2012年4月30日 星期一

磨菇牛肉意粉




一人餐最簡單,只要雪櫃有乜就煮乜。見有免治牛肉碎、洋蔥、蕃茄,
開罐磨菇煮個意粉。太好味啦(自誇),竟然唔夠食。




白色係淡忌廉,整開蛋糕所以有得加上去,靚靚地馬。hehehe~

2012年4月28日 星期六

香辣棒雞翅

幫襯麥當當套餐,一定有薯條剩,我一定會留起。




食材:
雞中翼10隻、剩左薯條、蔥碎1湯匙、蒜茸1湯匙、
辣椒粉1茶匙、花椒粉半茶匙、白芝麻1湯匙。
調味料:
鹽1茶匙、梅粉1茶匙、孜然粉1茶匙
做法:
1.薯條、雞翅對半直切,入油鍋炸至香酥盛起。
2.取炒鍋乾炒蒜茸,放入炸酥的雞翅和薯條,
將辣椒粉和其他調味料一起放入拌炒均勻即可。

2012年4月26日 星期四

泰式鯧魚

大小姐好喜歡炸或煎鯧魚,食得多我又悶。

 
 

今次做個泰式煮法,即刻活潑晒,又開胃又好送飯。
材料:
鯧魚1條、青/紅椒各1隻(切塊),洋蔥1/4佪、薑數片,
泰式雞醬毫升,水100毫升,鹽、胡椒粉各適量。

做法:
1.鯧魚洗淨後吸乾水界兩刀,撒鹽、胡椒粉略醃。
2.燒熱鑊下油,爆香薑,入鯧魚煎至兩面金黃色,約4~6分鐘,盛起。
3.原鑊下洋蔥、青紅椒炒香後加入泰式雞醬後灒水,
再加入鹽、胡椒粉拌勻,淋上魚面即成。


2012年4月24日 星期二

牛大力土茯芩煲豬骨湯




係街市見有新鮮牛大力同土茯苓賣,咁就買返d煲個袪濕消暑的湯




新鮮牛大力四兩,新鮮土茯苓四兩,赤小豆一兩,扁豆一兩,
豬骨半斤,煲一個半小時,合全家飲用。

 




牛大力功能清熱潤肺,止咳,強筋活絡,主治肺結核,支氣管炎,慢性肝炎,咳嗽等症。

土茯苓味甘性平,有清熱解毒,除濕通關節,主治瘡毒,風濕關節炎,筋骨酸痛,是袪濕佳品。

但清熱祛濕湯不宜久煲

2012年4月22日 星期日

肉鬆飽

而家有時間就會整吓飽好似上左癮咁,佢真係好好玩架。
 
肉鬆飽

初初整包時都咪話唔傷心同埋身,因為成品唔係幾好,要請大口仔食,到入得口時只有大小幫襯一~兩個,其他都要自己消化(肥c),公司白老鼠集體減肥,唉!所以要做小d次數。




尼個飽係跟blog友仔小花媽個riecpe做,做左8個,
一出爐就食左3個,真係好好食架。




蝦!下次整乜好尼?

2012年4月20日 星期五

芒果布甸

尼排芒菓又開始當造啦,加上北海道3.6牛奶做布甸
貪佢奶味濃又夠滑。



本來想用個大模,等出黎個樣靚靚,
點知計錯魚膠粉份量,成唔到型。


最後加魚膠份量及轉用細杯,睇吓真係好真材實料架。




另外一部份擺個靚樣比大家睇吓,呵~ ~ 樣靚味道好架。

2012年4月18日 星期三

天后誔

三月廿三日天后誕




記得大小姐小的時候,一到三月廿二日晚,我會帶大小姐到
天后廟睇獅子及龍及其他年獸會帶同花炮到廟拜天后,
而第二日就會再帶著大小姐到街上睇出會。




但!睇得多就無興趣,就算家裏頭有一角窗可以看到都小去睇。





朋友仔約我星期天吃盆,無想過同天后誕有關,
滿以為是誰家娶新抱,因為同天后誕隔左幾天。




今次係到廈村鄉吃盆菜



時間差一點點才開席,同場加插村裏頭參觀,
介紹一些比較舊建築和最新建築比大家睇吓。




以前嘅灶頭和水缸





這些屋子有些還有人住的啊




這些青磚屋很堅固,我挻欣賞他們屋簷的設計。





再來參觀一下最新鮮出爐剛起好,還沒有入住的村屋。






周圍環境並不太寛闊,但自成一角。




現代化的廚房



到盆菜現場入坐,有歌手及樂隊奏樂娛樂大家。







現場都相當當熱閙





開始上盆菜啦,大家可以食番餐啦。




食到咁上下,台上歌手暫停表演,
係因為有另一個更刺激嘅投標節目開始。



到晚會完結時,朋友仔有三件戰利品。









呵~ ~ 在我來講三件野價錢唔平,但意義嘅野唔係咁計

2012年4月17日 星期二

青菜豆腐蛋花湯

a



 
材料:
菠菜1把、番茄2顆、嫩豆腐1塊、蔥1棵、上湯400c.c.、雞蛋2顆、煙肉2片
調味料:
鹽巴、麻油
做法:
1.豆腐切塊、番茄不去皮切丁狀、蔥切花、波菜葉切段、蒜切茸,備用。
2.起鍋,將煙肉煸炒出油,倒入適量油煎豆腐,接著再放入番茄丁、上湯煮至滾。
3.同上鍋,下蔥花、波菜葉段煨煮,起鍋前關火淋上蛋液。
4.將少許鹽、麻油放入碗中,再將步驟3沖入即完成。

2012年4月15日 星期日

BBQ

我好鍾意BBQ架,但身邊果d都唔鍾意,
又話燒完頭髮呀、件衫呀一陣味。




朋友仔兩次抽獎都咁啱抽中燒烤爐,因此,送左個比我。





見係咁,藉口整返個燒烤大餐。



整定d沙律外,準備左條鯧魚、鮮香菇、雞脾菇、雞全翼、茄子。
調味料係用檸檬半顆、韓國辣椒醬1小碗、糖、醬油9匙、味醂6匙、清酒3匙

做法

1.做醬汁:醬油9湯匙、味醂6湯匙、清酒3湯匙,加3湯匙糖、檸檬片、洋蔥泥、薑泥倒入鍋中加熱成醬汁,微滾一會兒後可將檸檬片取出。

2.沾醬:取醬汁一半,加入1大湯匙韓國辣椒醬拌勻。(醬汁中的檸檬片可用蘋果泥、水梨泥代替。)



3.將鮮香菇用籤串起,先將有色面貼網放在小火上慢烤,上灑少許鹽巴,待皮皺起時再翻面。

4.雞翼放大火上,烤到8分熟後灑少許鹽巴再泡入醬汁中,再放在爐火上烤一烤後,再泡入醬汁內烤香即可。(共兩次)






5.鯧魚噴水,兩面灑鹽後,放在小火上慢烤。魚直接放在網子上烤時不要一直翻面,魚肉會沾黏於網上,可利用拍網方式幫助魚肉與網子脫離,且較不會沾黏。





吃完,唔夠飽,又係雪櫃摷野繼續燒過。




不停咁燒腸仔同年糕,燒到肚飽為止。




後記:係屋企燒先知要燒好耐d野先熟,因此好留意
街邊d燒烤店運作,比我發現,客人多時佢地會先炸過d食物,
然後再把表面燒至焦香架。

2012年4月13日 星期五

新玩具

這篇終於可以寫出黎見人啦。




早排買左兩個新玩具,一部係迷你衣車。




這個可以用黎補吓衫、車吓窗廉布,其他野....要諗吓.....可以做乜先得。





第二樣係麵包機。




第一次試整係預較左時間,
唔知點解,徹低失敗左???



第二次試整無預較時間,每樣材料小心放唔同位置。



結果......係發左,但!唔係應有size 又失敗???



跟住第三次 ..... 呵~ ~  一出黎見到個樣..... 成功啦,好似.....。




點知,食落好似白糖糕個口感。




再次失敗???



第四次..換果個食譜成果,睇落唔錯,重好有麵包香味添。
 

熱辣辣食時都唔錯,只係唔錯,

帶佢地返公司,請白老鼠們試味,一致應為唔夠鬆軟,好硬。
但.....有隻白老鼠名叫實習學生,她說,好喜歡它夠硬,
夠麥香,又夠健康因為無發粉。吓~ ~




唉!都唔知好怒定好笑,當然又算失敗???




再整,這次唔要麵包機由頭做到尾,決定揾焗爐幫手。





哈)))))  出黎效果都唔錯,係排氣做得唔好,
比個橫切面大家睇吓。





發覺,應該係發酵過度。又失敗?





第六次,可能熟習左,這次個包好鬆軟,表面正常。


 
 
 


最終一回終於成功,這次終於似模似樣啦。



都唔明做有餡飽材料一樣,但效果都唔同,
還好係越來越好,希望下次做得更好。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味