2012年11月30日 星期五

開心blog聚







因為上次傾得未夠喉,所以再約到尖咀isqvare 23樓嘅,不倒翁火鍋店再食過,今次有我、金魚、TnP、胡李媽媽、Pansy同埋新識嘅美味娘娘。

店家唔知係咪知道我地大聲,特意比個角位我地,等我地唔會嘈到人地,這一晚傾左3個幾鐘




TnP 好比面,佢地倆個唔係好舒服都出席,重好甜蜜蜜咁一齊食藥。









xo醬最好味,比我地筆到無晒要叫服務生再拎過黎,一致讚成叫左個豬肺鍋湯底,潤吓佢。
手切肥牛,黑豚肉,鱔片,魚咀,豬肚尖,鵝腸,魚滑,鳳城水餃,珊瑚蚌,青菜,大家都滿意,多謝胡李媽媽勞心勞力攪個活動比我地開心吓。


2012年11月29日 星期四

杞子紅棗雞蛋糖水



材料:
雞蛋1個、雞心棗10粒,杞子1湯匙。

做法:
雞蛋,雞心棗(去核)一齊於入水煲至蛋熟透,取出雞碌殼,待紅棗煮至夠冧身,把杞子雞蛋放紅棗水內,煮約5分鐘即成(可加入冰糖)。

2012年11月27日 星期二

提子酵素B




 
 
話說之前做左個綜合酵素B,待在屋的一角,等待出世。

媽媽我,就好開心咁同其他人分享酵素B的一切 一切,但!實在要等太久了,決定再浸一個迷你版,一來這樣可以先飲為快,二來開左好多空頭支票,答應大家各人送一樽試試,咁貨源不太充足時,第二個綜合B未出世,好容易變成缺貨太久  到時,希望用這個可以暫時補充不足的地方。據講這個B可以節省時間,14天可以出世架





做提子係覺得個色靚,無特別原因


原來3公升樽裝唔到好多,剩左提子, 下次懂得計劃了,糖同生果係1:1,你唔想咁甜,糖可以少到50%,但黃糖不足,發酵能力可能會減弱,又有苦味,大家可以先試一樽迷你的,覺得味道如何再調教。

記得開始時一星期都要開吓蓋疏氣及攪拌吓呀

生果的成熟度、天氣, 對發酵都好有影響。因為而家天氣較清涼,所以等了10日!才有泡泡^^~ ~ 開心


但!檸檬有氣泡,提子只有微量氣泡






到11日,見提子都有明顯Dubble,搖動一下,有好多細小氣泡好開心咁跑出來,我開心到震o(*O)b,太可愛啦,泡泡變成粉紅色呀^^ ~ ~



 



好了等左14日有結果啦,D泡泡由好充沛到稀疏就完成啦,速道快綜合B一半架。


同事跟我講,我如果繼續整提子B,無理由個個都叫同一個名,佢幫我第一個B改名,這個叫張提1,重話最靚果個要叫張麗提喎
 



這個檸檬提子富含維他命C、止咳化痰、補血安神、加強腎肝功能、幫助消化。


酵素功能好多人都知,自己不扮代表了
以下兩個網址係介紹酵素功能詳細內容,大家有興趣可以去睇一下。

http://sunjoy.myweb.hinet.net/enzyme.htm


http://ihclinic.com/1-healway.htm


另外浸完酵素的渣滓因在太多(特別係綜合B),只有留1/3作為菌種,其餘剩左都拿去作環保用途,如洗菜、洗生果、洗地、清潔浴室,唔好浪費

2012年11月26日 星期一

薯仔燜排骨


用薑片、蔥白起鑊,先把排骨煎香後,加水蓋過面,再加入薯仔燜煮15分鐘,加入胡椒粉、糖、雞粉再煮多10分鐘,見薯仔冧即可加入鹽調味,汁略乾即可上碟。

2012年11月25日 星期日

炒紅蘿蔔絲

材料:紅蘿蔔1條、蒜苗段50g、芹菜段50g
調味料:
鹽少許、糖2茶
做法:
1.
蒜苗切段;芹菜拍裂切段備用。
2.
紅蘿蔔切絲備用。
3.
燒熱鍋加油,下紅蘿蔔絲炒軟,加入芹菜段、蒜苗段、少許水煮勻,下鹽、糖調味,蓋上鍋蓋燜炒至變軟(3分鐘),即可起鍋。


2012年11月23日 星期五

木瓜魚尾湯


 


材料:
魚尾一尾,木瓜1個,雪耳3朵,花生1把、南、北杏1把。




做法:
1.洗淨魚尾,放入鑊煎至兩面金黃;木瓜去瓜瓤切件;雪耳浸發。
2.把全部材料放入水煲,煮至大滾15分鐘後,轉中小火煲個半小時即可。

2012年11月21日 星期三

梅菜扣肉



材料:
五花腩斤半,梅菜1斤,蒜茸1湯匙。

 調味料1:(炒梅菜用)
糖2茶匙,生抽少許,老抽2茶匙,花雕酒少許。

調味料2:(醃五花腩用)
南乳半湯匙,糖半湯匙,鹽1/3湯匙,生抽1湯匙,老抽1/2湯匙,花雕酒少許。

做法
1.
將梅菜切碎然後浸水,直至味道適宜。白鑊炒至香,然後下調味料1炒兩分鐘後盛起。
2.
鑊內下油,將整件五花腩落鑊炸至金黃後盛起浸於開水內約五分鐘。
3.
將五花腩切片後,下蒜茸、調味料2拌勻。
4.
先放花腩片於碟上,梅菜放於上面。蒸約一個半小時至五花腩夠腍便成。




 




2012年11月20日 星期二

荃灣雲貴川




雲貴川—喜歡辣真係要試吓,其實我唔係好食得辣,所以要小辣,都好利害,真係好鬼正架,門口成日都有人等位架。





這裏的麻辣真係好勁,小辣睇得出D汁唔係好紅,但都係又麻又辣,喜歡吃辣一定高興。




這個是招牌五花腩麵

這裏的酸辣湯都好夠味架。


啱啱睇到電視飲食節目剛好介紹尼間野添。

2012年11月19日 星期一

開心blog 聚

今次Blog聚好高興,係維景食中午自助餐,食物水準一般,但!認識到胡李媽媽、TnP、Connie,同場重有Pansy同埋金魚,由12點食到3點,一班C9天南地北乜都傾餐飽,真係好開心,地方靜靜地啱晒我地,咁有乜食大家一齊眼吓




我早午餐一齊食,肚餓唔等得佢地開動先啦

 
受到之前新聞有人中毒事件影響,而家魚生即點即切架


 



 
 


原來尼度最好味係餐包同埋甜點。
 


 
 



食多碟魚生就飽晒la,食埋雪糕飲埋杯檸檬茶就啱啱好




 
 


胡李媽媽、TnP同埋Connie 真係好客氣,送左D禮物比我地,he he 但係我無準備,真係唔好意思,多謝晒你地



陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...