2016年1月31日 星期日

團年飯在紅廚私房菜

朋友仔約埋一齊食團年飯,訂咗係紅廚, 這裏地方不大,我地一共十三個人,可以講係包左個場,我又覺得幾好吾使嘈住人 ,又吾受人騷擾,這裏收費是以人頭計的,有六款套餐給你選擇,不過沒有很硬性的做法,可以因應客人嘅要求改動嘅,但!這裏是預約制,就沒得改啊~



明明系藍色的,為甚麽叫紅廚?


原來佢之前喺錦繡花園跳蚤市場時確是红色的



室內佈置好像家一樣,很温馨


 


紅酒是送的,其他飲品就要自備了
 
店主就保証全是不落味精的心機菜,我地就睇下有乜食


 
冰鎮聖子—聖子很大條及甜,下面鋪的羅馬生菜拌了紅酒醋,清新又開胃



杏汁猪肺湯—濃濃的杏仁味,一入口即時滋潤晒,大大煲都好快飲晒



豉油皇大蝦


盤龍鱔—條鱔都好粗身同爽口,夠晒鮮味

網油蠔豉卷
 

古法猪肚鷄—豬肚同雞都冧晒,湯底有虫草花架
 


糯米大鴨—又是心機菜,從起骨拆鴨、醃肉釀飯,多重手法泡油蒸煮,真係小D心機都唔得,加埋大量栗子,材料豐富夠晒甜,食到這個我地真係飽晒囉


紅廚上素—蝦子豆腐,哈~~這個,店家上枱時告訴我們是素的,經過油炸,內裏是滑溜的,外皮是柔韌的,但!却附上蝦子,喜歡的朋友可以灑上自家制蝦子,即時變回葷菜了


紅棗糕—好香紅棗香氣又不黏牙,是店中外賣皇牌之一
 
今天大家都很滿足,盡興而歸





2016年1月30日 星期六

泰式椰菜苗

 
 
 
 
最近街市D菜貴,不過又多很多其他地方的菜,見到這個菜,就諗起食泰菜時食過的椰菜苗,鍾意食它其實貪佢有小小苦,he ~ ~是不是很奇怪

 
把椰菜苗洗淨,用蒜茸起鑊,下紅椒絲後下椰菜略炒,再加點鹽後炒至軟即可上碟

 





2016年1月29日 星期五

罐頭豬扖飯

又到一人前時間,今次似賣廣告咁,簡單煎個豬扖,冧上罐頭忌廉汁真係好方便

 
超市有時特價廿幾蚊有三罐,買定需要時可以做湯或者做芡汁,撈飯很方便

 
豬扖用刀背剁鬆,用點糖,鹽,胡椒粉,大粒蒜茸,米酒醃30分鐘

 
燒熱鍋,下一點油,把豬扖放入煎至兩面至全熟,即可上碗,用一個小鍋,把忌廉湯倒入鍋,加半罐水,用小火煮至滾即可冧上飯面即成
 
 
 

2016年1月28日 星期四

泰式黑糥米糖水

有包黑糯米,想下這個方法煮糖水可唔可以快一點,原來都得




材料:
椰汁、牛奶,黑糯米,糖

做法:
把黑糯米洗淨,浸水4個小時,泡軟後倒入電飯煲內,放入煮飯多一半的水,用電飯鍋煮方便不用睇火,煮完第一次,電飯煲跳完制後,等5分鐘再放入椰汁、牛奶和糖
把煮好的黑糯米放進碗裏,喜歡的話可以倒點椰汁即成

 
 

2016年1月26日 星期二

芋頭燜雞煲

芋頭要冧要點時間,今次我利用冰箱就可以節省些燃啦,哈~
但!時間就要延長了
 


 
  
 
材料:
芋頭一斤,冬菇5朵,雞脾2隻,蒜茸1湯匙,薑2片,蔥1棵
 
調味料:
五香料,鹽各少許
 
 
要芋頭冧好簡單,但!
要點時間,先把芋頭去皮,洗淨切大件,放入沸水中煮約3分鐘,之後放入冰格中約2個小時即可
 
 
 
雞脾洗淨,斬件後,用糖、醬油、鹽、胡椒粉、米酒各適量拌勻,醃約半小時,放入燒熱的鑊中爆香後,盛起備用

 
冬菇洗淨浸軟,切細件
 
 
原鍋有很多雞油,下蒜茸、薑片、冬菇、蔥白部份爆香,之後下芋頭略炒後,下水蓋過一半以上,煮至水沸再下點五香粉、鹽、糖各少許燜煮約5分鐘之後,雞件回鑊 
 

 再煮一會,轉入瓦煲中煮一會,即可上菜

2016年1月24日 星期日

蘿蔔糕

 
好快過新年了,要準備蒸糕了,我家的比較簡單,但!因為要放得比較久,所以冬菇、蔥之類是不會加入的

 
蘿蔔糕蒸得太多次了,所以做得好隨意,份量也不會很準確
 
 
把臘腸洗淨放碟上,加上薑絲、胡椒粉、酒放入鍋內隔熱水蒸15分鐘,蒸好後切長條再切粒
 
 
把切好臘腸放入鍋中,用中火把臘腸的油煎出,加入薑片爆香,再加入切碎蝦米略爆
 


 
把瑤柱浸水約4小時後,撒碎放入鍋略爆即可熄火,盛起
 
 
 
五斤蘿蔔刨絲,刨絲時有很多水份要隔起(如果水份不足,煮蘿蔔時要加水)


把煮完臘腸的鍋,下蘿蔔絲番炒至軟後,把蘿蔔水回鍋煮至滾後,加入冰糖少許再煮約10分鐘


 
 
把薑片挾起後及盛起一大碗水,把大部份臘腸料回鍋,下胡椒粉少許,鹽1茶匙拌勻

 
 
用煮好的蘿蔔水把約450克粘米粉開勻,倒回蘿蔔絲料中拌勻,再開火把粘米粉煮至熟後,盛入蒸盆中


 
 
把留起的臘腸料冧在糕面上,放入鍋中,隔水蒸1個半小時即成
 

 







 
 
 
 


酥炸黃花魚