2010年12月31日 星期五

大小姐發燒

大小姐發燒,大少帶佢睇中醫,個中醫話佢其實只有小小感冒,最重要係成日夜瞓,熱氣所以病,聽到都覺好笑,大小姐又問中醫點解咁多頭皮,中醫又話因為瞓得小,唉!肝負責髮膚,夜瞓當然會落雪,所以多野做大家早起好過。
事原早幾日,大小姐話喉痛唔舒服,中午已經走左去瞓教,夜晚我出完街返來見佢起一起身吃一d野,就去瞓過,行埋去睇佢,發現佢係發燒,量左幾次都係攝氏37.5、37.8,叫佢起身去A&E 叫極唔很,其實我都唔想,因為去到起碼要等成四小時,不如朝早去睇西醫重好,咁只有不停幫佢降體温,攪左我一晚退左燒,又要煲茶,又要返工返學,輪到我好倦。
奇怪我點解會信中醫,而唔信西醫,其實我乜醫生都信,只是覺得將來老左會長期吃西藥,而西藥係毒藥製造只會越食越多,咁不如亞Q精神,而家食小D留返將來食啦,我無亂講架,嗱!好似成日吃止暈藥咁,醫學上有根據話會容易誘發栢金遜病架。


有日發覺個同事臉上有幾粒 好大红色粒粒,佢話個身重有好多睇左中醫,中醫話肝功能唔夠,過濾唔晒d毒素,事原又係夜瞓同瞓得小,所以大家11點至3點最好瞓教,多野做早d起身好過。

朱古力

係網上見人家做朱古力,有點手痕,又學人做了。



今日除夕,大家一齊甜甜蜜蜜啦。

2010年12月29日 星期三

嚇一跳

之前家姐打電話來,話亞媽脈搏上壓去到200要準備入醫院。
當堂嚇一跳,以佢嘅飲食方式係無理由(佢係由家務助理隊負責送飯,
通常係三低,低鹽、低油、低糖,重有一低,亞媽重要低份量)。
最初以為佢要做白內障手術,聽完講座,受唔起壓力以致血壓急升,
但諗來諗去都無理由,兩日內度左不下四、五次都咁高。
第二日亞妹打電話來,話佢出左院,唉!從此要食多一種高血壓藥。

用西芹、洋蔥、蕃茄、粟米粒、紅蘿蔔、排骨、蜜棗煲左個湯比亞媽飲。
 
順便問吓佢點解,原來尼排飲食習慣改變左。第一,佢
每天會沖兩壺中國茶飲,因為天氣凍,唔想上咁多洗手間,
所以飲小左,第二較早前個弟婦比左好多條鹹魚佢,咁佢用咸魚加餸。
即刻睇番家務助理隊每兩星期替佢做嘅例行檢查記錄,
上次血壓去到160(佢一向120),已經同我講頭暈暈,我都無留意,
真係失策,今次佢又攪到家務助理隊人仰馬翻,用一隊人送佢入院
不特止,重要開會睇吓邊個環節出問題?(佢上次私下吃雞腹瀉,
每次中心有服務對象有事都要開會檢討,而且以佢表面咁乖)。
唉!原來個客係咁 曳 老人家,真係家山發,
不過佢自己都唔好過要吃高血壓藥Capoten,抵死。

2010年12月28日 星期二

深圳一日遊


今次購物拜大少所賜,因為佢係一個路痴來架,我要帶佢去東門買西裝,咁我就順便買吓日用品,順便有咕哩拎野。大少以前要著得比較正式返工,點知,佢越著越 hea 連啲西裝都掉埋,或借比人唔拎返,我成日都話佢,要留反件西裝褸睇門口,佢話個款會過時,唏!好過晒錢去買吖。

一大早來到,只好係大家樂度食早餐,而家食一個早餐都唔平,成26蚊港紙架。

係東門白馬尼度真係乜都有,一早來到人都唔多隻,但一過九點開始人山人海。

d披肩係香港買30~90蚊一條,尼度由5至13蚊一條最貴都係15蚊,
買幾條都可以當批發,但貴d,都係貴多3蚊一條。


午餐吃左碗粉同個包補充吓體力繼續。

上面同香港一樣會派傳單,吸引人,收埋無諗過會用,其中麥當當個套餐只需12.5蚊人仔1份,2份可以為我節省左12蚊,見差唔多返到香港都夜囉,食埋先走。

今次都唔係買左好多野。

而家好多鋪頭真係好精,寫明特價,同佢講價佢重叫你放低唔好買。

d假眼捷毛亞姐話28~36蚊一盒,一場來到買多兩盒,
買左八盒就拉勻計20蚊一盒。

套黑色西裝只需二佰三蚊港紙,個款擺十年都無問題。

係街行時,見好多人圍住晒,所以買左尼兩條尼龍褲,每條值10個大洋,
但好厚,天冷著應該得卦。

平時我係絶對唔會買盒裝奶返來,不過今次有咕哩又帶定架車仔,唔好同大少客氣。另外介紹隻地瓜粉=蕃薯粉,香港只有粗粒賣,但台灣及大陸就兩樣都有,佢炸野好脆身,又可以保持得好耐架,而且尼隻粉同芋泥搓埋可以做台灣芋圓架。
又買左d小肥羊湯底,但佢貴左,上個月都係11蚊人仔,而家要15.9人仔但都好彩有買,唔係尼幾日凍只可以用濃湯寶。

見個C9推住架車掃左1/3車濃湯寶,心想你拎去買都唔使買咁多吖,
攪到我本來拎一盒都忍唔住拎多兩盒。

2010年12月26日 星期日

脆蘿蔔絲餅

我炸到好似餅乾咁,真係需要時間咀嚼。

紅蘿蔔一根,薯仔1個(細),白芝麻1匙,芫茜少許。
低筋麵粉7大匙,生粉4大匙、冰水約90至120毫升,胡椒鹽少許。
1.紅蘿蔔去皮,切薄片再切絲,芫茜去蒂頭切小段。
2.用大碗,放入1十低筋麵粉、生粉拌勻,把冰水分3次加入拌至黏稠即可。
3.起油鍋至170度油温,將2份成小口狀,下鍋炸酥後取出加上胡椒鹽、白芝麻、七味粉即可。

2010年12月23日 星期四

泡菜鮮魷


泡菜炒鮮魷
材料:
鮮魷一條,洋蔥1/4個,蘿蔔泡菜1/3包,麻油、蒜茸半茶匙,韓國辣醬1湯匙。
調味:魚露1茶匙
做法:
1.洋蔥切絲;鮮魷洗淨切圈,拌入韓國辣醬蒜茸醃拌勻。
2.用麻油起鍋加入洋蔥炒至軟,加入鮮魷炒收縮加入泡菜略拌,再加入魚露即可起鑊。

2010年12月22日 星期三

火鍋剩餸—甜椒炒青口,釀豆腐

尼一篇發生在最凍嘅時候,打得太慢,出嘅時候最熱。
尼排一定唔小得打邊爐,
今次湯底用小肥羊清湯底,真係好好味。

真係簡單快捷,加d蔥、蒜、薑就得。

放左工先去買料

差唔多啱打邊爐嘅食品都比人掃得七七八八。


新鮮無晒買急凍囉。



係冰格攞左d青口尼,但.........凍冰冰。

只好下餐連豆腐一次煮埋。

甜椒炒青口

釀豆腐

盤龍峽


盤龍峽被譽為法國普羅旺斯。

來到—德慶盤龍峽都好夜,
黑蚊蚊乜都睇唔到,放低行李洗個面去食飯先。

入到房都好細間。嘩!真係好刺激,
個衛生間得兩塊玻璃,重無門只係用一敞窗簾遮住。

一眼見晒
呵呵~ ~一邊擦牙一邊睇電視,唔會悶。

食飯地方都好似好好咁。

大家好高興咁係度等食飯,但好奇怪點解隔離枱d餸無乜人食嘅??

謎底終於解開。我地食完之後好明白,實在係好難食,
怪唔得知無人食,我地都食到牙牙聲,d餸下塲同隔離枱一樣。
 
初時話唔比出去架,要的話當重新入來要比多一次入場費,
原來登記左就無問題,出邊村民都知渡假村d野難食,
所以入黎大派傳單,又有雞粥、小菜,又有炒粉、麵、飯,
價位都係38~68 ok啦,鬼叫頭先吃唔飽咩,貴都要食。

早餐安排係半露天嘅— 天幕餐廳 食


食物種類唔算多,補貨速度都ok,餐廳強調食得健康,供應多款粗糧。

芋仔、粟米段呀蕃薯咁。

食完早餐行吓隔離個薰衣草田當運動。
 

見到啲薰衣草,非常開心,但左睇右睇應該係粉萼鼠尾草多D喎。

係桃花寨木屋旁,種有D花草,疏疏落落咁,
點解咁講,實情係咁架。

哈~哈~  其實個花田都係光禿禿,如果要去應該4、5月來係最好。

吃完早餐睇完花,坐村車上山頂,這裏大大小小有100多座水車,
水車有用於灌溉、脫殼、舂米的原始生產工具。




這裏被譽為岭南僅存的古老織布村—黃道婆織布村 ,這是一個有700年
歷史的小山村。而建村初期,黃道婆織布技術就流傳到這裏,
所以叫做黃道婆織布村。

沿著棧道向下走,會見到很多瀑布大小不一,而盤龍峽有二個大瀑布,
上面是雙龍飛瀑,下面一個叫烟兩飛瀑。


現在是秋冬時節,看著這裏大小不一的瀑布,總帶著水氣迎面撲來,
感到清涼舒服,但完來,在水量不足的時候,背後是有個水泵,
由山腳下的水塘把水泵到山上的儲水庫,在每天園區開放時間,
提供水流,讓這裏的瀑布羣及激流都源源不   有水供應。

園區內有二個刺激活動,空中飛人同埋激流。


淨係用帶吊住都幾刺激。50蚊包來回,前後都唔使3分鐘。
老板真好賺。


而家係早上十點鐘重未有客人,亞哥乘機修補吓d生財工具。

 

陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...