2012年10月31日 星期三

結婚二十週年紀念

見好多blog友仔結婚廿週年紀念,數數手指自己剛好二十週年,而且剛好是這個月,大驚下,先下手為強,質問大少記唔記得今年今個月係乜野日子,大少當然唔知,但!都好鎮定表示,緊係知啦,重話你知唔知係邊日吖。C立!我真係唔記得正日是邊日,想左好耐又揾左好耐,唯一物件都只係早二日揾到,好彩趕得切認叻



本來想訂意大利菜,但!好遲訂位只是入左9點後的後補名單,最後!這晚到會景食自助餐,每人包一隻大閘蟹。被安排坐一個不起眼的門窗口坐,本來唔係幾好,不過我係村姑一名,食長腳蟹、大閘蟹、大蝦,我會用手碌殼,咁 最好無人見到啦 ,食左乜野大家睇吓。


















前菜都食左兩碟^^~









鵝肝真係好好味,入口即融化,只是怕太高膽固醇,食一件好了。
食左咁多凍野,要飲返碗熱湯先得。





大少的豬展湯



我的海鮮湯,有淡淡檸檬葉同埋香芧味幾清新,這裏的麵包,非常好食,真係好恨再來一碟 只是個肚空間有限。













每人一隻大閘蟹,亦係我今年第一隻。





焗龍蝦湯好正,每碗有一件龍蝦、一隻大蝦、青口同埋蕃茄。









左邊松露蒸蛋(同普通蒸蛋一樣無特別),右邊蟹腳蒸蛋,好鮮甜。





三文魚必食




右上角兩塊網燒和牛真唔錯,入口冧滑^^~



重有好多款甜品,但!實在空間有限。

臘腸蒸雞





今次用左金針雲耳蒸雞+埋臘腸,蒸出黎D雞件變得惹味,D汁愛黎送飯一流。

見到臘腸又話食埋先減肥囉。

材料:
鮮雞半隻、臘腸1 條、薑絲1茶匙、粟粉1茶匙、金針、雲耳適量。
調味料:
蠔油2茶匙、胡椒粉適量、麻油2茶匙、紹興酒4茶匙、糖半茶匙、老抽半茶匙。
做法:
1.鮮雞以淸水油洗後,剁塊。臘腸斜切片、金針、雲耳用水浸4分鐘。
2.將雞塊、臘腸、金針、雲耳、薑絲、粟粉與調味料拌勻,放於蒸碟上,加入鑊隔水蒸15~20鐘。

2012年10月30日 星期二

潮州之旅(2)

第二天


0830 早餐是食圍餐,0930 出發往潮州。
1115 到達潮州,第一站是廣濟橋,近距離觀賞此宋代興趣之大橋,此橋是近年重修,回復古橋面貌,第二站是廣濟門,我們由廣濟門進入古城,坐三輪車遊古城河牌坊街行去開元寺參觀。
1245 在開元素食館午膳,這又是一間旅行社指定之食堂,菜式就麻麻,團友都表示吃完就算,去行街時再食過。
1445 離開古城,之後往青龍古廟。
1505 離開青龍古廟之後往陶瓷用品陳列館參觀,館內展品只是一般,1530 離開,往龍湖古寨途中,QQ向我們推介潮州綠豆餅,我們試食過後,覺得幾好食,又不太甜,15蚊人仔壹筒,大家向QQ訂貨,結果全團訂了78筒!
1650 離開龍湖古寨,往汕頭的中旅酒家享用自費的   潮式十八碟  ,菜式都可以,大家都收貨,
2000 返回酒店。


酒店對出就係花木市場,早上沒有開門,但!晨運、散步都唔錯。

平團必修功課之一,一早到此一遊睇吓D老香黃,而家比以前真係好,無逼人買野喎,重有免費茶任飲添^^~




廣濟橋俗稱湘子橋,始名康濟橋。在潮州城東門外,全長518米,橫臥韓江之上。
湘子橋是國家重點文物保護單位,也是世界上第一座啟閉式橋梁,湘子橋始建於宋朝道七年,至明正德八年始建橋墩24座,橋中間以18只梭船連成浮橋。形成 " 十八梭船廿四洲 " 的獨特風格,集梁橋、拱橋、浮橋格局一身。



重修後的廣濟橋短短50米,要收門票60元人仔,所以遠觀便可以了^^
















遠觀完廣濟橋,去對面嘅古城牆參觀,廣濟門是全國古城牆保存得最完整、最長久之一的潮州古城府牆,北起金山南至南門,全長2132米,在延綿八里城堤上,保存城門樓四座,即上水門城樓,竹木門城樓,廣濟門城樓,下水門城樓,城牆上嶄新仿古建築,挽回大家一些記憶。到了晚上濱江的夜景分外嬌嬈的,路景燈、節日裝飾燈,樓臺裝飾彩加上湘子橋、韓江大橋的夜景相互映照,氣象萬千。













IMG_5243

由城牆下坐人力三輪車暢游古城老街—甲第巷,及牌坊街。




 
 






人力三輪車轉入甲第巷,進一步體驗當地人民生活,碰上下課人多,人潮即時活潑起來。
































遊完人力三輪車到開元寺參觀


 




開元寺位於潮州市區開元路中段,唐初始建名荔峰寺,
原寺佔地百畂,現30剩畝,結構規範嚴,香火鼎盛,並有嶺東佛學院設此。該寺是潮汕三大名寺之首。是全國僅存的4個開元寺之一。















 



以上菜式大家都唔夠喉,只有食飯飽份兒,所以緊接著是掃街變成掃食行程。







炸春餅



這間麵店是用牛骨煲湯做湯底,好味又唔會口乾,超正。


IMG_5483





狀元牌坊其實係步行街。有好多野賣同埋好多野食,見到這間牛雜店,佢只賣三種東西,牛丸河粉、牛雜河粉、牛肉河粉,每碗只售10蚊,比起琴晚間宵夜店18蚊碗,抵好多!每人都必叫兩碗食,我地其他團友用極速食完,只因要趕到下一家餅店試食及購物。





我們同老板講,試食 試食,老板都好大方,樣樣都請我地試吓,新鮮出爐潮州糖唔硬,係酥脆架。



青龍古廟住於潮州韓江大橋西端南堤上,廟門東向,先前稱安濟聖王廟,據記載建於北宋,安濟靈王是北宋神宗趙頊封的,相傳諸葛征蠻,蜀漢永昌太守王伉守城捍賊,歿為神明。明萬曆十七年潮州海防同知施所學重修青龍古廟鎮水患,奉入王伉神像,號安濟靈王,自此,王伉就成安濟聖王。















這位大哥,一個人用6枝桿,唔通.....這裏魚獲特好
 








這裏有間為女人而建的祠堂—亞婆祠,無奈神主牌都是上不了神台。



IMG_5575

這個龍湖古寨模型,展示全村500多戶,我們只遊寨門到2個牌樓範圍,因為後面是有人居住的。






 
 


這個古寨老人及兒童較多,青年大多外出打工,但生活上一切都應有盡有。





龍湖古寨
位處廣東潮州韓江中下游西岸,潮安縣東南部的龍湖鎮,素有 " 潮居典範、祠堂千家、書香萬代 " 之美譽的千年古寨—龍湖寨,
該寨始建於南未時期,至今己有1000多年歷史。在古代,龍湖寨既是潮汕平原重要的貿易商埠。據初步考證,歷代湧現出進士、舉人、貢生等名人600多人,文韜或武略,為光輝燦爛的嶺南文明書寫了不可磨滅的歷史篇章。


龍湖寨雖歷經千年滄桑之變,但古跡甚多,寨內巷陌縱橫名宅古第巨祠無數。這些古建築,集合了宋、明、清及民國務時期的 " 潮式 " 建築風格。尤其是 " 方伯第 " 、 " 進士第 " 、" 探花府 " 、" 繡衣第 " 、" 許氐宗祠等民居建築,門廊立面裝飾濃重,精美絕倫,潮味極為濃郁。古寨由北向南呈帶狀分佈,因寨之西、南、北皆池塘,古稱塘湖,面對悠悠韓江。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味