2010年10月31日 星期日

南北杏金銀菜乾湯

一個好傳統嘅湯,而且係一年四季都可以飲,味道幾好,
功能可以滋潤肺部、清熱利咽、化痰止咳、健脾養胃、疏通大便,
幫助消化,真係老少皆宜,你話係唔係(好似賣葯咁)。但,
如果你怕白菜乾寒,你可以加多幾塊薑片,咁就可以去左d寒性立。



材料:西施骨半斤,白菜乾2扎,白菜1斤,紅蘿蔔1條,南、北杏各五錢,臘鴨腎2個、蜜棗3粒,陳皮1角。
做法:陳皮浸軟去瓤;西施骨汆燙洗淨;白菜乾浸軟洗淨;紅蘿蔔去皮切滾刀塊;白菜,南、北杏、蜜棗洗淨。
取適量清水,放入全部材料,大火煲半小時,轉小火煲2小時加鹽調味即成。

2010年10月30日 星期六

蜜汁雞腿

 
材料:
小雞腿約300g、炒香白芝麻、薑末各小許、水50cc
醃料:
豉油2大匙、蜂蜜3大匙、糖2小匙、鹽1小匙、米酒1大匙
做法:
1.小雞腿沿骨頭劃一刀。
2.雞腿放碗內加入醃料、薑末、水醃約2小時至入味後,雞腿撈起,醬汁保留備用。
3.取一平底鍋,加油,下2的雞腿蓋鍋蓋煎約2分半鐘,開蓋翻面,
再煎2分半鐘,下2的醬汁、少許水煮約1分鐘,上碟、撒白芝麻即可。

2010年10月28日 星期四

牛油炒雙菇


材料:本菇1份,秀珍菇1份,芫茜少許,蒜茸1匙,
牛油1大匙、香草及黑胡椒粒各少許。
做法:起鍋下牛油,加入蒜茸雙菇拌炒再加入鹽調味,
菇軟後再加入芫茜、黑胡椒及香草拌炒即可。

2010年10月27日 星期三

木瓜蕃薯南北杏湯

這個天氣需要一些比較潤的湯水,對皮膚都好些。

木瓜一斤,蕃薯半斤,南北杏二両,無花果8粒,黃豆三両,薑4片。

木瓜去皮去核切塊,蕃薯去皮切塊,無花一開二,
將材料洗淨後放進煲內水滾轉慢火煲2小時,加鹽即可。

2010年10月26日 星期二

佛山—蘆苞祖廟

得閑就hea 吓

跟美食團揾食,順便來到尼個輕量級嘅景點,蘆苞祖廟—古稱胥江祖廟,地方都算新正,話佢有八百年歷史真係有d唔信。

座落於蘆苞鎮之北郊,是一間儒、釋、道三教合一的廟宇,
已有八百年歷史,為三水市最古老寺廟,現時為廣東省文物保護單位。


一來到見到商業氣色好重,哈~ 周圍賣晒廣告都有。

這裏好特別話三教合一,但共有四間廟,而第三間就係祖廟,
你會發現祖廟個屋頂的建築相當特別,像是歷盡倉桑似的。

而位於祖廟最右側—華山寺 ,始名為 "華胥古梵" 是按原貌於1994年重建。

而另外三廟以北帝廟為主,左有觀音廟,右有文昌廟。

各廟均有前後殿,而且香火鼎盛,建築非常細緻。

廟內不論陶塑、木雕、磚雕、灰雕、石刻,壁書等裝飾,
仍瑰麗精巧,栩栩如生。

祖廟經歷元、明、清各代多次修茸,特是清嘉慶十三年和光緒十四年的重修,
另這座廟更成為一座藝術殿堂。


特別是這幅 " 雙龍戲珠 " 陶塑造型優美,光彩照人,壁畫畫面精細,生動傳神。

北帝廟的石級旁有一古井,稱作 "金沙聖井" 相傳金沙聖井
的水曾作為貢品,冬暖夏涼,久存不腐,而家井下面都有小小水,但據講無人取來飲用,咁又係見佢面頭有d雜質唔...信唔過。




這裏環境都很好,建築群佔地面積2000多平方米,
有向游客開放的祖廟齋堂、釣魚、划艇等。 係佛堂釣魚都得?

跟團旅行係咁架立,坐左一個小時車來睇左15分鍾,
呵~ 呵~ 又要走了,如果自悠行,比我都唔來尼度。

2010年10月24日 星期日

粟子燜膳


材料:
鱔半條、粟子肉半斤、薑4片、蔥1顆、蒜片半茶匙。
醃料:
薑汁、紹酒各1茶匙,鹽半茶匙,生粉、胡椒粉各少許。
調味:
水大半杯,生抽1茶匙,老抽1茶匙,鹽1/4茶匙,糖1 1/2茶匙,麻油、胡椒粉各少許。
做法:
1.粟子肉去皮洗淨,用滾水烚至七、八成稔。
2.白鱔洗淨,用熱水拖水後,洗淨其表面潺,抺乾,橫切段,放入醃料拌勻,泡油。
3.燒熱油2湯匙,爆香薑片、蒜茸及蔥段,將白鱔回鑊加入調味料和粟子,煮滾後,收慢火燜至材料稔,待入味及汁濃即可上碟。

2010年10月23日 星期六

髮菜眉豆花生雞腳湯


材料:
髮菜(浸軟1碗),眉豆、花生(各二両),冬菇(10隻),雞腳(半斤),果皮(1角),紅棗(15粒),水12碗。
 
做法:
西施骨用滾水汆燙5分鐘後,用水沖洗;冬菇浸軟;將材料洗淨後放進煲內,水滾轉慢火煲2小時,加鹽即可。

功效:有補血烏髮,通便利尿,必痰止咳,滋陰補腎潤膚,補腳氣消腫功效。

欖菜豆角炒肉碎


欖菜非常野味,配甚麼菜都好夾,惹味之作,真係飯都可以食多兩碗。

2010年10月21日 星期四

韭菜花炒牛肉

這個  韭菜花炒牛肉  做法同之前  炒鮮魷  其實一樣做法。

只是在醃牛肉時注意一吓,不放鹽就ok 啦。
食材:
韭菜花1小把、牛肉約150克、紅椒1/4個、薑2片、蒜2粒、上湯少許。
醃料:蛋,生粉1茶匙,上湯2茶匙,生抽1/2茶匙。
調味料:
糖、生抽、米酒、麻油、蠔油各少許
做法:
1.將韭菜花枯黃的部位摘除,切成4公分長;紅椒切絲;蒜拍扁。
2.牛肉切片,加入1/3蛋液及醃料,拌勻待十分鍾。
3.起鍋熱油,把牛肉走一走油約八成熟,盛起。
4.起鍋油1大匙,放入韭菜花頭和薑片和蒜拌炒。
5.牛肉回鍋,加入韭菜花及上湯約3大湯匙,少許糖及蠔油,起鍋前加米酒、麻油即完成。

雪耳圓肉雞蛋茶

尼兩日天氣真係好乾,同鮎魚有無關係??
 

材料:雪耳一両,圓肉5錢,雞蛋4隻,冰糖、水各適量。
做法:雪耳浸軟,雞蛋煮熟去殼,將材料洗淨放進煲內,
水滾後轉慢火煲20分鐘,加入雞蛋冰糖即可。


功效潤燥養陰,補腦益智,寧神安心,治心悸失眠,肺陰虛燥熱,咳嗽。

2010年10月20日 星期三

蛋豆腐捲


豆腐皮1張,蛋豆腐3條,芫茜適量,花生粉適量,沙律醬適量,雞蛋1顆,肉鬆半包。

1.雞蛋打勻成蛋溶液,蛋豆腐成長條狀,豆腐皮一開三用。
2.將腐皮攤開,依序放入花生粉、芫茜、肉鬆、蛋豆腐條,再擠上沙律醬後,捲起來成長筒狀,封口處抺上蛋液,包緊備用。

3.平底鍋入油預熱,下油煎至表面香酥,取出即可。

2010年10月18日 星期一

蜜糖豆炒蝦球


係blog見到angie煮雜蔬炒蝦球,剛巧雪櫃材料大同小異,又試吓。

摷雪櫃有齊以下材料,煮埋一碟。
 
1.蝦去殼,加入胡椒粉,米酒,蛋白半隻,生粉拌勻。
2.蜜糖豆撒去筋;洗淨粟米芯;經蘿蔔切片1,摩芋切片。
3.燒熱滾水,放鹽1茶匙,加入摩芋片、蜜糖豆、粟米芯略煮盛起。
4.燒熱鑊,加少許油,下薑片、蒜片、紅蘿蔔片略爆後,加蝦炒至七成熟,將3回鑊,加入生粉水埋薄芡即可上碟。

2010年10月17日 星期日

豬肉婆私房菜

係順德 容桂有間  豬肉婆私房菜。

佢係最新一輪受追捧私房菜館。

店家以水上人家為主題,入門就有個艇仔裝飾,
這裏好像以海鮮為主打,有好多海鮮現貨給客人現點現煮。



亭台樓閣,環境唔錯,地方都好大,佈局有d意思咁。



見個大廳個額扁掛上聚儀堂,好像水滸傳??又轉個主題。

牆上掛幅書法,只看懂 "滾滾長江東逝水......."  。

這天是星期天,差不多一點,可能我地晏左,所以都無乜人。

嘅然叫得豬肉婆,一定有番咁上下,
這個豬肚豬骨靚湯,真係清甜,豬肚又冧。

鯿魚都嫩滑。

藕餅釀墨魚膠,蓮藕片太硬。

招牌燒鵝148蚊半邊抵,鵝一定係肥無得講,但唔香脆。

鍚紙焗雞都幾香,不過失敗因為焗濃左黏晒底。

第一次見茄瓜係綠色,原條就咁蒸好加豉油,
最妙係點wasabi吃,真係未試過。

這個南瓜五花腩都幾冧,但荀乾就未夠入味。

炸粽幾香。

這個麵包夾牛奶,炸功唔得索晒油。

尼個黃豆燜排骨最正,有人重要外賣添,佢又做得唔錯。
裏面有薏仁、芋頭粒、黃豆,排骨好味。

兩個菜都做得唔錯。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味