鵝肝腸排骨煲仔飯

 

 

 終放可以放打風假了，但！一個人在家裏又無儲粮，找下雪櫃見有鵝肝腸同排骨，天氣涼涼地，又是食香噴噴煲仔飯的時侯，一煲剛好一人份，啱我一人餐的時侯

 

朋友幫我買嘅，唔記得是鵝肝腸定.....，he ~ 總知是腸，哈~ ~ 一定比人鬧

 

一孖腸，一點排骨，一碗米，材料好簡單

 

處理米就加多小小工序，洗好米，泡約5分鐘，隔乾水，瓦煲底擦一層油後(這樣有飯焦)，把米放入，加入水放上爐煮至蝦米水，用筷子攪拌一下，放入洗淨臘腸及醃好排骨，加蓋煮一會，轉中小火把米及餸煮至熟即可

 

跟住做甜豉油，魚露1茶匙，老抽1湯匙，水3湯匙，糖1茶匙，燒熱小鍋，先放入老抽(增加香氣)之後再放其他調味，煮勻即可使用

牛肉煲仔飯

 今日煮懶人飯，用一點雞脾菇及牛肉又可以一餐，熱呼呼的上桌，慳時間又少油煙

 

 

 

 

 

 

 

材料：

米一小碗，牛肉約二兩，雞脾菇一隻

 

調味料：

蠔油1茶匙，醬油半茶匙，酒半茶匙，酒茶匙，生粉1茶匙

 

 

做法：

1. 把牛肉洗淨、切片，加入調味料抓勻後，醃約15分鐘後，加入切成狀的雞脾菇

2. 把米洗淨，浸水1小時，放入砂鍋內，接著加1:1水份放在爐上，用中火加蓋煮至水滾沸，接著轉小火煮約5分鐘至表面水份吸乾

3.把牛肉放在飯面上，加上蓋，以中小火煮約10分鐘即成

 

 

 

 

 

 

 

 

 

 

臘腸排骨煲仔飯

 

又到最方便嘅 ' 煲仔飯 '  出場，簡單洗淨米，加水放在爐上，水滾加上臘味一會兒就有餸有飯，份量啱啱好唔多唔小，夠一個人食添，好方便

 

 

 

 

 材料：

排骨1條(斬粒)，鵝肝腸、臘腸各1條，米小杯

 

做法：

1. 排骨用糖、鹽、胡椒粉各少許先醃，再加上米酒、醬油、生粉水各少許拌勻待半小時

2. 把米洗淨，浸一會，隔乾水

3. 把臘腸、鵝肝腸放入鍋，隔水蒸十分鐘，取出切片

4. 把米放入瓦煲中，加1:1水份，放入爐上中火煮至水滾，再加上排切片臘腸、鵝肝腸、排骨後，轉小火煲至全部熟，熜火等10分鐘即可食用

 

牛肉餅煲仔飯

 

香噴噴~ ~煲仔飯最啱而家天氣，食到尾都係暖冚冚

 

 

想食就要即刻動手，洗米，略浸一下，就要隔乾水份，瓦煲倒上少許油，用紙擦均煲身，這樣就會有飯焦，把飯1：滾水1一齊放入煲內，先用大火煮一會，略收煮水要轉小火在煮，不然煮濃飯也未熟

 

 

 

 

材料：牛冧肉約200克，馬蹄5粒，果皮1角，蔥白1條

醃料：生抽1.5湯匙，老抽1茶匙，薑汁2茶匙，砂糖半茶匙，生粉2茶匙，水3湯匙、胡椒粉、麻油適量

 

 

做法：

1. 果皮浸軟去瓤切絲

2. 牛冧肉切碎，略刴

3. 馬蹄去皮切碎；蔥白切碎

4. 牛肉碎加入馬蹄碎、醃料、蔥白碎、果皮絲順時鐘方向攪至起膠

5. 待瓦煲轉蝦眼水後，把牛肉平均鋪在飯上，煮至煲內水蒸氣透出，熄火放置10分鐘即成

 

 

牛肉跟芫茜很夾，可以放上大量芫茜、甜豉油跟飯拌勻很香

 

 

 

 

 

 

 

 

 

 

 

臘腸排骨飯

 

 

冬天臘腸同排骨煲仔飯係絶配，冧上豉油，嘩！一個人都可以食晒一煲呀，正！！！

 

 

潮州香芋肉粒焗飯

材料：白米一碗，芋頭120克，廋肉80克，中國芹菜1條，乾蔥1茶匙，油2茶匙，水適量。

調味料：生抽2茶匙，生粉1茶匙，清水1湯匙，胡椒粉及麻油適量。

1.廋肉切可粒，加入調味料拌勻。甘頭切粒，中國芹菜切幼粒，乾蔥切碎。

2.先將芋頭粒走油。
3.瓦煲內放白米，注入適量清水。放入芋頭粒，開火煮至沸騰。

4.鑊中下油爆香乾蔥碎，加廋肉粒炒勻，灒酒，加芹菜粒炒至廋肉熟透。
5.入廋肉粒與米飯拌勻。

6.加蓋放置5分鐘後享用。

史上最殘酷嘅飯

特登用8蚊買左一個煲仔，因為而家冬天，方便自己一個人食飯時，

一煲過唔使做咁多嘢有飯吃，又有自己喜歡吃嘅臘味，

而且吃完都只係洗一個煲快捷。

原本想有d飯焦，點知.......係非常焦。

加上忘記搽油(ー_ー;) 又黏底。

臘腸煲仔飯

我公司又集體訂臘味啦，尼間d味道都唔錯，
無榮華咁甜，重平d，一樣咁夠鮮味。

收到之後，又展開臘味之旅啦(增肥之旅才真)，哈~

 

 

經過一段時間學習之後，煲出來的飯似模似樣了。

但想要飯焦，要再努力了。

蝦乾腩排飯

上次試做煲仔飯後自我感覺良好，

係個雪櫃到摷到d蝦乾，洗乾淨，將浸蝦乾嘅水放入個煲代替清水，

加埋醃腩排放得太多汁，d米浸水太耐，結果d飯有點糊。

太多味搞到個飯........，今次吃住先，唔好浪費。