無所事事只為食

今日有2個証要拎，一個是急救証、一個是物理治療助理個証，早上在老麥到食個早餐順便等埋同學一齊去拎

之前在屯門建榮商業大廈上堂時，隔離有個大排檔個蠔仔粥，我地一食驚為天人，不單料多重要唔係珍珠SIZE可以叫蠔仔，特意再食多次，這裏每日有五款特價餐每位34元加2元有冷熱飲品加免費例湯，所以我地成日幫襯，除左特價之外叫嘅都是36~38元

我地係未到中午就黎食，食完滿足完走前見有同學都黎食午餐，但佢叫左個口水雞，睇個樣好辣，不過試左一件，辣味是小辣但很香

之後同另外一個同學去吹吹水，走去屯門市中心個星巴克飲咖啡

 見佢有個特飲幾靚就叫黎飲，不過實物同個圖就...........

吹左五個幾鐘，不得了要回家，返到元朗一落車有點肚餓，在水車館街這家龍鳳店，店子小小產品不多裏面只有3個坐位，小店開了很多年，平常行過都沒有位，今天時間有點晚見沒客人正合我意可以試下它的超滑蛋治

豬腸粉10蚊有五條，跟餐豆漿加4蚊，本來淨食蛋治想一想食飽點，今晚不用做飯吧！

鰻魚蛋治38一客，即叫即炒要等約10分鐘，炒蛋埋得像坐山個樣好得意，加上灑上紫菜碎，高級好多

除左鰻魚重有好幾款唔同口味蛋治

店家用的是樽仔咖啡，有小甜，走甜你揀