2016年2月29日 星期一

麻醬蝦米海帶



 
 
大少唔知點解好鍾意買D紫菜呀、海帶尼類野,佢話好抵大大包又便宜,大家都知上次包紫菜都清左好耐,食左咁多餐驚左好耐,今次又到海帶,今次重要幾包買。。。。。。。真係難為了家嫂(我了).........
 
 


材料:
乾海帶數片,蝦米約2湯匙,五香豆腐亁件,乾蔥茸1大湯匙
 
調味料:
芝麻醬3湯匙,生抽1湯匙,糖半茶匙,開水、麻油各1湯匙,胡椒粉少許
 
做法:
1.浸軟蝦米、洗淨
2.豆腐乾略沖淨、抺乾、片薄後切絲,海帶浸軟、切絲
3.先用清水,把海帶絲拖水至熟
4.用少許油爆香蝦米及乾蔥茸,之後放入豆腐乾絲炒至熟及軟身,熄火海帶絲回鍋炒勻
5.把調味料拌勻,淋入4項中拌勻即可上碟




 
 
 

2016年2月27日 星期六

紅蘿蔔餅

 
做餸好多時有剩菜,今次有好多碎紅蘿蕃,本想做個煎薄餅,但又唔想落街買蔥及蝦米,又見大小姐有好多麵粉,就做了個偏西式的餅,黎個下午茶
 
 

 
 
 

 
 


材料:
紅蘿匐約150克,麵粉300克,水550克,鹽2茶匙,五香粉1茶匙

做法:
1.紅蘿匐去皮,磨碎,跟麵粉放入盆內
2.加入鹽、五香粉混合,把水分數次加入拌勻,成流動濃稠糊狀
3. 把鍋加鍋,放入小量油,舀一湯勺面糊倒入鍋內,快速轉一圈,使面糊攤成圓形
4.用中小火煎至面糊表面出現蜂古窩狀後翻面
5. 把兩面煎至金黃色即可



 
 

2016年2月26日 星期五

新春團拜在流浮山


要就大家時間,今年同d兄弟姊妹嘅團拜都要拖到年十七
he he~
今次聚會地點系流浮山食海鮮,呢個系我出生地,今晚碰上一個鄰居,我大懵嘅一直以為他們只是由細玩到大好熟嘅隔離鄰舍   哈哈~
他們講我先知,我們父母輩是同村兄弟,難怪我媽媽成日話我呆呆
還記得小時候,有個訓導主任對我有要求又很兇,成日見到我爸媽不單打招呼有時會傾下計,到我畢業之後,我才知道他其實是我表哥,哈~ 夠呆吧!!


由流浮山海邊望過去對面燈光璀璨,就是深圳灣大橋及蛇口港,宜家對岸由漁村發展到比我地更繁榮了


喱個社區終於出現一間私房菜館了,真系要識途老馬先去到



她標榜睇晒成個海灣喎





今次我地就幫襯尼一間住於正大街40號嘅明記海鮮酒家,提一提佢攞左米芝蓮架


 
開餐啦,大家先嚟一碗海鮮大雜燴湯


豉椒聖子皇


豉油王大蝦


薑蔥生蠔—生蠔還算飽滿要趕快食,天氣再熱就廋


酥炸生蠔—在流浮山一定要食這個,是最早及出名又地道食法


蒜茸蒸扇貝


清蒸東星班


 清炒菜芯


炆班頭腩

 
陳皮蒸鮑魚
 
 
炒飯— 講明啊!我地叫細碟,不過睇落很大碟似的,D蝦义燒粒都很多,不知跟鄰居有無關係
 


今晚好多謝家姐的招待,大家都盡興而歸

















2016年2月24日 星期三

養血保健木耳玫瑰花茶


煮一個好特別的飲品,它有調理身形、養血駐顏功效的 玫瑰花茶

 
 
 

食黑木耳可以起到養血駐顏的食療功效,而玫瑰花有疏肝理氣又同時活血化瘀功效,紅棗維生素含量非常高,具有滋陰補陽,補血之功效,薑母辛辣但效果佳,可以預防感冒、暖身袪寒、預防手腳冰冷


材料:
黑木耳30克,薑片約10片,紅棗8粒,玫瑰花20朵,黑糖適量
做法:
黑木耳浸泡之後,把它切成絲狀,紅棗去核,薑片加入滾水煲內,大火煮10分鐘,轉中小火煲半個小時之後,加入玫瑰花再煮10分鐘,最後加入黑糖,待糖完全融化就可以熄火飲用,亦可放入雪櫃,冷凍飲用,不錯的啊~~
 
 
亦可把薑母黑糖沖劑代替黑糖,另薑味更濃
 
 

2016年2月23日 星期二

甜品控3

 
大小姐開學了,食埋這幾幾個甜品,可以休息一下,大家都睇下佢做過乜
 

芒果蛋糕

 
檸檬慕絲蛋糕
 
 
這個東西,大小姐問我知唔知係乜,哈~ 真係有點難估
 
原來係蛋黃哥,大小姐話都想學佢軟叺叺,成日可以休息


 

 
終於到最後一件,芒果忌廉蛋糕,點解得番一半,原來做好有得食,己經是半夜大小姐挖唔到我起身,佢食左D試味,留番比我朝早,有半個蛋糕做早餐
 

2016年2月22日 星期一

紫薯湯圓


元宵啊!有時間的話,親手包湯圓糖粉油量可以自己打控制比較健康,口味更合自己一點,內餡更可以隨心所欲

 


這個煮湯圓用清水,這樣更能突出湯圓本身身的滋味,不會有喧賓奪主的感覺
 
 
把紫芯蕃薯去皮切件,放入鍋內隔水蒸12鐘,取出略放涼,放入糥米粉(約100克)中搓成勻,再加入3湯匙大沸水,燙出面團,再放涼水約70克,搓成團即可。
再用100克麵粉,再加入3湯匙大沸水燙出熟麵團,再放涼水約70克,搓成團即可
 
 
 
把兩個不同顏色麵糰扭成一團,再用白色搓成幾個細長條,隔開圍著紫面團後,再一起搓成長條
 
 
 
黑芝麻、粉團各分成數等份,用粉團把黑芝麻包好,放入滾水鍋中

 
 
湯圓入鍋煮至浮起後,改用小火,不則湯圓會不斷翻滾,容易破裂,而且會因為受熱不均,不會外熟內硬

湯圓入鍋後,每滾起一次,可以加入小許冷水,使它保持似滾非滾的狀態,點兩三次水後,再煮一會,即可撈出上桌






陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...