荔枝魚柳

我喜歡用龍脷柳，比起石班價錢平好多，

大家又鐘意食，今次唔用粟米粒，改用糖醋做法。

荔枝魚柳

將魚柳解凍，抺乾水斜切件，加胡椒粉少許，鹽3/4茶匙，

糖1茶匙及蛋黃拌勻醃10分後，加2湯匙生粉拌勻，

開大火燒熱鑊下油，放入魚柳，煎至兩面金黃至熟盛起，

放碟上，加上荔枝；原鑊燒熱，加香茅1枝(切碎)、薑2片、

檸檬葉3片(切絲)，爆香後，加入半杯水煮約1分鐘，

然後加入魚露1湯匙、糖2湯匙、青檸汁1湯匙、青檸3片、

生粉水2湯匙煮勻，冧在魚柳及荔枝面即成。