2010年9月12日 星期日

士林區—士林官邸


福林路大門—官邸入口

據講這部車係美齡曾用過座駕。

據講這裏的夫人官邸早餐和美齡沙朗牛排最有人氣。

官邸分花園及正房兩部份,
鐵門後歐式花園,就是蔣中正宋美齡官邸。

但據導遊講,這間大屋是新建的?

之前報導,不是只有寢室及迴廊燒毀?


而家成為台北市第一座生態公園,除了官邸部份不對外開放外,
園區內都可以供大家使用,所以會有新人在拍婚紗相。




玫瑰園光禿禿,過左花期。

圖書閣

士林官邸 位於 台北市士林區福林路60號 

台北—士林區—士林夜市

士林夜市係世界各地遊客到會到來朝聖地方,
導遊把我們在臨時市場解散,但一開始唔係咁鍾意,
又熱又嘈,市場就好大,但店與店之間唔係咁大地方,
加上人又多,好多只是做外賣,而且個市場後半部嘅地方
好似係玉器市場,所以晚上熄晒燈好鬼靜。

係尼度有好多台灣出名小食,價錢又係幾抵,但行兩檔就好易吃到飽。

所以要簡,見這個勁多人排隊,所以試吓,佢炸動作都好快,
大約排左20分鍾就買到重可以小、中、大辣,但佢唔得閑幫你切。

台灣炸雞可以話係國際上很出名。這地道口味確實另人回味,她比
香港大X大大片又厚肉d,面層包著的蕃薯粉另佢外面香脆裏面又多汁,
再灑上一些特別調制過的胡椒鹽及辣椒粉,又幾麻幾香。

參觀完臨時街市都唔覺佢有乜特別,但行過去文林路嘅感覺
就好好多,發覺這裏好d似我地女人街,沿路兩旁好多不同種類店鋪。

但最多都是售賣食物店舖。

見到尼個胡椒餅,非常多人購買,好似好出名咁,NT$40個又真係好吃。

佢皮嘅部份都好簿,底層剛好吸收晒肉汁,辣味來自胡椒,
胡椒味道好重,不是想像中的辣,肉球好紥實好有肉汁,
但粉多左d,而配菜提供鹹味嘅來源又使肉鞋,面層芝麻增加香氣,
吃過幾檔都係佢好味d,抵佢發。

店鋪設計較娘,但擺設齊整。而家重視光害,
喜歡這裏的光害無咁嚴重,而且對樓上住宅來講無咁影響。


尼度d生果都好貴,NT$500 1公斤,因為老板會讓你試到滿意為止。

佢地切好晒,重浸過糖水,方便大家一路行街一路食,啱我地D懶人,
但這裏盛惠NT$800吖,多謝。

深坑假日酒店


深坑假日酒店到深坑豆腐街約5分鐘車程。








房間以簡約為主,地方很夠用。




位於地下嘅西餐廳你可以選擇室內或室外進食的,
環境都唔差架,而坐位特別多。



分中西式,款式不會太多,但達基本要求,而數量充足,並不時會補充。

乳酪都是新鮮自家制,有原味及草莓味。



她的清粥的確好清,不過配料就多樣化。

唔講唔知這裏全部都是素菜。

2010年9月11日 星期六

肉醬燒豆腐


這個餸同麻婆豆腐一樣只是+左油炸鬼。

之前係詔關旅行係超市買左佢,一直都無用,
所以今次派佢上場,大家可以用豆瓣醬。

炒鍋加少許油,爆香薑末,再下肉碎炒香後,加蒜茸。

加入拌面醬爆香後再加水半杯、豉油1茶匙、醬油膏2茶匙、糖1茶匙。

嫩豆腐切塊,放入鑊略滾一吓。

油條切小塊,和蔥花放入鑊,即可上碟完成。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味