大埔梁九記

再約Pansy去梁九記，同行重認識埋金魚添。




因為上次係東記食上海麵時，同枱唔識嘅太太介紹，話李記D凍檸茶好好飲，會同你篤埋檸檬，重可以多冰、小冰、小甜，重有三文治都好好食，如果蛋冶重可以去蛋黃添，總知你想點就點，嘩！無得頂。



本來想買茶過去東記食麵，但！東記無開，只好係李記飲吓佢D茶同食三文冶la。




D茶真係唔澀架，好掂，可能佢d糖落得重，蓋過d澀但又剛剛好，所以唔覺好甜

三文治可以烘底又得(當然加錢啦)多餡又好味。

本來正想話食三文冶唔飽，要叫碗公仔麵，但！好好奇，點解枱枱都有魚蛋粉
大埔D人真係好，佢地會知無不言，言無不盡，搭枱位太太話比我地知，欽記D魚蛋粉好出名架，咁我地唔食公仔麵去叫三碗魚蛋粉，佢地即刻送過黎比我地。

魚蛋粉重搭埋舊魚皮，重好貼心咁拎埋辣椒油黎(好辣架，小心~ 小心~ ~ )，呀太又同我地講，D魚皮係唔係好好食尼？又唔薄重有好多魚肉，佢係街市對面，振興出品黎架，佢D魚蛋煮時唔會脹大架，其實你地可以係後邊街林記度買點心過黎尼度飲茶都得架，佢D點心又好得架。

咁我地又問，尼度重有D乜野好食，呀太又話後街間有記，賣D砵仔糕好好食架，佢係用米磨粉漿做架，放到夜晚都唔硬架。

可惜我地去到佢無開門，隔離妹記D亞姐好好人即刻同我地講，佢星期三休息架，咁下次要留意吓想食砵仔糕唔好星期三黎啦。

梁九記真係非一殷凍肉店，乜都有，價錢樣樣都比人平小小真係唔錯。

咁無砵仔糕好似唔係咁盡興，走去食碗豆腐花補數。

振興貨品款式同梁九記差唔多，但！無梁九記咁多咁平，但貨色却是高一級，澳洲龍蝦都有得買100蚊一隻，二隻只賣180蚊添。

金魚提我大家唔好買咁多野，
因為冰格唔係好多位，好多野都有拎上手，但諗諗吓又放返抵，只好忍痛買住多先，其實重有好多野想買架




尼度係今次戰利品，最可惜係無晒春雞，只好下次再買啦。