荔枝梳打水

舊年雨水把荔枝花打晒落黎，攪到成80蚊磅，但！今年疫情關係無得番去擇荔枝，由出妃子笑到禾枝、黑葉.......等到出桂味同埋糯米滋了即刻去買黎食，荔枝週期很短，所以尼幾日不停食

 今次用荔枝同梳打水結合做左個飲品，味道都唔錯大家可以試下

因為肥左所以唔用雪碧改用梳打水，加埋自家的蜜糖一樣咁好味

材料好簡單3樣野，荔枝、蜜糖、梳打水份量自己決定

荔枝去殼、去核放入杯內，我加入1湯匙蜜糖後，放冰及梳打水至滿攪勻即可飲用

椰汁芒果啫喱糕

 屋企有兩個大芒果，天氣又熱辣辣，一於整成凍冰冰甜品，咁就爽晒

椰汁層材料：

椰汁1罐(400克)，魚膠粉22克，砂糖2湯匙，熱水約150毫升

芒果層材料：

大芒果1個，芒果味啫喱粉1盒，魚膠粉3克，熱水約300毫升

做法：

1.芒果去皮後切片再切粒備用

2. 啫喱粉加魚膠粉拌勻後，倒入大滾水拌勻待涼

3. 魚膠粉加砂糖拌勻後，加入熱水攪勻後加入椰汁拌勻，把一半椰汁倒入盆中放入雪櫃冷凍

3. 待椰汁這層凝固後，加入芒果啫喱水及芒果粒再入雪櫃待凝固後，把最後半份椰汁鋪在面，放入雪櫃雪一個晚上即可倒扣出來切件食用

椰汁芒果啫喱布丁杯

近排芒果當造，做個簡單芒果布丁，今天做一個小甜版的芒果布丁，只用左芒果啫喱粉無加糖

  材料：

芒果2個，芒果啫喱粉1盒，椰漿1罐(400克)，滾水400克，魚膠粉10克

做法：

1. 芒果啫喱加入魚膠粉拌勻，注入熱水拌勻

2. 芒果去皮，切粒，部份用攪拌器打成茸

3. 把椰漿及芒果加入芒果啫喱水中拌勻再倒入杯中8成滿，再加入芒果粒，放入雪櫃冷藏2小時至凝固即可

芒果椰汁布丁

 大小姐接左個婚禮的甜點吧！需數量都有點多，她一個獨力完成很叻，而主人家都很滿意

 每次做餅她每樣材料都會比預期預備得多一些！今次有預備很多芒果都沒有派上用場，結果當然比我瓜分左一D

 大芒果在操作起來真係得心應手，特別在一邊切一邊偷食時真係好滿足感

材料：

芒果肉約300克，椰醬1罐400克，牛奶200克，魚膠粉15克，雞蛋1隻，清水100克

(我這個布丁使用芒果汁100克代替水沒有使用砂糖，若有需要可加40克砂糖)

做法：

1. 把魚膠粉撒入芒果汁中，讓魚膠粉吸收水份膨脹

2. 椰醬、牛奶放到鍋內用小火煮熱(不用煮滾)把1加入拌勻即可

3. 把蛋拂勻，快手加入2中不斷攪勻混合好後，用隔篩過濾後倒入有芒果粒的盤內，放入冰箱冷凍凝固即可

疏扶厘

做了個風一樣的甜品，二、三口就可以食完的鬆軟疏扶厘，當早餐、下午茶也可以的

分蛋法材料(蛋黃部份)3個餅1人份：

蛋黃2個，低筋麵粉20克，砂糖5克，油半茶匙，牛奶半湯匙

蛋白部份：

蛋白2個，砂糖5克

裝飾部份：

奇異果1個，蜂蜜1大湯匙，糖粉少許，甜忌廉少許，士多啤梨2粒

(裝飾部份很隨意不用也可以，但！這個食譜不甜，不加糖粉一定要把砂糖份量加陪)

 

蛋黃放入盤中，拂勻加入砂糖，拂勻後加入油

拂勻後再加入牛奶，這時蛋液變得白一點，預防結塊分2次把麵粉篩入及拌勻

蛋白放入盤內，加入半份砂糖，打至9成發泡，中間把剩下砂糖加入

蛋白拂起後，挑1/3跟蛋黃拌勻，蛋黃漿倒入蛋白中輕力拌勻，放入擦了油的鑊中用最小火煎，再加蓋焗3分半鐘(想做厚身一點要4分鐘)翻面再焗3分分半鐘即成

煎好的疏扶厘會彭漲用手拍一下可以拍出震動

這個食譜沒有加入泡打粉，所以很快消氣，要快點食啊~ 

甜品控6—幸福的到來

大家很久沒有見到大小姐的甜品吧，對啊！ 大小姐要去上班確實小了時間整甜品，但！她不是沒有做啊~ ~

大小姐多了個肥嘟嘟，哈~ ~ 他幸福了~ ~  很多甜品都進了他的肚子，相信他一定感受到濃濃的幸福感