2011年8月31日 星期三

大一歲


又大一歲了,好多謝大家的祝福,大小姐同埋大少預早
幫我切生日蛋糕,聽朝我會去海馬樂園睇新開個海洋館^^。


2011年8月30日 星期二

益母草

益母草名字聽起來好像和婦女比較合,但原來和男士比較合得多,
只因她對男性前列線有好大幫助,對女性調經都有用,
可以說甚麼人都飲得,古人話太子都飲唔壞。



益母草1兩、紅棗10粒,有衣花生2兩。






放入煲內加入適量清水煲45分鍾後加片糖即可。






記得啊!一定要加足夠的糖,因為她真的很苦的。

2011年8月28日 星期日

腰果雙丁

 
 
 
 

材料:
西芹2支(約150-180g)、蝦仁300g、雞胸肉150g、腰果2兩、蔥1根、蒜3顆、蛋1顆、粟粉1/2茶匙。

調味料:
米酒1茶匙、水1湯匙、麻油少許、生粉1/4茶匙、鹽1/2茶匙

做法:
1. 蔥切花(蔥白、蔥綠分開)、西芹切塊、雞肉用刀背敲鬆後切小丁、蝦仁洗淨。
2. 醃肉:雞肉+少許蛋白+少許醬油+少許粟粉,抓勻。醃蝦:蝦仁吸乾水後,加少許蛋白+少鹽+少許玉米粉,抓勻。
3. 起140度油鍋,蝦仁、雞肉一起下鍋,開大火拌勻,撈起濾油備用。
4. 同步驟3鍋底,爆香蔥白、蒜片後,放進西芹、1大匙水燜出芹菜甜味,接著加入少許鹽少許糖調味(兩者等量),再加進少許水、蝦仁、雞肉、米酒,1湯匙水、1茶匙生粉拌勻勾芡,翻拌均勻後,起鍋前加少許麻油吊味,盛起後灑上腰果即完成。

潮式月餅

做這個潮式月餅,往年第一次整就成功,覺得好容易。
今年一心以為唔難嘅野,原來温度控制好重要,本身手腳慢,
加上天氣熱,油皮部份控制得唔好,攪到好唔靚仔。


下面這幅圖是舊年的成品,下次一定要開行冷氣先好做。





今次準備左有,最上面嘅奶黃,第二行紫蕃薯,
第三行菠蘿同埋豆沙,今年嘅餡全部都係買現成嘅。


配埋唔同顏色外皮入焗爐。



切開比大家睇吓,我覺得個配色好搞鬼,
紫色配紫蕃薯、金黃色配豆蓉、粉紅配菠蘿、
綠色配奶黃。但大小姐好傳統,問我點解唔係金黃色配菠蘿,
粉紅配豆蓉,噢!咁下次再做就調番囉。

2011年8月27日 星期六

燜冬瓜

 



材料:
冬瓜400g、薑絲80g

調味料:
醬油1.5茶匙、麻油少許、蠔油少許、糖半茶匙

做法:

1.冬瓜去皮,去囊切厚片狀備用。
2.燒熱鍋加少油,下冬瓜煎至兩面金黃(4分鐘)撥一邊。
3.加少少油,下薑絲炒香後,再下醬油、糖、蠔油、
水煮勻後,蓋上鍋蓋燜煮8分鐘。
4.起鍋,淋上麻油即可



焗胡椒蟹




又到食蟹季節,d黃油蟹成4佰蚊一斤,都係食住肉蟹先。




大肉蟹1隻(1斤重),黑胡椒碎1茶匙,牛油1大湯匙,
雞湯1碗,鹽1/4茶匙


 
 
1.蟹劏開,起蟹蓋,將洗淨的蟹身斬件。

2.燒熱鑊加油,下蟹略炒,落雞湯,加蓋以大火煮6分鐘,
其間略翻,隔湯備用。

3.鑊中下牛油,以小火煮溶,加少許黑胡椒碎,將蟹回鑊,
放餘下黑胡椒碎,鹽,轉大火快炒,加蓋小火焗20秒即成。

2011年8月25日 星期四

酸辣湯

 
材料:
豬肉絲50克、黑木耳1片、豬血100克、硬豆腐半塊、糯米粉2湯匙、
紅蘿蔔1/3根、雞蛋1顆、蔥1支、芫茜1小株、粟粉1匙、上湯200cc

調味料:
鹽、麻油、白胡椒粉、老抽100cc、白醋100cc

做法:
1.備料:黑木耳切絲;豬血切絲;硬豆腐切絲;紅蘿蔔切絲;
蛋液(加入2匙高湯+1小匙白醋混合打勻);蔥切花並加入白胡椒粉拌勻;
芫茜切小段,備用。

2.取一碗,將豬肉絲加入1茶匙蛋液、1茶匙醬油、1茶匙粟粉抓拌均勻。

3.起鍋熱少許油,放入紅蘿蔔炒香,再加進黑木耳一起拌炒均勻後,
一起放入滾水鍋中,再加進老抽100cc、上湯200cc、
鹽1匙、白胡椒粉1茶匙調味拌勻。

4.煮滾後關火,加入糯米粉水勾芡,並加入豆腐絲、豬血絲、
豬肉絲、蛋液拌勻,接著開火,加入白醋拌勻即可盛起,
最後灑上蔥花+白胡椒粉、麻油、芫茜提味即完成。






一碗酸辣湯、一碟餃子這一餐就已經好豐富





酸辣湯你可以任意配搭,這個唔用豆腐用金針重方便

2011年8月24日 星期三

粟米肉碎

 
 
 
新鮮粟米粒2碗、肉碎半碗、蔥花1湯匙、薑茸1茶匙、蒜茸1茶匙。

調味料:

鮮露1小匙、麻油1/2大匙、雞粉半茶匙、雞湯1碗。

作法:

1.新鮮粟米用手剝散備用。

2.豬肉碎用雞粉,粟粉,水醃10分鐘。
3.起鍋下油,下豬肉碎炒至香盛起。

4.再下薑茸、蒜茸爆香,下粟米粒、水3碗,煮至沸後。

5.加入雞湯煮約10分鐘至粟米粒熟,下豬肉碎及鮮露
炒至收汁,再下蔥花炒勻,起鍋前下麻油吊味即可。

2011年8月23日 星期二

日式喬麥冷麵




去吉豬島入貨,買左d材料返黎,
可以做懶人冷麵




這真是一個超~簡單的冷麵。
 




配個蜆味噌湯,真係有蜆架。



係唔係無得頂尼^0^。

2011年8月21日 星期日

月餅

月餅又黎啦,經過一年的時間無乜點烘焗東西,
個樣真係有點嚇人
(^0^)


剛做起的月餅真的不漂亮,又乾、又有大象腳。







但經過四小時之後,她們開始變得可愛了。






但是有一點,就是她們的紋理不能保持那麼明顯,總是化開了。




好了,不理那麼多,送人去好了,因為自己真是吃不了那麼多。


2011年8月20日 星期六

素湯釀瓜甫





材料:節瓜1條,薯仔1顆,榨菜粒1湯匙,冬菇粒1湯匙,紅蘿蔔粒5湯匙,水一碗。
調味:素蠔油1茶匙,生粉水1茶匙,麻油少許。


做法:
1.冬瓜浸軟,去蒂頭後切小丁;紅蘿蔔去皮切小丁;
薯仔去皮蒸熟搓成泥;榨菜切小丁。

2.節去皮,切.5寸厚的圓環狀,挖去中間籽後,
下160度中油温鍋炸2分秒,撈出放入滾水中去油,隔乾水。

3.將薯仔泥,榨菜,香菇丁,紅蘿葡丁拌勻,
捏成圓球狀放入節瓜中,入鍋蒸10分鍾取出排上碟。

4.取一小,下水,煮至滾,加入3的湯汁、素蠔油煮勻,
用生粉水埋芡淋上節瓜面即成。

2011年8月19日 星期五

蕃茄薯仔梳囉魚湯



見到d梳囉魚好靚,又買返斤黎滾啖湯飲吓,
但想來想去,個心又十下十下,想煲節瓜廋肉,
但梳囉魚比較腥,用蕃茄薯仔先會蓋到佢陣腥味。





魚洗一洗隔乾水,燒熱鑊加一湯匙油,放二片薑煎香後,
將魚放入,煎至小小焦加水煲約20~30分鐘,隔去渣滓即成。






用左咁多魚仔真係好鮮甜,放兩粒鹽就好好飲。

温泉蛋肉鬆乾拌麵

今次試吓用拉麵做冷麵m( _ _ )m

材料有拉麵、肉鬆1碗、蛋1顆、青瓜適量、冷水300cc、
滾水1000ccf、醬油適量、糖適量、香油適量、沙茶醬2大匙。







起水鍋,下拉麵燙熟後撈起瀝乾後盛在碗中(_。;)

取一碗,碗底倒入醬油、糖、香油、沙茶醬2大匙拌勻後。




拉麵鋪上青瓜、醬汁及肉鬆備用 o(*O)





起1000CC滾水鍋,加入300CC的冷水後,將蛋連殼放入水中,加蓋
泡6分鐘煮成溫泉蛋備用(記著啊!這個比例不能錯) (T_T)





肉鬆面層,打入溫泉蛋即可 (^0^)  °;)

2011年8月18日 星期四

豆芽青魚




材料:鯖魚1尾,芽菜半斤,蔥1棵。
醬汁:米酒1湯匙,薑泥1湯匙,甜麵醬1大匙,麻油1茶匙,
辣豆瓣醬1茶匙,醋1茶匙,生抽1茶匙。


做法:
1.鯖魚1開3後切塊,接著加入胡椒粉少許,生抽半茶匙及米酒半湯匙抓醃均勻。
2.將半匙米酒,醬油混合後,加入芽菜拌勻,鋪入盤底,
放上鯖魚淋少計麻油,蓋上保鮮膜,叮4分鐘。
3.把醬汁及魚湯汁混合拌勻,再叮1分鐘。
4.微波後取出裝盤,醬汁淋上面,灑上蔥花即成。

2011年8月16日 星期二

X BOX 360

約左個外甥, 拎部XBOX360。




香港地人同人見面,通常離不開飲飲食食:D ,我都唔例外。



有得食一定食到飽飽,重可以拎埋月餅同埋刮刮咭添~^^!



拎左部機
 



部機有碟可以即時玩 正呀,型可塑??
唔知係唔係得尼(^0^)(正在妄想緊)



玩完會影埋相,嚇到以嘩鬼叫。




打到忙晒形,求其食d野先,call埋巨人薄餅,
咁就一餐。



吃完又玩過。
 
 


打打吓都唔煮飯,咁又落街食囉,
最近美心快餐裝修做香港地,用茶餐廳形式經營。

 
 



都唔係好明,好好地做乜要懷舊尼。


不過地方係企理d


但!價錢一d都唔平架



 
尼度同人傾計幾好,無人會理你,但你叫人舉極手都無人理你,可能七月啦,d人又時運高,佢地見到都當我透明,一於  ~ 我睇你唔到~睇唔到,睇到都死啦,話一陣來,又唔記得,炒肉絲麵寫牛肉麵,唔多眼望吓跟吓單,即死。




而且份量都少唔多夠喉,唏!真係吖,飯值幾多錢都唔比飽飯人吃。
 


焗飯40蚊,個碟好淺架 ,無湯無茶啦,又係唔飽( ><)//

 

 
名符其實奶茶,奶多到尼,無加糖都話甜。


食唔飽,只好順路買埋宵夜返屋企啦  (^0^)

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味