2009年9月30日 星期三

蟹肉薯餅、沙葛炒肉片

秋季尼個時候蟹最肥,
用新鮮蟹肉做蟹盒,去晒殼啖啖肉,好味,方便,
用膏蟹晒左,肉蟹夠鮮甜。

蟹肉薯餅
先將蟹烚1215分鐘至熟,拆去肉,煲滾水撒些鹽,
加薯仔煮約20分鐘至腍後去皮,切成細件,再壓成茸。

薯仔1個,洋蔥碎2湯匙,煙肉碎2湯匙,熟鮮蟹肉1隻,
栗粉2茶匙,鹽1/4茶匙,胡椒粉1/4茶匙,麵粉適量。
起鑊燒熱半湯油,加洋蔥碎及煙肉碎用中火炒香後盛起,
薯茸、蟹肉、鹽、胡椒粉、粟粉及麵粉拌勻,
搓成6個小薯餅,再碌上少許麵粉,燒熱剩餘的油,
下薯餅用中火煎香兩面至金黃即成。

將薯仔壓得夠綿,粟粉和麵粉可以再減少一點,咁重健康,
外皮煎得香及脆,不用加忌廉內裏亦好綿好軟滑。

沙葛炒肉片
(沙葛台灣稱刈薯)

2009年9月28日 星期一

如何一鍋三餸 灼肥牛肉、西生菜、蕃茄大豆芽湯

好多時都在想如何簡單快捷做飯,係台灣電視網站睇到
用一個鍋煮完個三餸,跟她方法試做了一次,有部份我改了,
但都ok 而且適合減肥用,你地有興趣也可以試吓。
這個方法可以在三十分鐘內煮好上桌,還包洗切好。
 

先煲一鍋滾水,下洋蔥1個切塊狀,蕃茄4個切開,
大豆芽4両,加蓋煮約10分鐘;
這時可以準備沾醬,蒜茸1茶匙、蔥粒1湯匙、紅椒粒1湯匙、
味淋1大湯匙及沙爹醬1大湯匙拌勻備用。
 

在蕃茄湯中加入鹽1茶匙後,
用湯灼熟肥牛肉上碟,把沾醬淋上肥牛肉面即成。
 

蕃茄湯灼完肥牛後,再灼西生菜,這樣順序湯內可以不用加油,
生菜又可以把肥牛的油份吸收,在菜面晒上少許幼鹽。
 

蕃茄湯肉加入豆腐粒後,用鹽調味即成。

2009年9月27日 星期日

沙爹炒青口、炒三絲


沙爹炒青口
急凍青口用鹽水洗淨,下滾水汆3分鐘,隔乾水備用;
洋蔥半個切片;中芹1棵切段。
(調味)生抽1茶匙、沙糖半茶匙、鹽半茶匙、生粉1/4茶匙、水3湯匙。
燒熱鍋下1湯匙油,加入薑片2片洋蔥炒至洋蔥略軟,下沙爹醬爆至香後,
加上調味拌勻,青口回鍋,加入中芹炒至汁略收乾即可上碟。


2009年9月25日 星期五

再做月餅

再一次整餅,而且打算送比人好有壓力 ,
因之前做左好幾批都差,
事情開始時好似好順利........

材料好簡單:低筋麵粉280克、糖漿180克、油80克、梘水3克。

全部混合就得

搓成一團,26份

鹹蛋去殼,用酒洗淨,放入焗爐200度火,焗5分鐘,
取出放涼,切開一半。

白蓮蓉、豆沙蓉分成40克一份,每份餡包入半個鹹蛋黃。

取一粉檲,放在保鮮紙上,用粉棍輾平後包一份蛋黃餡。
放入己掃油模內,倒成月餅形狀。
 
做得實在太慢,最先吸出來的有微微瀉。

見這情形也沒有將爐温調升,
所以放入焗爐焗5分鐘後取出搽上蛋漿,又瀉多一點。

搽上蛋漿,轉色好快一轉身己金黃色。
 

搽完蛋漿入爐好快己變得金黃,
所以出爐有些就成了焦黑色,又硬又乾又醜。
 
 

還好幾小時後開始變得濕潤有光澤

 
把她們包起來準備送人,本想再重做一次,
但己經是第七、八批,家裏有很多,
所以都是把她們送給別人好了。

而且經過一晚休息,她們變得柔潤,顏色也討好得多。

  還好做到皮是薄的,外面差一點,
今年做月餅好似食左藥,完全唔知做乜。

2009年9月24日 星期四

蓮耦馬蹄清補湯

秋天天氣較乾燥,多飲開水,胃口變差,
需要健脾開胃嘅湯水。

 
蓮藕馬蹄清補湯
蓮藕1節,馬蹄半斤,紅蘿蔔1條,黨參1両,陳皮1塊,豬排骨1斤。
將蓮藕洗淨刮去皮;紅蘿蔔去皮切滾刀塊;馬蹄去皮;
陳皮浸軟去白,豬骨出水;所有材料一起入鍋,
加清水15碗,用大火煮滾15分鐘後,
用中火煲個半小時,加鹽調味即成。
 
蓮藕生食清熱涼血、滋潤腸胃;熟食性温,健脾開胃,補血止瀉。
紅蘿蔔下氣補中,利胸膈,令人開胃,又可利尿清血降血糖;
馬蹄清熱開胃益腸;黨參補中益氣,養血生津;陳皮理氣袪濕和胃。

2009年9月23日 星期三

椰菜花炒魚鬆、涼拌雞絲


椰菜花炒魚鬆
蕃茄洗淨切開;椰菜花切小朵,用滾水汆熟;
魚肉加入檸檬葉絲,略壓扁,放入鑊煎至熟切片;
鑊下油放入蕃茄炒至軟,加水、鹽、糖、雞粉、蕃茄醬各少許略煮,
椰菜回鑊拌勻後,魚肉鬆回鑊,用生粉水埋薄芡即成。
 
 
 

涼伴雞絲

2009年9月21日 星期一

月餅

今年第一次做月餅,
做起來極不順手,焦焦的,扁扁塌塌,
甚麼奇形怪狀都有,這個在扮米老鼠月餅。

 
迷你人參白蓮蓉月餅
過兩日正經點再做一批才可以送給人家。

2009年9月20日 星期日

松子百合炒荷豆、义燒炒蛋


松子百合炒荷豆
百合切去頭,浸水洗淨,把水瀝乾;
荷豆撒去根洗淨;松子用白鑊炒至鑊得有油光可盛起;
燒熱鍋,加油放入荷豆略炒,加入百合、水約2大湯匙、
雞粉、胡椒粉、鹽各少許炒至荷豆八分熟加入麻油可上碟,
把松子灑上百合面即可。
 

义燒炒蛋

潤肺湯

秋天開始覺得皮膚乾燥,喉乾舌燥,整天都要飲水,
但一點滋潤都沒有,所以這時需要多些潤肺湯水了。

化痰止咳潤肺湯
先將排骨1斤汆水洗淨再跟,川貝、虎乳靈芝、南北杏、
百合、陳皮、伏神、無花果、蜜棗各少許一同放於清水煲內,
猛火煲滾15分鐘,轉中火煲2小時,用海鹽調味,即成。
 
其實這個湯可以用紅蘿蔔3支,代替排骨,咁會清淡D,
無咁肥,而且會比較滋潤身體,不會咁易身痕。

2009年9月18日 星期五

印色千層糕

現在超市有配好份量一盒盒賣、非常方便。
 

印式千層糕
以前見朋友(印尼華僑)在電飯煲前操作,以為她是貪方便隨便取起飯煲就用,
我用石油氣,發覺火力太大,下次都是用回電飯煲好了。

2009年9月16日 星期三

綠咖吐椰汁雞燴飯


綠咖哩椰汁雞燴飯
鍋中火下油1湯匙,加入撒去骨嘅檸檬葉和綠咖哩醬2湯匙爆炒一會後,
下1/3杯椰汁炒出綠咖哩及椰汁香氣後,放入切件雞脾肉,
炒至表面小許金黃,加入草菇粒半碗,火較少一點用燉方式煮,
之後加入2/3杯份量椰汁,及切滾刀塊狀茄子,若水份不足夠
蓋過茄子身一半,可加入適量開水,熬至雞肉熟
(若想茄子較軟身可熬約5分鐘),用魚露調味,加入芫茜即可上碟。

2009年9月15日 星期二

蓮子百合廋肉湯

夏天大多數會飲凍飲,熱氣野,所以又會煲去濕湯水涼茶,
咁又會傷到脾胃,所以又要煲返d湯水平補吓。

蓮子百合廋肉湯
廋肉四両切片,加鹽1/4茶匙、生粉、水各少許醃;蓮子、百合泡軟。
鍋內加上湯,先將蓮子百合煮軟,再加入廋肉即可。
 
功效:健脾補腎、安神。可治失眠、頭痛。

2009年9月14日 星期一

汕尾海陸豐美食-g

包團有一個好處,就是團餐菜色自由度比較大,
另到今次到汕尾可以食到較多特色道地菜,
加上是沿海城市,海鮮是特別新鮮,價錢亦較便宜,
他們烹調出來的味道,跟我在打冷店食相當不同。

上湯豬肉水餃,湯底有中芹香氣,好清新味道。

麻蓉麥飽

比上次係清遠連南吃好味d
 

芽菜炒魚肉麵,真係魚肉做,而且彈牙架。

潮式炸豆腐—蘸鹽水芫茜或白醋

南乳芋頭蒸炸排骨,似係豬排斬細件,所以好夠肉頭,
吃落有少少粉蒸肉咁。

炸木魚丸,配埋果甜甜地嘅汁(應該是桔)好好味,
上枱重熱辣辣,差d辣親。

粟米段

肉稞

菜稞

炒貴刁

白菓芋泥,這裏做好啱口味,最重要無咁甜,
芋泥好綿好滑,白菓煮冧晒好似蜜餞,
而且只賣32元人仔,好抵。

我唔識佢叫乜名,係實肉,但好好味。

蒸菜稞,肉稞,呢碟係最好味,皮最薄,
一眼睇晒,而且夠煙Un,
裏面又多料,好味。
 

紫菜蛋花湯

貴妃雞

配埋果盆夠完美la
 
今次旅行我覺得相當完美,有美景及豐富的地道美食,
但我有節制的開懷大嚼,短短三日肥6磅,
慘,番香港之後又要忍口。

陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...