2011年2月16日 星期三

蒜子臘味雞煲

 
年前試過天氣得6度,以為自己適應左,今次又跌到9度滿以為沒有問題,點知因為補假,因此留在家中,但發覺很冷,家中沒有暖氣凍到甚麼都唔想做,一直係張床到打鑽,我諗我唔適合係凍嘅地方生活。

 
有D臘腸同潤腸煮好用煲仔上,咁就唔怕吃得慢變凍冰冰啦
 
其實這個餸取材源自蒜子臘味鴛鴦雞煲嘅,
但我唔吃田雞,所以要同田雞講聲唔好意思,你又比我飛立。
 
 
材料:蒜粒12粒、蔥1(切段)、臘腸、潤腸各1條,雞扖1件,西蘭花1小棵。
調味料:紹興酒3湯匙、麻油1湯匙。
 
做法:
1.   臘腸、潤腸放入碟上,加上1湯匙紹興酒,入鑊蒸15分鐘(汁保留),切小段。
2.   雞扖切小塊,用少許生抽、砂糖、生粉略醃10分鐘。
3.   西蘭花切小棵,浸住水。
4.   起油鍋,將蒜頭粒下鍋炸至金黃。
5.   起鍋熱油將雞塊煎至金黃,加入臘腸段連汁,蒜頭,蔥段,紹興酒2湯匙一起翻拌均勻,即可。
6.   預熱砂鍋,放入麻油,將西蘭花放入煲底加蓋略煮,將5加入砂鍋中,加蓋加熱即可。

沒有留言:

張貼留言

靠北揾食(17)—西麗、蜜蜂之家

去左大長老在深圳西麗家一敞,主要是幫手拎蜜糖返香港,天氣無咁熱在天台玩左一個中午 長老家是獨棟建築,是早期建築物,只有四層高,旁邊的樓較新大多六層~八層,面積約1400呎全種上果樹及8個蜂箱 馬來西亞木瓜 火龍上樹全爬在牆上 胭脂紅蕃石榴正在結果...