第一次酥皮奶皇月餅

這款酥皮奶黃月餅頭一次製做，

味道覺得差一d，相信下次會調較得好一d。

可能是做左很多批月餅，在吸模開始熟手，

今批明顯做得好又快，無裙邊，又唔會焗到好似由非洲反

來咁，好彩爆裂情況唔係太嚴重。

包裝好後即可送人。

今年第二次自家制盆菜

有次同大厨傾起做節出街食飯問題，

得出結論自己煮盆菜最好，因為備料可以好早做定，

幾日前煮定一大半菜放冰箱就得，現場只做番熱工作，

而菜式，食味可以自己決定，又衛生，

過年試左次，所以中秋節再帶埋個盆菜返亞媽度吃飯。

底層放一些豬皮、蘿蔔、水尤魚、魚肉釀豆卜，唔夠可以再加。

跟住就係冬菇發菜燘蠔豉、五花肉、瑤柱。

加埋燒肉同雞，己經好滿，O，白灼大蝦及西蘭花無位放。

超過15斤嘅食物10個人只消化到一半，下次做d無咁肥膩，

大家可能食得多d。

第一次食露天自助餐

今年錦田慶中秋聯歡晚會，上年是60圍，今年辦到93圍，

有表演，卡拉ok，熱鬧到不得了，

今次用自助餐形式，由龍華負責亦都讚助大部份食物，

而烹煮及進食都是在戶外進行。

 

 

 

 

 

 

 

 

而離開時每人都會有一份手信

呢個環保袋係唔係好得呢

真係，唔講都唔知係環保袋，

由大會送出，另外由煤氣讚助800個月餅，另，

有人及公司讚助46箱麵，全場生菓，500個月餅，

玩具，環保袋，務求要大家滿載而歸。

而我又為朋友們預備了酥皮奶黃月餅做拌手禮

福建炒飯

之前忙做餅，尼兩日忙做節，又有同事升職食晚飯，

所以d blog要遲出；聽晚去錦田參加個露天自助餐，

因一飛難求，要煩到人家為我張羅入場飛，

要睇吓可以做d乜手信，送反比人，今晚炒冷飯吃算，

雪櫃囤積好多材料，所以攪左個 褔建炒飯 出尼。

開大火燒熱鑊下油，下雞蛋煎至半熟後，

加入白飯炒散，聞到香就可以盛起鋪碟底。

燒滾水，放入蝦肉，雞粒、紅蘿蔔粒、翠肉瓜粒汆水，盛起

燒熱鑊下水，加蟹柳、冬菇粒、瑤柱、义燒粒及其他料回鑊，

然後下生抽、蠔油、雞粉、糖、再以生粉水埋芡，

最後下少許老抽校色煮勻，淋上飯面即成。

手工都算粗，而且料太多，睇唔到飯，但，大家都係開飯 la 。

蟹肉薯餅、沙葛炒肉片

秋季尼個時候蟹最肥，

用新鮮蟹肉做蟹盒，去晒殼啖啖肉，好味，方便，

用膏蟹晒左，肉蟹夠鮮甜。

蟹肉薯餅

先將蟹烚12至15分鐘至熟，拆去肉，煲滾水撒些鹽，

加薯仔煮約20分鐘至腍後去皮，切成細件，再壓成茸。

薯仔1個，洋蔥碎2湯匙，煙肉碎2湯匙，熟鮮蟹肉1隻，

栗粉2茶匙，鹽1/4茶匙，胡椒粉1/4茶匙，麵粉適量。

起鑊燒熱半湯油，加洋蔥碎及煙肉碎用中火炒香後盛起，

將薯茸、蟹肉、鹽、胡椒粉、粟粉及麵粉拌勻，

搓成6個小薯餅，再碌上少許麵粉，燒熱剩餘的油，

下薯餅用中火煎香兩面至金黃即成。

將薯仔壓得夠綿，粟粉和麵粉可以再減少一點，咁重健康，

外皮煎得香及脆，不用加忌廉內裏亦好綿好軟滑。

沙葛炒肉片

(沙葛台灣稱刈薯)

如何一鍋三餸 灼肥牛肉、西生菜、蕃茄大豆芽湯

好多時都在想如何簡單快捷做飯，係台灣電視網站睇到

用一個鍋煮完個三餸，跟她方法試做了一次，有部份我改了，

但都ok 而且適合減肥用，你地有興趣也可以試吓。

這個方法可以在三十分鐘內煮好上桌，還包洗切好。
 

先煲一鍋滾水，下洋蔥1個切塊狀，蕃茄4個切開，

大豆芽4両，加蓋煮約10分鐘；

這時可以準備沾醬，蒜茸1茶匙、蔥粒1湯匙、紅椒粒1湯匙、

味淋1大湯匙及沙爹醬1大湯匙拌勻備用。
 

在蕃茄湯中加入鹽1茶匙後，

用湯灼熟肥牛肉上碟，把沾醬淋上肥牛肉面即成。
 

蕃茄湯灼完肥牛後，再灼西生菜，這樣順序湯內可以不用加油，

生菜又可以把肥牛的油份吸收，在菜面晒上少許幼鹽。
 

蕃茄湯肉加入豆腐粒後，用鹽調味即成。

沙爹炒青口、炒三絲

沙爹炒青口

急凍青口用鹽水洗淨，下滾水汆3分鐘，隔乾水備用；

洋蔥半個切片；中芹1棵切段。

(調味)生抽1茶匙、沙糖半茶匙、鹽半茶匙、生粉1/4茶匙、水3湯匙。

燒熱鍋下1湯匙油，加入薑片2片洋蔥炒至洋蔥略軟，下沙爹醬爆至香後，

加上調味拌勻，青口回鍋，加入中芹炒至汁略收乾即可上碟。

再做月餅

再一次整餅，而且打算送比人好有壓力 ，

因之前做左好幾批都差，

事情開始時好似好順利........

材料好簡單：低筋麵粉280克、糖漿180克、油80克、梘水3克。

全部混合就得

搓成一團，26份

鹹蛋去殼，用酒洗淨，放入焗爐200度火，焗5分鐘，

取出放涼，切開一半。

白蓮蓉、豆沙蓉分成40克一份，每份餡包入半個鹹蛋黃。

取一粉檲，放在保鮮紙上，用粉棍輾平後包一份蛋黃餡。

放入己掃油模內，倒成月餅形狀。

 

做得實在太慢，最先吸出來的有微微瀉。

見這情形也沒有將爐温調升，

所以放入焗爐焗5分鐘後取出搽上蛋漿，又瀉多一點。

搽上蛋漿，轉色好快一轉身己金黃色。

 

搽完蛋漿入爐好快己變得金黃，

所以出爐有些就成了焦黑色，又硬又乾又醜。

 

 

還好幾小時後開始變得濕潤有光澤

 

把她們包起來準備送人，本想再重做一次，

但己經是第七、八批，家裏有很多，

所以都是把她們送給別人好了。

而且經過一晚休息，她們變得柔潤，顏色也討好得多。

  還好做到皮是薄的，外面差一點，

今年做月餅好似食左藥，完全唔知做乜。