香橙咕嚕魚塊

最近d青紅黃椒真係貴到，亞媽都唔認得，

都唔知遲d重會唔會加價。

咕嚕骨大家食得多，咁咕嚕魚食過味，

其實都係咁做，只係用龍脷柳代替肉，用橙代替茄汁，

咁樣清清地，唔會蓋過晒魚味姐。

材料：

急龍脷柳2條，青、紅、黃椒各半個，洋蔥少許，橙1個，雞蛋1個。

 

調味：

橙汁3湯，檸檬汁，香橙果醬各少許。

 

醃料：

鹽、胡椒粉。

 

做法：

1.魚柳解凍，洗淨抺乾，用醃料醃20分鍾；青、紅、黃甜椒洗淨去瓤切角。

2.橙洗淨切半，一半榨汁，另一半起肉切件。

3.蛋發勻，魚柳沾上蛋漿，再沾上適量生粉；於滾油中炸至金黃熟透，放入青、紅、黃甜椒角，全部盛起瀝乾油分。

4.白鑊加入橙肉，再加入調味料煮滾，埋薄芡魚塊回鑊，炒勻即可上碟。