又係打邊爐唧時侯

天氣凍凍最好係打邊爐，今次係今年秋季第一次，

而且大小姐最鐘意打邊爐，前年有1個月日日打，

我見到都驚，唔知今年會唔會打破記錄。

得一大一細，呢到份量我地都吃得晒，

唔知冬季完左之後，我會肥幾多呢？？

介紹下我今次個醬係用薑茸2湯匙、蔥花4湯匙、

蒜茸2湯匙、辣椒茸1大湯匙、芫茜4湯匙、

蕃茄醬2湯匙、蠔油2湯匙、醋1小匙、醬油膏1湯匙、

白糖1小匙、麻油小許，將所有材料拌勻即成。

(你可能覺得乾，但你涮好的食材會帶水份進醬汁中，

經過一會後就剛剛好了(*￣∇￣*) 。)

之前落樓食下午茶時見街爆候，沒有聯想到其他，

洗好野之後無水供應，攪到好麻煩。

東坡肉

之前做過一次東坡肉，但比較甜，所以今次改左份量。

東坡肉

五花肉2斤汆水後切方式；薑1舊可以拍扁或切片；

蔥3棵切段，紹興酒、冰糖、生抽各半碗。

將薑、蔥鋪放煲底，五花肉皮貼煲底，將冰糖、紹興酒、生抽

倒入煲，用大火煲滾後，轉小火燜2小時。

將五花肉盛出，燒熱汁料至杰身，再淋回五花肉面即成。

今次結果又覺得甜度差小小，並且要切細少少。

梅菜炒肉未、酥炸小黃花魚

係街市飄移時見到好乾淨，無沙梅菜，

想到好耐無食，所以買左少少，因為唔想咁肥膩，

又唔想燜咁耐，所以無買五花肉，只用半肥廋肉碎，

呵呵~ ~ 簡單又快趣。

梅菜炒肉未

梅菜略浸後，洗乾淨，切碎放入白鑊炒至香盛起；

燒熱鑊，下豬肉碎炒至出油，加入乾蔥片、薑片、蒜片爆香，

放入梅菜、生抽2湯匙略燜，加少許胡椒粉即可上碟。

 

梅菜做餸非常送飯，而且隔夜更入味，

若有餘下可以加辣椒炒熱，淋上蒸好豆腐面，

就變成另一個款餸。

日式秋刀魚、生薑豚肉

日式秋刀魚

蔥2棵切段，蒜頭切片，薑片數片

秋刀魚割肚洗淨，切去頭切半，開中慢火下蔥段、薑片、蒜頭墊鑊底，

魚放面加水至魚身一半，下生抽2湯匙，味醂1湯匙，米酒1湯匙，

改中火煮5分鐘並收至濃厚，即可盛起並淋上汁。

 

 

生薑豚肉

豬腩肉片半斤、洋蔥半個、生菜適量、

生抽2湯匙、清酒2湯匙、味醂2湯匙、薑茸20克。

將味醂、清酒、生油及薑茸拌勻，倒入豬腩肉片拌勻，

再加入洋蔥醃10分鐘；燒熱鑊加少許油，

用中火炒豬腩肉片至八成熟，然後倒入醃豬肉的醬汁，煮滾後熄火。

將生菜絲放碟邊，再放上豬肉便成。

冬菇燜雞

冬菇燜雞
雞1隻洗淨斬件下生抽1湯匙，米酒1茶匙，生粉1湯匙，鹽半茶匙，糖2茶匙 ； 冬菇8朵浸軟洗淨，切片留冬菇水備用；  原粒乾蔥頭8個；

  燒熱3湯油於鑊中，放入乾蔥頭及薑片爆香，倒入雞件及各菇片兜勻至雞金黃色，加入冬菇水，用大火煮滾，用慢火燜20分鐘至熟即可。

豆芽雞絲、蕃茄蛋紅衫魚

豆芽雞絲

豆芽菜半斤、雞胸肉4片、辣椒絲1茶匙、麻油少許。

雞胸肉切絲，用鹽少許、米酒2大匙、蛋白小許、生粉粉1大匙拌醃。

用鍋，加油熱至中溫，下作法雞肉絲拉油至熟，

再將油濾掉，雞絲盛出備用。
同鍋，下辣椒炒香，加入豆芽菜略炒後，

下鹽半茶匙、米酒1大匙、胡椒粉少許，

開大火快炒，冧上麻油拌勻，即可上碟。

蕃茄蛋紅衫魚

香辣汁燜牛腩

天氣開始凍，哈  好啱我煮d懶人餸，

即係燜多d，分幾餐食。

香辣汁燜牛腩

 

材料有牛腩 1斤，洋蔥1個， 紅辣椒 1隻， 紅酒1杯 ， 水1/2杯，

 蕃茄3個， 月桂葉3片 ， 油3湯匙

醃料用紅椒粉1茶匙  胡椒粉2茶匙  鹽2茶匙

牛腩切成1吋件，洋蔥切絲，紅辣椒切片，牛腩件與醃料拌勻。

燒熱油3湯匙於鍋中，放入牛腩煎香，加入洋蔥絲及紅椒絲炒香。

倒入紅酒、水及去皮蕃茄切粒煮滾，放入月桂葉，

慢火燜2至3小時至牛腩腍身即成。

如果湯汁比較紅艷些可加入蕃加蓉半碗，一同燜煮；

每隻辣椒粉辣嘅程度都唔同，我今次用嘅就普通，我可以加多一湯匙，

大家可以因應需要加減。

馬拉糕

心思思想吃馬拉糕，但用梘水做要等，唔想之下，

用發粉同梳打粉做，結果   (へ・_・;)へ

馬拉糕

 材料：

麵粉200克，發粉2茶匙，食用梳打粉1/2茶匙，黃糖粉150克，雞蛋6隻，溶牛油80克，雲呢拿香油1/2茶匙，淡奶60亳升。
做法：
1. 將蒸籠用牛油紙墊好，麵粉與發粉及食用梳打粉篩好待用。
2. 將蛋及黃糖粉在大碗中混合，打至糖溶而混合物厚身。
3. 預備蒸鍋，燒熱水。
4. 將蒒過的麵粉分兩次輕輕拌入混合物中，混入香草油及淡奶，最後加入溶牛油快手拌勻。
5. 把粉漿倒入己墊好的蒸籠中，放入蒸鍋大火蒸約30分鐘，取出切件即成。

我個糕似乎發得太利害，表面太多氣孔了，相信大家可以減少一dd發粉(約1/4茶匙)。

崧子菜甫炒肉粒清蒸桂花魚

其實菜甫真係好好送飯架，不過要先用白鑊炒一下，曬d砂糖先用。

崧子菜甫炒肉粒

廋肉肉眼約4両，切丁粒加入生抽、生粉、胡椒粉各少許，

加入2湯匙麻油拌勻；菜甫3両洗禮切丁粒，崧子仁、蒜蓉、乾蔥蓉各少許。

用白鑊將崧子仁略炒至鑊底有油光，即可盛起；

鑊下大半碗油，加入肉丁泡嫩油至九成熟，盛起；

鑊燒熱油1湯匙，爆香蒜頭後，下乾蔥茸、菜莆粒爆至香透，

加入小許糖同炒，把肉丁回鑊，下酒，

加生抽3/4湯匙、糖1茶匙、水3湯匙兜勻至熟，

熄火，加入崧子仁，快手拌勻，即可上碟。

清蒸桂花魚

蝦米冬菇炒蓮耦、照燒雞腿

呢個時候d蓮耦特別甜又爽脆，除左煲湯重可以愛來炒。

蝦米冬菇炒蓮藕

蓮藕1節，洗淨刨皮切片；洗淨蝦米，略浸；

浸軟冬菇，洗淨切粗絲，用生抽、雞粉醃。

用油起鑊，爆香蔥頭、蝦米、薑片，然後放入冬菇絲，

下1茶匙酒，略兜後盛起。

再用油起鑊，加入蓮藕片略炒後，冬菇蝦米回鑊，

加水約半碗，加蓋煮至略收乾水份，用鹽調味，下蔥段即可上碟。

照燒雞腿

雞腿原件皮向下放入鑊，用大火煎至出油及表面金黃色，

太多雞油要倒去，下濃味醬油6湯匙、味醂4湯匙、清酒2湯匙、

少許糖、薑茸略煮；反轉雞腿肉煮，加洋蔥絲加蓋，

煮至收汁即可取出，切件上碟。

 

鹹湯圓

甜湯圓吃得多，

試吓一個簡單，吃得飽飽嘅鹹湯圓。

 

鹹湯圓

乾蔥頭切絲，放入油温中慢火炒至金黃色，

盛起隔去油，即成油蔥酥。

(這部份可以買現成嘅，但就無左油用，香味就小d。)

把五花肉切片，起鑊扁香至出油，加入蝦米、香菇絲爆香；

糯米粉200克加温水50克搓勻，分成小粒、搓圓，

用大火把水煮滾，放入湯圓煮至浮起。

在五花肉中下芹菜頭、韭菜頭、蝦米水、香菇水；

並加入己煮好的湯圓及部份湯圓水略燜煮。

之後放入適量芽菜、韭菜段、油蔥酥、芹菜粒後，

用魚露、蔥油調味，即可盛起。