又有野食，而且重係嫁女餅添呀

 

同事學左個凍餅，整返來比我地食。

 

朱古有同薯片係同事去完英國返來請我地食。

另外有個比較重要d嘅。

 

9月3日就係公司個同事celine 大好日子，祝她百年好合，
新娘子相當口密，不過開心事始終都想大家一齊分享。

不單有中式糖餅，重有埋西餅添，真係豐富。








最貼心係沖埋茶解膩添，哈~！

老黃瓜赤小豆

而家D肉真係好貴，尼度要24蚊，得一個巴長大，一舊骨全部肉，

叫老板娘斬碎先發現，有D多多骨小小肉嘅，下次要望清楚先得。

今日要煲老黃瓜

簡簡單單嘅有陳皮、蜜棗，扁豆、赤小豆。

 

老黃瓜洗淨去瓤，留皮；陳皮浸軟去瓤；西施骨用沸水汆燙好，
沖洗乾淨；蜜棗、扁豆、赤小豆洗淨；全部材料放入大煲中，
水滾轉中火煲2小時即可。

椒麻雞

將薑片，蔥段，花椒八角，鹽2茶匙，放入水2杯煮滾至10分鐘。

放入雞腿煑5分鐘，熄火浸約15分鐘至熟取出，斬件上碟。

花椒1茶匙用油爆香，淋入蔥花粒中，加入麻油，

鹽1/4茶匙，糖半茶匙，生抽2茶匙拌勻，淋上雞件上。

醬煎牛排粒

紅酒同牛排嘅結合

牛排2塊、蒜茸1湯匙、紅酒2大湯匙、無鹽牛油1茶匙;醬油3茶匙、
味醂2茶匙、清酒1茶匙、海鹽/黑胡椒各少許。

牛排切大粒灑上海鹽、黑胡椒醃後一會後，下鍋煎至焦香後，
翻面淋入紅酒煎至收乾備用。同鍋，放入蒜茸、牛油、醬油、味醂、
清酒待收汁後，即可起鍋盛盤(全程用大火煮三分鐘) 唔係會好Un。

參觀麵飽廠

早幾日，好高興咁去麵飽廠參觀，咁大個人都係第一次來:D。

一去到先坐定定，睇吓幻燈片— 一開始介紹公司產品。

接著黎介紹一下麵包發酵原理及制作過程。





再來實地講解及參與制作方法

麵飽姨姨正在分發材料比大家。

並且預備好每人一條圍裙、一頂廚師帽。

又預備好工具及材料讓小朋友DIY。

你地睇吓，大家好認真咁係度創作自己個麵飽。

 

而尼個係我嘅傑作啦  哈~哈~ ^^！

 

就係等待麵飽嘅同時，詩詩姨姨帶我地去左工場參觀漢堡飽的
生產線，又同我地玩遊戲比奬品。

貼心嘅麵包哥哥幫我地由焗爐拎出來，咁小朋友又唔怕辣親。

所有人都做得相當唔錯架，你地睇吓，創意無限呀，正。

 

 

 

玩左咁耐都有點肚.......餓啦.........。

 

麵飽廠又有茶點招待大家....呵~呵~！

活動結束重有伴手禮，每人有一份。

裏面有乜野

我個傑作好似無咁靚仔啊！he he 

檸檬薏米水

 

只需要去藥材鋪買5蚊生熟薏米就攪掂

 

洗乾淨，煲一個鐘就攪掂，加d檸檬汁又得重好好味。

美式辣雞腿

這個跟食譜做，家人並唔欣賞，成個檸檬佢地唔習慣太酸。

材料：小雞腿9隻，檸檬肉1顆，香料1茶匙，辣椒粉1湯匙。

調味：醬油2茶匙，米酒1大匙，鹽1茶匙，蕃茄醬2湯匙。

做法：

小雞腿劃一刀，加入香料醃勻，易潔鑊小許油煎至表面小小焦焦，

加入調味料，拌一拌，加1杯水加蓋煮一會，

再加辣椒粉及檸檬肉煮至汁乾即可。

有野食

 

有多位同事去旅行，分別帶左d手信番來。



澳門乜記濃濃咖哩味鳳凰卷

 

新加坡尼位帶左d好香椰汁、好濃斑蘭葉，又好鬆嘅蛋糕，

以及真係新加坡當地製造嘅手信，WASABEI 豆。

最後去英國同事帶返來尼個最正，加上係特別辨，好受歡迎。

朱古力同消化餅中間有一層拖肥，唔......真係好好食。

不過，每一塊有337大卡，那真是比較恐怖。

椒鹽排骨

這個新系統真係好唔習慣，到而家都摸唔掂，好在一早寫左幾篇，
如果唔係以我d龜速，大家有排都見唔到我。
但佢有好多唔得，唔可以加公仔........咁，好煩。

排骨1斤加少許麻油、1湯匙米酒、醬油1大匙、1/2茶匙鹽、1/2茶匙糖
和1/2茶匙的白胡椒粉和少許水抓醃15分鐘。1/2杯脆酥粉加1/8大湯匙小蘇打粉
和適量水調成麵糊。排骨沾裹麵糊

排骨沾裹麵糊，再沾裹地瓜粉。

入油鍋油泡至熟成撈起，再將油溫拉高放回鍋中逼油。

蔥2支切細茸、蒜3顆切茸、辣椒2支切細茸，花椒粒加鹽乾炒至香，
過濾成花椒鹽備用，起鍋加少許油煉花椒油，爆香蔥、蒜、辣椒，
再將排骨放進一起拌炒，灑上椒鹽即可。

雞肉莧菜羮

 

 

材料：

莧菜1把、腿脾1隻(去骨)、雞湯1大碗、牛奶300cc

調味料：
鹽1/2茶匙、生粉2湯匙

做法：
1.取一碗，下生粉、100cc的牛奶拌勻備用。
2.將莧菜洗淨後，切掉蒂頭，再切成小段狀，菜梗、菜葉分開備用。
3.將去骨雞腿肉切塊狀，下鍋炒至金黃後盛起，鍋內再加入雞湯，蓋上鍋蓋大火煮滾。
4.另取鑊下莧菜梗炒軟後，再下莧菜葉炒香至乾，再倒入作法3中煮勻，倒入200cc的牛奶煮勻，最後下1勾芡即可。