2013年6月29日 星期六

韓式辣墨魚




想食d辣野,韓式辣椒醬無想像中辣,還帶有甜甜香香的味道,唔錯,就愛黎煮墨魚好了

材料簡單煮法又容易,
把墨魚洗淨切件,洋蔥切粗絲,紅蘿蔔切絲。

把麻油半湯匙,韓式辣椒醬2湯匙,辣椒粉1湯匙,砂糖2湯匙、蒜蓉1茶匙、豉油1湯匙、鹽及芝麻混合成調味料,

先起鑊炒紅蘿蔔絲,再加入洋蔥圈炒至略軟加入調味料(唔好學我加左水)拌勻後,加入魷魚,把魷魚煮至熟即可上碟。








2013年6月28日 星期五

炒紹菜



材料:
紹菜1顆、金針菇1包、水1碗(300cc)

調味料:
白醋1茶匙、鹽半茶匙、柴魚醬油3湯匙、醬油3湯匙

做法:
 1.金針菇切段;紹菜切段。
 2.燒熱鍋入2湯匙油薑片,下紹菜、柴魚醬油、水入鍋,蓋上鍋蓋燜煮5分鐘至白菜軟。
3.加入金針菇段炒勻,下醬油、鹽、白醋煮勻即可。

2013年6月25日 星期二

蒜香脆皮雞扖

 



材料:雞扖兩件,蒜片2湯匙,蔥1條,淮鹽1/3茶匙。
調味料:米酒1湯匙,鹽1/4茶匙。
 做法:1.雞扖洗淨抺乾,加入調味料醃20分鐘。
2.鍋中燒熱油2湯匙,將雞肉皮朝下放入鍋中,煎至兩面金黃色取起。
3. 原鍋爆香蔥碎及蒜片,將雞扖回鍋,以慢火煮片刻,最後灑上淮鹽即成。


 
 



東莞中凱酒店(下)




琴晚餐自助晚餐麻麻地,早餐都無乜寄望,8點幾落到去人山人海,竟然揾唔到位
到有位時,又無乜野食,只好摷下重有d乜食得,好在執執埋埋都似一餐














因為1430點先離開,自由時間,週圍行下,重穿過街市添













今次旅行,給我碰上我一直尋找的,雲吞

不要笑我大鄉里,好多時同朋友仔去旅行,找食的時候,店面不太好時,她不會給我入去幫襯的,總說前面有更好的慢慢睇下‥‥心知她想法,總會就就她。

今次因為中午這餐要自費,最近酒店又是它,其他的又遠,所以朋友仔免為其難的,被我推入這家店,吃著吃著,她竟然話下次有機會都會幫襯


hehehe~ 當然無問題啦,這一餐21蚊可以攪掂,最開心係可以揾到我鍾意嘅雲吞啦



東莞中凱酒店(上)









鬆一鬆啦,去東莞中凱酒店住番晚
今次跟個瞓教團,一早到酒店,又好晏離開架,1030集合,坐車去到東莞先去食午飯,為左要比大家休息吓唔好飯氣攻心,就去左虎英公園,睇下十大美人雕塑園,其實尼個園唔只美女,重有男人添架 重要中外都有
好快,大約3點鐘返到酒店,洗個面落街行下,夠鐘返酒店等自助晚餐食啦!





尼個D女仔著衫兩極化,一係有幾多著幾多,一係乜都唔著





















酒店好舊,房間設計好簡單,好聽就話簡約風囉
自助餐係地下大堂西餐廳,一入去先見到個右邊八大甜品,個心好歡喜,再望左手邊,哇!好多人搶緊野食,真係搶架 而且連杯都唔夠







尼位亞姐好有性格,每人只有4片,要2份都唔得,話規定,再要就排隊
而其他菜式就‥‥‥
















蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味