒雞個皮好脆,但好乾身,配埋個糯米飯,
而裝糯米飯個藍幾得意。

食完飯當然要D食甜品啦,有忙果糯米飯。

尼度食飯有個唔好,你點嘅菜,係以火箭速度上枱,
第一碟都未食,其他都開始上枱囉,大家想傾吓計都唔得。


食飽飽真係好啦,出門口見好多人等位。


學生為表示實習期得到大家的幫忙,請我地食左個好特別嘅下午茶。
真係好靚,重好好味添呀。多謝晒
這個果藍引得我們不停咁拍照


2012年7月22日 星期日

玫瑰花曲奇



整個玫瑰花曲奇,未焗前都好靚,一邊就係度幻想點樣靚法周埋點樣香法,結果。


好似燶左咁,


但!食落真係好香玫瑰味



2012年7月19日 星期四

涼拌龍鬚菜

龍鬚菜—其實係合掌瓜苗黎,個頭就好嫩,下d個梗都幾硬,
所以要用手度同埋絲根,度到Un果度就唔好要,唔係食落好多渣。



材料:龍鬚菜一把,蒜茸少許。

調味:鹽1/2茶匙,雞粉少許,糖少許,麻油1湯匙。


做法:
1. 龍鬚菜取嫩的部份洗淨,放入沸水中汆燙,熟後撈出泡冰水,瀝乾。
2. 將調味料加入龍鬚菜拌勻上碟,最後可入柴魚片裝飾。

2012年7月18日 星期三

荃灣三楝屋博物館

本來係去揾個地方,無意中見有棟好舊建築物,
無無聊見有時間就入去睇吓。



原來係客家人圍屋


內裏介紹左陳氏遷移荃灣過程及荃灣變化。













這個展廳除介紹陳氏宗族遷移路線及修覆過程及用料。








從這個門入去盡頭就是祠堂












房間內有昔日生活用品的擺設、下田用具及婚嫁用品的展覽。







我係村姑一名,尼D野都有用過或者見過,莫名有親切感。
















以前新界以務農為生,盛產絲苗米,這條巷
幾間橫屋裏有詳細介紹米的歷史,另一巷有介紹版畫。












重有荃灣的蛻變,記錄著荃灣如何從農村、漁港成為衛星城市。





















  

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味