蘿蔔排骨湯

 

材料：

排骨1斤，紅棗數粒，白蘿蔔1條，薑數片，杞枸1茶匙

調味料：

鹽適量

做法：

1. 把所有材料洗淨，排骨入水鍋內，下薑片、蔥結開火把水煮至滾後5分鐘，隔去薑片及蔥，加入紅棗轉中小火煮約1個半小時即可用鹽調味飲用，中途加入白蘿蔔

炒散花菜

散花好容易煮得太爛，今次要爽脆，所以不會預先用汆燙方法去煮，而是用蒸的方法

材料：

散花1個(細)，雲耳1把，蒜頭2粒，薑數片，蔥1棵

調味料：

鹽半茶匙，糖1茶匙

做法

1. 雲耳用水泡至軟 

2. 花菜切細後，用水洗淨

3. 紅蘿蔔切片，紅辣椒切細

4. 蒜頭切片，薑數片，蔥切段

5. 散花菜放入大碗內，加入油拌勻，放入熱鍋內加蓋蒸約1鐘，原鍋下油、蒜片、薑片及蔥段下鍋爆香，再加入紅蘿蔔、雲耳拌勻，紅辣椒下鍋、花菜回鍋炒勻，下調味料兜勻即可上碟即可上碟

川味悠閒樂

這間川味店開左都有十幾年，因為老板娘同我地係住埋同一幢樓，上、下層大少同佢好熟，所以好多時會去佢店鋪幫襯，成日會送涼拌小食比大少

後來老板娘又開左2間分店，她又搬走左，疫情大家活動都靜晒，而家我地又去幫襯，發覺可能轉左手？

這間川味麵店以前類似車仔麵咁，麻辣薯粉湯麵做底，跟住你加餸計錢，另外有好多涼拌菜叫

麻辣龍蝦配飯

而家又多左好多新菜式，但生意無咁好，服務員吾同晒？可能是頂左手都吾定，我地都會繼續幫襯嘅，因為就腳

蔥香辣豬手可單點或配埋寬薯粉

整隻豬手有我隻手咁大，我食完豬手只可再食幾口麵就很飽

 

汆生菜

 

生菜意頭很好，逢年過節一定要有佢，佢味道清淡，今日配個味濃汁料代替蠔油，很惹味。

當然配上髮菜冬菇就更好啦~  he~

材料：

生菜1斤，薑數片，蒜頭2粒，指天椒2隻

調味料：

醬油1大湯匙，

做法：

1. 生菜洗淨，燒熱一鍋滾放入薑片，加入數滴油後再放入生菜汆燙至軟即可夾起鋪在碟上

2. 蒜頭刴成茸放入碗內，指天椒去籽、切成絲放入碗內，讚入滾油後，加入調味料拌勻淋在生菜上

麻辣雞胸肉

 雞胸肉麻辣鮮香，比牛肉乾好吃

材料：

雞胸肉半磅，乾辣椒數隻，蔥1棵，薑數片，芝麻少許

醃料：

生抽1湯匙，蠔油1茶匙，五香粉少許

調味料：

孜然粉半茶匙，砂糖半茶匙

做法：

1. 雞胸肉洗淨、薑切段、薑片、料酒1湯匙一同放入水鍋內，大火煮至滾即可隔水取出，這時未完全熟透的雞胸肉，撕成條加醃料抓勻醃15分鐘

2. 乾辣椒剪成絲

3. 在熱鍋裏下油、雞胸絲炒勻表面脆，下乾辣椒絲炒勻，再下調味料炒勻，灑下白芝麻即可上碟

蒸青江菜

 

青江菜如果用黎蒸得吾得，而家試一下~

材料：

青江菜1斤，蒜頭2粒

調味料：

鹽少許

做法：

1. 把菜洗淨，放入燒熱白鍋裏加蓋(洗淨的菜帶有很多水份，直接煮就足夠把菜煮熟)煮8分鐘

2. 打開蓋，加入蒜茸及鹽拌勻(有需要可以加油)即可上碟

開心豬扖飯

 

這間位於元朗圖書館附近的開心小敘開左有好多年，一個開心豬扖飯賣左好多年，以前小店的時候開在我媽媽家樓下，而家搬去一個新位置，入去幫襯見到每一枱客人都是點豬扖飯  哈~ 我地都係，全部都點豬扖飯

南乳蓮藕燜豬手

 

豬手每次燜一大鍋，食完黏咀的滿滿骨膠原，而且肥而不膩，你都試下

材料：

蓮藕2節，豬手3磅，南乳半樽，薑數片

調味料：

花雕酒3湯匙，蠔油3湯匙，生抽3湯匙，老抽1湯匙，冰糖約1湯匙，砂糖1茶匙

做法：

1. 豬手放入鍋內，加入薑片、蔥結，煮至水滾後10分鐘，匹去浮沬，用水洗淨

2. 燒熱鍋下油、薑片略煎，中火加入搓爛的南乳用鑊鏟弄散爆香，再加入豬手兜炒，放入調味料後，再放入水要蓋過豬手用大火煮至水滾起後轉中小火燜煮約1個小時即可，中途加入蓮藕片