2010年1月31日 星期日

芋蝦

我今年動工比較遲做過年食品,
我一家三口都唔食得咁多,想又唔使比亞媽都好快手姐。

芋蝦
一個無蝦但又叫做蝦的東西,之前知它的工序繁複,
製作費時,所以係坊間普通貨色也要數十元一斤,
不要話甚麼八珍要廿百六十元一斤了。到街市買芋頭做
芋頭糕時想到,不如順便試做一盤吧,所以這個芋蝦就咁跑了出來。

做法及味道都知道,但,也上網查下各路英雄,
做時會遇到甚麼問題?大部份人都表示製作需時,
企到腳軟,而且出品數量唔多,加上調味做法,
原來大家都不大相同,心裏有個底。
誰知一輪功夫結果只得這兩個碩果僅存的,
其他不是散開就是披頭散髮,咬落還比較硬。

芋絲必須是幼絲,愈精細,口感愈美。
這裏就不太合格。

第一次做到一半要停工,只因已經做了2小時有多,
但效果真的不好,而且已經夜深了。

第二天,決定用刀把較粗的再略為切幼一點,
稍為吹乾,分開每次半斤,再以糯米粉1茶匙、粘米粉1茶、
鹽1/4茶匙、糖1/4茶匙、紹興酒1大湯匙、
五香粉1大茶匙、胡椒粉1/4茶匙、
雞粉1茶匙及白芝麻2茶匙調味,分成小份,
每份再手心稍為揉搓,放在吃火鍋用的漏杓中。


放入油鍋中漏杓貼住鍋邊略炸,待定形後。

把芋蝦脫離漏杓再炸至顏色略深及無泡泡就要撈起。

這次效果比較好一點,因我等了約10分鐘,
芋頭會出一點水,可以把芝麻都黏上,沒有散去咁多,
芋頭切得幼細做形時較容易,吃落比較鬆脆很多,
之前試味比較淡,今次的份量調較得重手些。

 
整體上今次各方面做得好一點,但只有一個外形比較漂亮些,
其他都有點鬆散。

2010年1月28日 星期四

香草蕃茄拌雞肉丸

內餡加有芝士,中間變得好柔軟,
用左橄欖油煮,比較健康。

香草蕃茄拌雞肉丸

肉丸最重要係雞肉跟豬肉比例是2:1,味道可加可減,
我加左新鮮蕃茄有酸味開胃d,單用蕃茄醬都ok 。
我的食譜是,雞肉200克、豬肉100克,芝士磨碎5湯匙,
麵包糠4湯匙,蛋1隻,鹽、黑胡椒各1/2茶匙。
 

雞肉較乾身,我加入半肥廋豬肉,可以另雞肉滑些。
將雞肉、豬肉剁碎,放入芝士碎、麵包糠、蛋、鹽、黑胡椒粉拌勻。


肉丸用手搓成小圓,放入鍋半煎炸至8成熟,盛起。
(用橄欖油煎比較香,原本是用在番茄醬中煮熟即可)。

慢火原鍋下洋蔥粒半碗炒香後,蕃茄去皮加入,
加入蕃茄醬300克(有需要加少許水),雜香草少許煮約5分鐘,
肉丸回鍋煮至熟,加鹽,黑胡椒調味即可。

這個餸酸酸地好餸飯。

有芝士部份較軟身,比較特別。

2010年1月26日 星期二

花生拌西蘭花、菠蘿炒牛肉

而家買餸越來越貴,人工無加,開支越來越大,
無能力開源,所以要慳家d,
今次有些花生剩,試吓用佢來配西蘭花,有dd新鮮感,都幾好食。

花生拌西蘭花
 將西蘭花一棵切成小朵,取一水鍋,水滾加鹽,
下西蘭花汆燙至熟取出,隔乾水;原味去皮花生2大匙,
放入塑膠袋,用刀背略拍,放入碗中;白芝麻1大匙加入碗中;
砂糖1茶匙、味醂1茶匙,生抽半茶匙拌勻加入花生碗中,
加入西蘭花拌勻,即可食用。
(如果加埋一大湯匙花生醬重好。)
 

菠蘿炒牛肉

2010年1月25日 星期一

環保

我家樓下有好多食店好方便,所以好多時都會幫襯,
早一排又比較小煮飯,但我家人又特別喜歡將外食帶回家,
順便撈電視汁。

咁,所以產生一個同環保有關問題。

好短時間可以累積好多不必要東西。

可能要學我細個時,係要帶壺去買外賣。
 
麥當當推出左$20一個餐,有三款選擇,
好抵食,好多人買,但留意到佢其他餐又靜悄悄地加左價,
唔知你地有無留意到,其實來貨貴,好多食店都加價,有d比小d餸咁。

2010年1月23日 星期六

火鍋剩餘物資—炒洋菇


炒洋菇
雞脾菇1隻、金針菇半袋、本菇半袋、麵粉1小匙,
全部放入塑膠袋搖勻(除金針菇外),
鍋下2湯匙橄欖油,先下金針姑炒香後,
加入全部菇炒勻,再加米酒2大匙,蠔油2大匙炒勻入味即可。

2010年1月22日 星期五

打邊爐剩菜—檸檬豬柳片、蝦炒飯

又強迫大家睇我家打邊爐,我實在有夠無聊。







 

ho ho~我只是點出一些剩餘物資如何處理,希望大家見諒,
這個餸正確來說是用五花腩切大片薄片,會甘香酥脆好多。

材料簡單只需豬柳片鹽、胡椒粉、花椒粒、檸檬汁、砂糖。

 將適量鹽及胡椒粉灑在肉片上,將平底鑊加入1湯匙橄欖油,
放入肉片煎至兩面金黃,盛起,用細火爆香花椒粒,
加入檸檬皮茸、檸檬汁、鹽、胡椒粉、砂糖煮至滾、
再加入肉片快手炒勻,即可享用。

將蝦白灼後去殼,切碎肥牛加粟米粒、蛋炒飯。

2010年1月20日 星期三

和風炸豬扖、紫菜蛋花湯


和風炸豬扖
豬肉一大片用槌或刀背拍扁後,表層灑上鹽,
再依序沾上麵粉、蛋液、麵包槺後,下油鍋炸至金黃撈起切件,
排上碟。蘿蔔磨茸擺在豬扖面。取一碗,倒入生抽3大匙、
味醂2大匙、清酒1大匙、檸檬汁1茶匙拌勻淋在蘿蔔面,
灑上蔥未即可。
 

紫菜蛋花湯

2010年1月18日 星期一

爸爸搬新屋

今日爸爸上位,係屯門道德會。最近聽好多新聞話
好多地方私吓建骨灰位出售,但呢間係道場有好多年歷史,
相信都穩陣瓜,到這裏總算告一段落。
這裏需然近市中心,而且地方細細,但都設備齊全,
而且隔離係吉之島都好方便。



2010年1月16日 星期六

棷青粟米西米露

我家大少喜歡飲湯多過飲糖水,我喜歡飲糖水多過飲湯,
大小姐比較簡單,兩樣都唔鐘意。
做左一輪新菜式之後,個人無乜朝氣加上小左時間所以新主意欠奉,
連我喜歡嘅糖水都唔想煮,懶人條根又出,
有時都會吃外食,相信而家除了打邊爐,就要捱外食了。

椰青粟米西米露

 新鮮粟米拆粒,中火煲水西米放滾水中煮10分鐘後,
連蓋熄火焗30分鐘至透明,隔乾水。

(第一次無將椰青斬到面目全非)
椰青肉挖起,椰青水及水1碗煮滾後,放入粟米粒煮15分鐘,
再放入西米、椰漿1盒、糖,待再滾起加椰青肉,即成。

2010年1月14日 星期四

圓肉玉竹煲豬骨

圓肉有安神定經及潤燥作用,在乾燥季節,
可以多點用它來煲湯,可以配豬骨,煲雞或者山斑魚。

圓肉玉竹煲豬骨
圓肉1大湯匙,玉竹半両,杞子1大湯匙、南杏半両,豬骨1斤,薑2大片,水12杯。
圓肉用水浸泡,玉竹、杞子、南杏洗淨,豬骨放入滾水內出水;薑片略拍。
清水放竹煲內,加入全部材料燒至大滾,轉慢火煲2小時,加鹽調味即成。
 

2010年1月12日 星期二

雞扖意粉

 很多時雪櫃總會有零星食材,
如果做一個餸菜,一定會覺得材料不足夠,
但如果煑麵一個人享用反而剛剛好,可能你會覺得有多。

先煲一煲滾水,放一茶匙鹽,下一份意大利麵煮約七成熟。

同一時間,將洗淨抺乾雞脾,在雞肉面界幾刀,
灑上胡椒粉、海鹽。雞皮貼住鑊煎出油及至金黃色焦香。

反轉把肉煎至熟,及切成需要大小,盛起待用。

原煎鑊倒去多餘雞油,下切碎蒜茸、洋蔥、煙肉略煎。

煎至洋蔥軟後加入磨菇片及雞上湯半杯煮約3分鐘(材料多小可加可減)。

將剛煮好意粉及西蘭花加入,
再加入煮意粉的水半杯(咸味來源)加蓋煮約3分鐘。

轉小火,加入淡忌廉略煮(可以在這時加入芝土),
拌勻即可上碟。

雞皮部份煎得脆脆的,好吸引。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味