2010年9月30日 星期四

台北—信義高圈—喜洋洋與灰太狼

平日下午電視台播嘅喜洋洋與灰太狼,
今次來到台北都會見到?奇怪佢唔係中國大陸嘅咩?


但見現場D小朋友好鍾意佢。


位於信義商圈內

入場後憑票換取一杯乳酸飲品,話乳酸但佢有夠甜,重係超甜。

2010年9月29日 星期三

夜香花炒蛋


尼個時候夜香花當造最好用來炒蛋。

將夜香花用水汆一吓,去咁d青味,炒起上來好食d。

2010年9月28日 星期二

菱角肉餅

好小吃菱角,細個時媽媽中秋節拜神,
就會烚一些菱角、花生、芋仔咁連埋月餅、生菓咁一齊拜月光。

我通常貪得意會吃一、兩個,因佢好難剥肉都唔會點食得多。

係街市見到菱角又貪得意買一d,用尼蒸肉餅,睇吓好唔好食。

用豬肉碎、豆腐、菱角肉一齊蒸左碟肉餅。

亞虎亞虎你又病了

最近亞虎病情不輕,大概都病左2個多月了,每次由反應遲鈍到出唔到網誌,又或者消失。每次出完e-mail 通知服務部,1 、2日後都會正常一吓,但又會有其他問題發生,無奈之下都出左唔少電郵比維修部,唉! 你每次維修啫,我都要執反好個blog,而家開始放棄唔理了,因下次又好快要當機,d野又亂過了。

2010年9月26日 星期日

蕃薯

好耐之前買左d蕃薯白烚,但咁煮蕃薯除我之外無人有興趣。

我一個人吃唔晒,之後做左二樣野出尼。

蕃薯蛋糕,可能蕃薯太多有d濕,不太成功。

再搓爛多一個之後,入鑊炒香。

加d淡忌廉,檸檬汁1湯匙,鹽1/4大匙,糖1/4大匙,
磨d檸檬皮屑,等佢香d,拌勻。

油炸鬼切開

把蕃薯茸搽上油炸鬼面上。

麵粉150克加蛋1個,水小許調成麵糊,淋上蕃薯油條面上,
放入熱油中炸至酥約2分鐘。

只淋在蕃薯一面,油炸鬼那面就可保持脆口。

噢!好搶火。

將糖3大匙、淡忌廉3大匙、檸檬汁3大匙、鮮奶3大匙、沙律醬3大匙拌勻。

將醬汁澆淋表層即可。

台灣—便民商店


係台灣幫襯得最多係便利店,因為每條街梗有一間係左近,
一個台北已經有3200間7仔 重未計ok、屈人士及其他,
我鍾意佢部份重有提款機、洗手間及有枱同椅可以坐。

貨品同香港一樣應有盡有,不單可以為電話咭增埴,買化妝品,
如果你有郵購,可以指定到那一間指定日期領取包裹。

提供生菜沙律、冷麵、水餃、三文治、麵包、甜點、魚生、壽司、薄餅。


同我地波仔比完全兩回事,配料又多又平,
但唔知佢地係唔係固定得豬、牛、雞、魚尼d款式。

有一點好重要,超市會有建議售價,但一般竟比便利店高。

有一樣野要留意,購物單據上有一組號碼,每季會抽出一位幸運兒,
獨得新台幣2佰萬元,而中三個數字都有新台幣300元安慰獎架。
但你唔想抽或保留,可以放入便利店門口或機構門口收集箱,
咁一d傷殘團體會多謝你。

大大件,超低,而d料好多花款。

超正


而便利店附近一定有小販及速食店。

價錢又大眾化

但這些店舖有唔好地方,一定要外帶。
 
 

2010年9月25日 星期六

絲瓜煎餅


材料:絲瓜1條,菜脯米4湯匙,蟹柳6條,蒜味花生5湯匙,雞蛋4個,
   低筋麵粉3 大匙,水半碗,鹽半茶匙。
做法:
1. 雞蛋拂勻;菜脯洗淨瀝乾水;蒜味花生入塑膠袋中拍碎;絲瓜去皮先切片,
    再 切成絲;蟹柳剝散。
2. 菜脯米下鍋炒香後盛起,蛋液+水+低筋麵粉+鹽+菜脯米拌均勻。
3. 絲瓜下鍋略炒,加入蛋漿拌勻,成一塊餅,撒上蟹柳絲及花生碎煎3分鐘,
    翻面續煎3分鐘至面金黃即可切件,上碟後再把餘下花生撤上即可。

2010年9月23日 星期四

台北市—萬華區—龍都冰室


萬華—廣州街超多食店,你可以有很多選擇。




當中位於龍山寺側有一間龍都冰室生意強強滾的。

到今天開業80年,一定有佢獨特之處。

你睇買冰人龍排到出門口。

這裏的消費都ok 。

生菓及其他是任配,但我地只點芒果及愛玉兩款NT$55,
老板大方,一點也不手軟。

芒菓又香又甜,愛玉很清爽。

這裏有新款水果、焦糖布丁.....配搭之外,傳統配料都有。

而這款至尊八寶賣NT$85,配料入口即化,甜度剛剛,一樣咁好味。

三個人吃兩盆剛剛好,大熱天時吃真係透心涼呀。

陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...