2011年1月31日 星期一

年糕、炸年糕


如何可以炸出酥脆持久年糕
 

所需材料好簡單:
年糕1塊
麵粉糊:
麵粉12匙、泡打粉1匙、水19.5匙、生油6匙、檸檬汁3匙

做法:
1.年糕切厚片備用。
2.將麵粉糊材料調勻備用。
3.將做法1均勻裹上做法2備用。
4.熱一油鍋,下做法3炸至金黃即可。

2011年1月30日 星期日

川椒鹽煎肉

大家拜完神後的鹽五花肉如何處置?
今天用椰菜及豆瓣醬煮好野味架。

材料:熟五花肉一條(切片),蒜苗2根(斜切段),
椰菜半個(切大片)、豆乾2片(斜切片),指天椒1隻(切片)。
調味:辣豆瓣醬1大匙,豉油2茶匙,糖1/4茶匙,
米酒1茶匙,水1大匙,胡椒粉少許。
做法:
1.五花肉修除乾柴的廋肉部份,切成薄片下易潔鑊,
煎至金黃並出油後盛起。
2.下豆乾片,蒜曲炒香,再下椰菜炒勻,五花肉回鑊,
淋上米油嗆香,撒上指天椒、胡椒粉拌炒均勻,
再由鍋邊淋上豉油,炒至收汁即可。

2011年1月28日 星期五

笑口棗

見好多過年食品都賣到好貴,為左節儉D,
所以除左一定要做嘅角仔外作點新賞試。

今年第一年試做開心果,個心十五、十六,
驚佢唔識爆,好彩無另我失望。
 
 而家好想試吓做印尼千層糕蛋糕(咖啡色個隻),但揾左好耐都無譜唔知點整。

2011年1月27日 星期四

麻油雞糯米飯

秋收冬藏,所以要補一補,老人家話到左大寒
這個節氣要食糯米飯就唔怕凍,好多時都食臘味糯米飯,
來一個台式麻油雞糯米飯。

 
材料:
糯米1碗、老薑10片、雞扖1塊、乾冬菇泡水4朵、黑木耳1片、麻油。
調味料:
白胡椒粉、米酒1湯匙、黑胡椒粉。
做法:
1.糯米用水浸2小時,隔乾水放入鑊蒸40分鐘至熟。
2.將雞扖兩面劃刀後,接灑上海鹽、黑胡椒粉稍微醃一下。
3.將薑片、麻油一起放鑊小火炒至微焦
4.將雞腿肉切塊,黑木耳切絲,冬菇切片。
5.將雞肉皮朝下放入鑊煎至香後,再放進香菇片、香菇水、黑木耳絲,少許水。
6.大滾後,加入鹽調味,放進糯米飯、米酒拌勻,加入白胡椒粉即完成,可以上碟。

2011年1月25日 星期二

賀年蛋散

尼兩日好留意d過年食品價錢,角仔28蚊半磅,嗯貴,
蛋散24蚊半磅,搶錢,笑口棗22蚊半磅,嘩!勁搶錢。
唏!做蛋散真係好簡單架,就咁落晒d料搓勻轆薄咁就炸就得,
但,結果好厚身??

見個樣好奇怪,
見枱面有碗油無用,先知道,原來我唔記得落油,
怪不得一路轆一路黏,不停咁晒粉,而且炸出來個樣好唔掂。

好彩都只係試小小先,然後先做大份。之後重做
加番油轆薄時真係又唔同晒,唔使做時不停曬粉。

而家咁樣係唔係正好多尼。
 
咁啱有人係街買左半磅 鹹蛋散 返來同我一比,話我色水好深
好熱氣,咁我試左比較之下覺得佢果南乳味好小,色水就好靚,
懷疑佢無乜南乳,最多只係南乳水來調色。

2011年1月24日 星期一

香炸鮮菇


鮮香菇10個,薯仔1個,煙肉1片,蔥花小許。
黑胡椒半茶匙,鹽1/4茶匙,糖1/4茶匙。
酥炸粉1碗,水150克,白醋1湯匙,油1湯匙。
1.薯仔去皮切片蒸30分鐘至熟,取出捣爛。
2.鮮香菇去蒂,鹽加入水拌勻,下鮮香菇抓洗入味,取出揸乾水備用。
3.起鍋下煙肉煎熟後,切成細丁狀,放入薯泥中,下蔥花、調味料攪勻搓成小球狀。
4.將3.填入鮮香菇底部,壓緊並沾上少乾脆漿粉,排放碟上。
5.脆漿粉、水,白醋拌勻成糊狀,再下油,攪勻用小湯匙淋麵糊放4.的薯仔料的表層,放入中温油鍋中炸至香菇熟後,即可撈起。

2011年1月22日 星期六

鮮肉酥餅


鮮肉酥餅
 



油皮:
中筋麵粉500克、酥油180克、水1杯。
油酥:
低筋麵粉320克、酥油180克

做法:
1) 做皮:把材料和勻,揉成均勻而柔軟的麵糰,分切成24塊。
2) 油酥的材料和勻,壓塑成扁方塊,也分切成24塊。 
3) 一塊油皮包一塊油酥,接口朝上壓扁,擀長、捲成卷子,換方向再重覆一次(擀長、捲成卷子)。 
4) 把做好的皮(卷子)壓扁,擀成圓片,中間厚邊緣薄。
5) 一張皮包一個餡,並沾上芝麻。排在墊了牛油紙的焗盤上,每個之間要有適當間隔,太靠近者焗不酥脆。
6) 焗爐預熱至180℃,把酥餅放在中層,烤約25分鐘即可。烤到上色即可。
至於餡料,你喜歡甜又得咸又得架,而今次我就把豬肉醃好做餡﹐而內層酥皮把肉汁吸收晒,好味!

2011年1月21日 星期五

蘿蔔糕

做糕會失憶,可能太耐無整,失晒水準,
幸好是試整,否則笑死人。

過左幾日又整過,出品都算滿意,並且可以拿來送人。

2011年1月19日 星期三

手抓餅

返學時見有點肚餓,經過這間店,記得係台灣吃過這種餅。

可以加好多野。


我加左粟米粒吞拿魚沙津一共十六元。

放學搭完車又覺得有點餓,上廿四小時超市睇吓有乜食。

見到佢同我啱啱食完個餅係差唔多,而且特價$17.9有2包,
嘩!真係抵,即刻買。

返到屋企即刻煎來食,好快
攪掂,似乎簡單左d,係雪櫃到摷到d粟米粒同吞拿魚。

唧埋沙律醬真係攪掂晒。

蝦醬蒜子燜雞球

蝦醬蒜子燜雞球
本來尼個餸係用田雞,但我改左用雞脾肉。

材料:雞脾肉2隻,蒜仁約100 克,蔥2棵,
辣椒1隻,芫茜少許,雞湯1碗,1蛋顆。
調味:糖、紹興酒、蝦醬各少許。
做法:
1.蒜仁去頭尾於入冷油中炸至微黃即可撈起(放涼會變金黃色)。
2.蔥切段,雞脾肉切大丁,加入1湯匙紹興酒,
蝦醬少許1/3顆蛋液和粟粉1湯匙醃均,
醃約15分鐘,將雞丁於入油中炸1分鐘即可撈起。
3平底鍋下少許油爆香蔥段,雞丁回鍋,加入雞湯、蒜子、
切片辣椒略拌,再加入豉油、糖炒至稍微收汁。
4.起鍋前加少許紹興酒吊味,再灑上芫茜即可上碟。

2011年1月18日 星期二

賀年角仔


尼個真係送禮自用兩相宜,自己做實在係經濟實惠,
都唔明點解街可以賣到4~50蚊咁貴??d人又幫襯???
 

舊年第一年做時,媽媽話我做得粗枝大葉,
今年再做同舊年確係差好多,等我做多幾次睇吓會唔會再好d,
下次要再試吓薄身d,唔知自己有無咁好手藝。

 
另外一樣最節儉嘅係水仙,一盒十個都係76蚊,
但其實舊年賣68蚊,再早一年係60蚊,之前60蚊賣左成10年,
尼個價都無變,證明尼幾年物價升得好緊要。
 

2011年1月15日 星期六

馬蹄椰汁糕


每年都只整一次,經驗唔多,所以就算同一個人做,
效果都年年唔同,今年就個樣怪。

反轉再睇,個樣都係唔得,唔夠靚仔。

我係鍾意蒸好就食d人,味道
應該係馬蹄粉多左小小,水小左小小,馬蹄大粒左小小。

雪左一晚,好好多靚仔又易切,煎香係大小姐最鍾意。

大家又試吓炸馬蹄條吖,個份漿係低筋麵粉125克,發粉半湯匙,
鹽1/4茶匙,水160克,油110克(要逐小加,以免太稀),
五樣材料放入盤中拌勻即可。把馬蹄切粗條,裹滿脆漿,
放入油鍋中用中火炸至金黃色即可撈起吃用。

2011年1月14日 星期五

台式—麻油杏飽菇


台灣人認為麻油好補身,所以發展左好多菜式,
咁天氣凍凍地,我地又來補吓身囉。

杏鮑菇(雞脾菇)1根、豬頸肉(切片)1片、木耳(撕片)3朵、枸杞(泡米酒)1小碗、老薑(切片)1塊、青江菜適量。
調味料:
米酒、麻油
做法:
1.將雞脾菇用手撕成條狀。
2.起鍋,倒入麻油,爆香薑片,放入雞脾菇、木耳拌炒,再放進豬頸炒香,嗆入米酒,再加適量的水煮至入味。
3.加入青江菜煮至熟,最後加點枸杞吊味,即可裝飾盛盤

2011年1月12日 星期三

可樂雞翼


可樂雞翼
這個餸簡單又好味,主要材料是可樂一罐及雞翼一磅,
雞翼洗淨抺乾水,先用小許生抽,糖,可樂醃約1小時後,
起熱鑊用1湯匙油,把雞翼煎至表面金黃,下其餘可樂用中慢火煮至汁略乾,加入鹽少許,胡椒粉,試味時有點甜甜感覺即可。

2011年1月10日 星期一

甜蜜麵包卷


這個麵包卷鬆軟好食,雪櫃摷了些白蓮蓉,
係網上找到這個食譜,我幫她改了一點點,結果就變成這樣。

麵包片、白蓮蓉適量,淡忌廉75克,淡奶100克,
雞蛋2顆,麵粉50克,黃豆粉、菩提粉各適量。


做法:
1.把麵包去邊切半,淋上淡忌廉、淡奶,將麵包浸軟。
2.將白蓮蓉搓成電芯狀,用1.捲起成圓柱狀。
3.用一個大碗,先將麵勻和水攪拌均勻後,加入雞蛋攪勻成麵糊。
4.將2表層裹上麵糊放入中高油鍋炸至金黃後,撈出瀝乾油,
撒上黃豆粉及海苔粉即可。

2011年1月7日 星期五

豉油皇炒麵

睇完網友bb33整炒麵,我都唔執輸又學人炒麵。
可惜無煲粥,可惜,可惜,唔知有邊位煲左粥,可以比d我食尼?

2011年1月6日 星期四

雪菜炒年糕


材料:雪菜約半碗,蔥1棵,豬肉碎約半碗,
寧波切片年糕1包,薑半塊,蒜3顆,上湯1碗。
調味:魚露
材料:
1.雪菜洗淨浸水,揸乾後切碎;蔥切花;薑切茸;蒜切茸。
2.起油鍋,將年糕下鍋稍微炸一下變軟,盛起。
3.鍋加熱,放入肉碎煸炒,再放入薑茸、蒜茸略炒後,加入雪菜炒至香,
再加入上湯,年糕回鍋煮至滾,起鍋前加入1茶匙魚露調味,
灑上蔥花即可上碟。
 
今次用的是雪菜不是雪裡紅,顏色無咁好看,但以食味來講她的霉香味比較好。

2011年1月5日 星期三

甲龍、河背水塘


一大早起身去甲龍行,這個地方好耐無來,變左好多,以前路兩旁只有燒烤場,石凳,有好多杉天大樹,而家加多左人性設施如洗手間及流動洗手間,生態園,牛奶店,但,為左防止山火,變得比較光禿禿。

未出發前睇吓解放軍交更先。


行左無耐就可以見到牛奶店,本來想睇完牛牛,吃碗甜品先再起行。

唔好話牛,連陣除都無。

薑汁撞奶

燉蛋


但,原來尼度有好多羊咩咩,同埋烏龜架,小朋友見到一定好開心。


大龜周圍揾,原來係揾龜仔。

而龜仔好努力咁爬出來,去揾屋企人。

離開牛奶店,行左一陣,見到個生態園,
好濃縮咁呈現左循環系統應具備條件。



離開生態園之後,重要行一段時間才到清潭。

沿路有八鄉景色陪著我地,但,重可以保持得幾耐。

周圍都有工程,綠色部份好快消失。


連昆蟲都好快消失。

清潭,尼度包容度好大,棵樹倒入潭中都可以繼續生長,
如果係市區,唔好話倒下,阻地方都會鋸。
 
 

離開清潭之後,有段路係好多楓樹。

但香港嘅楓樹始終無咁紅。

沿著引水道行,無論乜野角度都見到錦上路港鐵車廠,
一直倍住我地,不用寂莫。

我諗尼度係白潭掛?總知
快到河背水塘時見到亞姐係度洗菜芯?


無幾遠有人係度生火

原來亞姐同埋佢班 Friend 每星期都來行山,
每人帶一d野食來,今日,早餐係咖啡、奶茶同埋麵包,
戲肉係煨番薯,重話有甜品添。

接著上河背水塘,途中見到這個有機農莊。

 

這群90後,如果不是學校帶來,恐怕都是在家打機。

農壯內有個茶座,可以免費入內。


免費嘅地方到此為止,想再進入右手邊温室部份,
每人收費20元正。

其實我地目的地係河背水塘,所以放低d野就繼續起程。

河背水塘最初設計只是一個供灌溉使用嘅水塘,所以唔係咁大,
因無乜人耕作,所以都失去佢嘅功能。


最後我地尼度條家樂徑,我諗應該係荒廢左,
因為d路面安全程度是否適合一家大細,大家都要諗諗。


蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味