2010年3月31日 星期三

花花世界、油爆蝦仁


花花世界
而家係椰菜花當做,而且營養豐富,
所以用2種花椰菜一齊煮一定營養滿分。
西蘭花及白椰菜花各半棵,兩色花菜切小朵,
放入鹽水浸泡後,沖洗乾淨;鮮香菇表面劃花刀備用。
熱一鍋滾水加入一茶匙鹽,下兩色花煮熟,撈起排盤。
取另一鍋加油熱至中溫,下香菇炸約40秒,撈出瀝乾油。
同鍋下蠔油炒香,再下上湯、加入鮮冬菇煮至略收汁,
以生粉水埋芡,淋麻油,即可鋪在兩色花上。

油爆蝦仁

2010年3月30日 星期二

2010年維園花卉展覽

早幾日去維園睇花展,今年以童話作主題,
天氣熱,人又多影到我傻傻地。


今年主題花是富貴菊,都唔係好吸引其他人去拍照。









係屈金香花田,你想埋到去都幾難。

只好影d同其他人唔同嘅野。












影影吓有d肚餓。

見佢招牌有d特別。

第一節飛魚卵即係我地蟹子,第二節墨魚,
第三節郁魚即係我地鹽水吞那魚。

2010年3月29日 星期一

節瓜牛肉魚丸湯


節瓜牛肉魚丸湯
 
節瓜2個,刮皮洗淨切薄圈(節省時間可切細塊)
用半個蛋黃,生粉、水胡椒粉各少許拌勻,
把切片牛肉加入拌勻;把現成鯪魚肉分成細份;
6碗清水注入煲內,然後放節瓜片及薑
猛火煲滾10分鐘,節瓜煲稔後,放入魚丸,最後牛肉和蔥,
落鹽調味,滾半分鐘即成。

2010年3月27日 星期六

日式咖哩雞飯


日式咖哩雞飯

雞脾肉1隻去皮切絲,蕃茄2個切粒,蘋果2個去皮磨茸,
薯仔1個切滾刀塊、紅蘿蔔1根切,洋蔥切絲,
雞湯1公升,日式咖哩磚半盒,薑茸、蒜茸各1湯匙。

中火燒熱橄欖油5湯匙,將紅蘿蔔、薯仔煎至表面金黃,盛起。

原鍋下洋蔥絲炒至軟,加入雞肉絲炒至熟,盛起。

原鍋下薑茸、蒜茸爆香後,下蕃茄粒炒至軟後,
下切碎咖哩磚及雞湯煮5分鐘。


蘋果去皮磨茸加入雞湯中再煮約10分鐘。
將洋蔥、雞絲回鑊,用鹽、黑胡椒調味後即可盛起。

2010年3月25日 星期四

青瓜炒獅子頭狗


青瓜炒獅子頭狗
青瓜半根、獅子狗約半碗切半、蝦皮1大湯匙。
青瓜去皮剖半去籽後切成厚片狀,燒熱鍋,下少許油,
再下蝦皮炒香後,下獅子狗及青瓜炒均勻後,
加入米酒1/2大匙、水1湯匙來調味,最後加上蠔油1大匙、
麻油少許炒勻即可。

偶然係果間裕X見到這些蝦皮,賣得都算便宜,
使用都算方便,本身有點鹹,對清淡餸有提味作用。

2010年3月22日 星期一

松子彩椒雞丁

當我唔知煮乜餸時我就會買雞,
所以大家可以留意到我煮好多雞嘅餸。
 

松子彩椒雞丁
雞扖切大丁皮朝下放入鑊煎至出油後,倒出油再煎。
放入蒜頭1湯匙,蔥段爆香再放入調味生抽1大匙、
味醂1大匙、清酒大匙略拌燜1分鐘後加入青、紅、黃椒,
見汁略收乾加入蜜糖1湯匙後起鍋,上碟後洒上松子即成。

2010年3月20日 星期六

酥皮

買左d現成 酥皮,但無乜概念做d乜出來,
所以做左d鹹,又做甜。


今次本來想做雞批,不過沒有材料,但有腸仔,
但係試左做幾個做形狀都不合心水。

雪櫃有士多啤梨,之前係外面見過人地做d三角形幾好,
而且之前做細細件四方形都好好做;
所以今次又試做長方,發覺比較難做得多,
原來做得太幼身堆砌係好困難,我又學到野了。
 

比較早時做細件,但唧得多吉士忌廉唔得,好快有塌慌,哈。

枸杞豬潤廋肉湯

枸杞葉性涼味甘,含豐富維他命,
有補益肝腎、生津止渴、袪風除濕的功能。
特別在夏天,一般人都喜歡飲冷飲,可是,這會傷害脾胃,
影響消化,甚至生濕,造成腸胃感冒。可以用枹杞葉煮湯
或煲粥,可提高人體免疫力、防癌和延緩衰老,
特別適合發熱病後體虛調理,促進身體機能恢復。
 
而家天氣熱好啱飲呢個湯,
唔知點解細細個時都好鐘意飲,甘甘地好味道。

枸杞豬潤廋肉湯

材料好簡果

先將梗加薑片滾佢約10分鐘,之後掉左D梗。

加葉再滾佢3-5分鐘。

湯用鹽調味,將肉片加點糖、胡椒粉、生抽、生粉、
水各少許拌勻,醃10分鐘後,加油拌勻再加入湯中。

之後加入豬潤,待豬潤熟即成。

但由於枹杞葉性涼,虛寒體質者慎用。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味