2010年6月30日 星期三

火腿絲炒粉

以前做餸多2個工序,都覺好麻煩,
可能而家做得多,情況好一點,上次挑戰過一次西餐,
嘩,真係攪死我,出到來比大少指度一下缺點,都好多,唉!
 
獨自一人用膳可以比較簡單,而且唔使攪到身水身汗,
有些麵線就來個炒麵吧。

火腿絲炒粉

白椰菜花半棵(切小朵,放入鹽水浸泡十分鐘後,沖洗乾淨,
起滾水鍋,加入一茶匙鹽,將白椰花菜下鍋汆燙至熟,
起鍋前加少許油,撈起鋪盤底。

中式麵條1朿,另起滾水鍋,加入1匙半鹽,
將麵條下鍋煮熟(約五分半鐘),撈起備用。
起鍋放入切條火腿絲炒至香盛起,放入薑末炒香後,
放入麵條、火腿絲、高湯上湯1碗漸漸收汁後,
起鍋前加入少許麻油、蔥花提味即鋪在白椰菜花上完成。

2010年6月29日 星期二

有無人識


係KFC買左個套餐,送左個Vuvuz。
但吹到脹都吹佢唔響,哈  真係比佢吹脹。

2010年6月28日 星期一

節瓜咸蛋廋肉湯

天氣熱不想長時間待在廚房,用上湯來滾湯可以節省時間又好味。

節瓜2個,鹹蛋2個,廋肉2兩,上湯1盒,薑2片。
醃料:生抽半茶匙,粟粉半茶匙,水2湯匙。
 
將節瓜洗淨去皮切片,豬肉切片以醃料醃勻,將鹹蛋分開蛋黃及蛋白;
將上湯及水適量煮滾,加入薑片、節瓜至煲中,用大火煮15分鐘;
之後再加入廋肉碎煮至熟,蛋白慢慢加入後,熄火即成。

薯條

呢輪屋企人晚晚睇波,所以會幫襯麥當當,
套餐加3蚊雞可以加大之外,重可以有個杯送。
三兩吓手勢就換齊6個色嘅杯反來。
 

上一次無換,因為提唔起興趣,但今次然竟然就咁有齊6個色添,
但就剩左好多薯條出來。

將薯條用牛油炒香,加上紫菜就ok,
哈成日話減肥,但又唔想浪費d野,結果...

2010年6月27日 星期日

年紀大、機器壞

只記得有一次大感冒停左無去球場跑步之後,一路到而家,都無乜運動量。
早一排中心有個緊急case 要送去保良局,但無人手可以出,所以要幫手護送,帶住個2個月大BB要撲幾個地方及攪很多手續才可到保良局,抱了差不多四小時,晚上睡教時只感到倦及手庳,但半夜反而痛醒,攞野擦又麻煩大少幫手按摩。
睇來年紀大左,骨頭硬左,唔可以再成日坐係電腦前打機。由而家開始都唔懶得,起碼做反d熱身運動,唔係以後日子點捱

2010年6月24日 星期四

酪梨羊扖

最後一道係酪梨羊扖,
今次係中餐西做,因為不太懂西餐那麼講究醬汁,只有改一改。

今次要挑戰係羊,點解話挑戰羊,記得對羊有抗拒反應係佗住個囡時,
一聞到陣羊羶味己經腳軟,聞多陣都差點暈,
而且大少每次吃西餐都是點羊扖,所以要試做。


做澆汁,用一大湯匙油起鑊,乾辣椒2大匙、花椒粒1大匙先下爆至香及轉色。

再加薑未、蒜末各1大匙、肉高湯1碗煮至滾,倒入攪拌機中。

再放入6顆蒜頭、蔥花,打成泥漿後,
加入豉油2大匙、味醂1大匙、番茄醬1匙打勻。

將澆汁倒出後,加入烏醋1匙、少許糖、醬油調味,備用。


羊排剔除筋皮、大骨,用肉搥打扁,備用。

起鍋,灑入黑胡椒粒。

將羔羊排入鍋用小火煎至七分熟,備用。


取小羊排和酪梨一起擺盤裝飾,表層淋上澆汁即可完成。

2010年6月23日 星期三

法式洋蔥湯

 

法式洋蔥湯
材料只需洋蔥2個,切絲。

切成幼絲後,放入鑊用中慢火放2湯匙橄欖油炒。

洋蔥絲炒至深啡色約20-30分鐘,

加入麵粉約2湯匙拌勻後,加上冧酒2湯匙、上湯約500毫升、
水約100毫升、鹽調味,再煮6-8分鐘即成。

盛於湯碗中,放上法式麵包及芝士,洒上香草放於湯面入焗爐焗8分鐘
至芝士金黃色即可。

焗得有點濃。

夏之戀玫瑰



這個前菜漂亮清爽好適合夏天
食材:煙燻三文魚片10片、香蕉2條、原味甜優格一盒、酥炸粉漿300g(拌好)、
    西瓜球、哈蜜瓜球、蘋果粒各少許。

西瓜、哈蜜瓜、蘋果各少許己ok。

取一碗,加入生果球、有甜味乳酪拌勻排上碟。


開酥炸粉漿,燒熱油,將香蕉沾滿粉漿下鑊炸至金黃色,
撈起切一段段,排於碟上。


將煙燻三文魚層層疊排於碟上捲起成玖瑰花即可排入碟上。


2010年6月22日 星期二

荔枝凍


我最喜歡是桂味,貪佢酸酸甜甜的,糯米滋太漏了,
如果整甜品我覺得一味死甜,無咁好食。

荔枝約10粒,去核加檸汁醃一陣。

用熱水1.5杯、魚膠粉2湯匙開勻,加入少許桂花,
待和暖後加入五湯匙蜜糖拌勻。

杯中放入荔枝,加入魚膠粉水,放雪櫃待2小時即成。

加上薄荷葉一杯好適合夏天食用的荔枝凍完成了。

2010年6月21日 星期一

宫保椰菜


宮保椰菜

Pen中放2湯匙油,加入花椒粒待顏色變深,
再加入辣椒乾炒至脹身後,加入半杯水煮。

煮至有出味,即可用隔網隔起渣。

隔開水份後,可剔起辣椒乾,花椒粒可以掉棄。

Pen中加入小許辣椒油及油爆香蒜頭、蔥段、辣椒乾後。

加入豆辦醬略炒後,再加入椰菜及花椒水,
略炒後,加蓋焗約3分鐘,待椰菜變軟。

待葉變軟,梗還是爽時加入1茶匙生抽提味及晒上花生拌勻即可上碟。

菠蘿炒三文魚


菠蘿炒三文魚
菠蘿3片切粒;三文魚切件抺乾,加入鹽、糖、酒、薑絲、生粉拌勻,
醃10分鐘;燒熱鑊下油小許,加入蒜2粒(拍扁),三文鮮煎至金黃色,
再加入菠蘿粒、水2湯匙拌勻,煮至水乾即可上碟。

父親節

今年初我爸爸離開我,有很多事情要辦,加上心情有點沉重,
竟把大少生日忘記了,隨便一個美心蛋糕或簡單一句生日快樂都沒有。
所以今年父親節一早把它記下來,免得大少沮喪到比面色我睇。
幸好這幾天我放假,否則我實經不起連做二個節的折騰。

 
前菜有煙燻三文魚,洋蔥湯,酪梨羊扖,牛扖義大利粉,甜品有荔枝凍

陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...