2011年9月30日 星期五

韓式辣豆腐


懶唔想洗咁多野,想到用微波爐尼做這個餸。
 

 



豆腐切片放碟,雞脾肉用生抽,糖,生粉水醃一下,
圍在碟邊,包上保鮮紙,放入微波爐,叮佢6分鐘。





豬肉用韓國辣椒醬,少許米酒,糖,生抽醃一吓。
將椰菜放碟底,豬肉放面,用保鮮紙包住放入微波爐叮佢5分鐘。





將豆腐及雞肉移放碗底,豬肉椰菜由微波爐取出拌勻放豆腐面,
灑上芹菜粒、芫茜即成。

2011年9月29日 星期四

蔥+ 油餅

蔥油餅一直都做得唔好食,因為唔捨得落油,有日上網係台灣網站,
主持人講,這個餅好實在得兩種主要材料蔥+油,如果比得唔夠
邊好食架,聽完佢講,整開月餅,材料又齊,聽佢講,
一於落足材料真係好食好多。



得出一個結論,所有野一定要到位,要咸一定要比夠鹽,
最多係一年食一次,或者做多d運動。

2011年9月28日 星期三

冬菜酒釀蒸黃魚



 
洗淨黃花放碟上,冬菜略浸揸水,加入蔥花,酒釀,生抽,
蒜頭拌勻放黃花魚面上,放入沸水鍋內蒸10~12分鐘即成。

2011年9月26日 星期一

義式麵疙瘩

平時整完餅剩餘材料都只係放係度,係唔合乎原則又左地,
今次聰明嘅我,不停咁試新野,係網上見到尼個義式麵疙瘩,
又試吓玩,吃落都唔錯。

2011年9月25日 星期日

三杯小卷







 


材料:
小卷(細形魷魚)10隻、薑1塊、蒜頭6顆、
蔥1棵、辣椒2條、九層塔適量。



調味料:
麻油1碗、醬油1碗、米酒1碗、冰糖半杯。



做法:
1.蒜頭拍扁、薑切薄片、蔥切1.5公分段、辣椒切2公分段,備用。
2.三杯醬汁:米酒1杯、醬油1杯、麻油半杯+醬油半杯
3.鍋中加水都至沸,加少許鹽,放入小卷後關火泡著,
約兩分鐘後撈起,備用。
4.起鍋熱油,爆香薑片至味道出來後,加入蒜、辣椒、
蔥拌炒,將油倒出備用,同鍋再加入半杯冰糖一起翻炒。
5.加入米酒1杯、醬油1杯,收汁像瀝青狀態後
加入小卷、九層塔翻勻上色,鋪進九層塔即可上碟。

2011年9月24日 星期六

成都子雞





雞小腿1斤、芹菜碎30g、薑茸20g、蒜茸20g、
蔥花20g、花椒粒20粒、辣椒碎15g

調味料:

辣豆瓣醬1湯匙、醬油1湯匙、米酒1湯匙、
糖1茶匙、白醋1茶匙、麻油少許、生粉水適量

做法:

1.在雞小腿肉面劃一刀備用。
2.燒紅鍋,下做法1的雞小腿、加少許油煎至兩面金黃,
再下花椒粒、薑茸、蒜茸炒香,下辣豆瓣醬炒香後,加少許水、
醬油、米酒、糖蓋上鍋蓋燒煮入味。

3.起鍋前,撒上芹菜、辣椒、蔥花,淋上白醋,
再以生粉水勾芡,淋上麻油即可。

2011年9月22日 星期四

磨菇薯仔

 

材料:磨菇1罐、蒸熟的薯1仔顆(帶皮)、蒜茸1湯匙、
牛油1湯匙、煙肉1片、海鹽1湯匙、研磨黑胡椒適量。


做法:
薯仔切塊後,放入鍋中煎至表面酥香,撥一邊加入煙肉煎至出油,
再加入磨菇煎至微焦後,放入蒜茸、牛油、海鹽、
黑胡椒拌炒均勻即可盛盤。


2011年9月21日 星期三

豆醬炒蜆



 

屋企人不喜歡豆醬味道太咸,所以要煮d佢地喜歡餸菜,
再+小小豆醬來消滅佢,希望係佢地不知不覺間可以消左佢。

2011年9月20日 星期二

慳家日式照燒雞

尼個餸可以慳家,因為可以連油都唔使落,
只係洗兩隻碟同一隻鑊。


材料:雞扖2隻 、西蘭花5朵 、芽菜1碗、 柴魚湯200cc 、
薑泥1/2湯匙、醬油2湯匙、糖1湯匙、米酒2湯匙、味醂1湯匙。





燒熱鑊將雞扖有皮部份貼住鑊燒,燒至兩面煎至微焦後將雞取出,
雞皮會燒出好多油,太多雞油要倒出。



用取出的雞油炒香芽菜。





雞扖回鑊在鍋中加入柴魚湯、薑泥、醬油、糖、酒、味醂後蓋鍋蓋燜煮。



將燜煮好的照燒雞腿放入西蘭花蒸煮至熟。


將煮好的照燒雞取出鋪盤,旁邊擺上芽菜及西蘭花即成。



2011年9月19日 星期一

蛋撻


想食蛋撻,樓下麵包店2蚊有一個。
 
 


但又想練習一吓,所以決定自己做,he he ~似乎離合格好遠喎。



技術真係要練番黎,唔可以偷懶,下次再繼續。



2011年9月17日 星期六

黑椒豬柳




尼輪唔得閒,醃好d豬柳攞係雪櫃都無時間煮,
今日快快手用黑椒同青椒煮豬柳啦。

2011年9月16日 星期五

泰式酸辣鳳爪

對於係街食泰式鳳爪有點怕,因為通常做得好辣,
但自已做可以調較就無咁辣啦。




泰國無骨鳳爪250克,鹽、紅辣椒碎、芫茜碎、青檸汁、各適量,
魚露2湯匙,糖半湯匙,蕃茄1個,洋蔥半個。




做法:
1.雞腳切細件,蕃茄切件,洋蔥切絲浸冰水。
2.煲滾水,加鹽放雞腳,以大火烚3分鐘,盛起隔乾水。
3.將紅辣椒、魚露,芫茜,拌勻。
4.大碗加入雞腳和洋蔥抙勻,再加入3.再拌勻,
再下蕃茄、青檸汁即成。




再試吓另外一個越南式的,這個已調好味道
非常方便,但太辣啦。

2011年9月15日 星期四

蕃茄皮蛋

尼個涼伴菜真係食唔出皮蛋味道架,你會有驚艷感覺添。

 
番茄2顆、皮蛋2顆(剝好殼)、洋蔥1/2顆(留蒂頭)、
芫茜2把、橄欖油適量、指天椒1根;白醋、鹽、糖

 
 
1.將洋蔥切丁後分入冰水冰鎮。

2.將芫茜、指天椒切末,番茄切片,皮蛋切丁後,
取番茄片鋪盤,表層放上皮蛋丁備用。

3. 取一碗,放入洋蔥末、指天椒、芫茜末、一茶匙橄欖油、
四湯匙白醋、糖少許、鹽少許、芫茜拌勻後,鋪在皮蛋丁表層即可。

2011年9月14日 星期三

木耳





所需材料:
乾黑木耳30g、雪耳20g、辣椒片2支
調味料:
鹽1.5茶匙、麻油1湯匙、芥末1湯匙
做法:
1.將雪耳泡冷水1小時至發脹,瀝乾;將乾的黑木耳用80度的溫熱水沖泡30分鐘,再撈出沖泡冷水2小時,瀝乾備用。
2.起一鍋滾水,下泡發的黑木耳、雪耳,水回滾至熟後,撈出,放入冰水中,冰鎮後撈出瀝乾備用。
3.取一碗,下辣椒、做法2、調味料拌勻即可。

2011年9月13日 星期二

好快又一年—中秋節

試做兩款冷盤,我覺得非常好好,哈!唔知你地點睇,



皮蛋蕃茄





芥辣木耳





麒麟豆腐



豉油雞



鮑羅萬有

 


清蒸魚
 






最後來番一碗紫米露,實在太滿足啦,
三個人亦都食唔晒,塞到個雪櫃好滿足呀^^"。

2011年9月12日 星期一

冰皮月餅

見大家都做冰皮月餅,我都做左個,但個皮比較黏,
試左好多個配方都好快變硬。






今日終於將個冰皮月餅Post出黎,唔係會太遲啦。


2011年9月11日 星期日

重要食幾多次月餅尼

真係!每次想開始減肥都係有好多野食吸引,
加上由8月中開始到今日食左不知幾多月餅,想廋真係幾難。

 



首先出塲,係同事去越南番黎時手信。





過兩日,有位同事要掉走,大家請佢吃飯,
之後佢請我地吃生菓涼粉。



跟住第二日有同事話做滿一年,開心野要同大家分享,又糖水又燒肉咁。









接著有日同事話,他們一家唔食朱古力,
把親戚從比利時帶回來的朱古力請我地食,
一見到好野,大家一定唔於放過,手慢已經得番小小。








再過兩日,有一位同事由台灣旅行回來手信。




跟著就展開每天一月餅活動了(我句係我講 哈~ ),
一開始,有人請食雪櫃月餅。





第二天,有這個有傳統月餅外,重有麵包物語嘅蛋黃黑芝麻同埋香芋月餅。








再過多一日,有四個很受歡迎嘅芝士月餅。




跟著又係中式月餅啦,大家真係客氣,
好盡情咁把家裏收到的月餅帶返公司同大家一齊分享。



已經食左咁多月餅,本來諗住可屋企無月餅,可以休息啦,
點知返到屋企,打開冰格見到有盒月餅,原來係大少公司派。






he he ~~可以食成個,好味就好味,但好肥姐。









轉過頭大小姐放學竟然買左盒冰皮月餅。


 


中午99黎左,佢拎左盒月餅來,之前去探亞媽,佢又比番盒月餅我。





經過我努加之下,剩番咁多。我家大小姐直情唔食中式月餅,
大少都還可以食小小,其他果d重係要靠我自巳啦。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味