土多啤梨拿破崙

 

連放幾日假，以為可以做到好多野，放縱自己上吓網，點知

一上網又唔見左好多時間無乜野做到，書又無温到，只係去

過探媽媽，同d家姐飲過茶，同埋幫大小姐開左個銀行戶口。

 

而家係銀行開個戶口要有聯絡信件作地址證明，

小朋友邊有咁多証明文件，咁咪同佢一齊去，排左成個幾鐘先到我地，重要係我前面個兩個學生比個女職員打發走，唔係重要等多等，好在我帶埋出世紙，住址證明都帶多幾份，唔係都甩碌比人打發走，重有一種唔好，新開戶佢係無簿仔架，我啲古老人就唔習慣立。

 

中午個同學仔打電話來約食飯，佢話帶我去食好野，

點知佢唔記得間鋪係邊，結果要由街頭行到街尾。

八完返到屋企又上網巡吓，先醒起買左d材料，

唔做聽日又開始要返工，攪攪吓又夜深了，唉！

時間管理真差，只好草草了事，做左這個士多啤梨拿破侖。