2011年6月30日 星期四

豆腐燴牛肉


材料:牛肉約150克,硬豆腐1磚,薑3片,蔥2棵,芫茜2棵。
醃料:蛋1個,生抽半茶匙,生粉半茶匙。
調味料:生抽2茶匙,鹽1/4茶匙,米酒,生粉水少許。
做法:
1.牛肉切碎,用蛋白1/3隻,生抽,生粉醃15分鐘。
2.豆腐切粒;薑切幼粒;蔥切粒(分開蔥白及綠);芫茜根切粒。
3.燒熱鑊時,牛肉加入3大湯匙油拌勻,下鑊炒至轉色,盛起牛肉。
4.下薑粒略爆,再下豆腐煎至金黃色下蔥白部份,加入生抽、鹽,米酒1茶匙,水5湯匙加蓋煮約一分鐘,
5.用生粉水埋芡,牛肉回鑊,再加入蔥綠部份拌勻,即可上碟,灑上芫茜根粒即可。

2011年6月29日 星期三

燜腐皮捲


腐皮捲

圓形豆腐皮1張、豬絞肉約300g、薑茸1湯匙、蒜茸1茶匙、冬菇4隻、韭黃50g、芹菜50g、馬蹄粉1湯匙(貪佢清甜,用生粉都得)、上湯1碗、麻油1湯匙、麵糊適量
調味料1:
米酒1湯匙、胡椒粉1茶匙、魚露2茶匙、糖1茶匙
調味料2:
蠔油1湯匙、黑胡椒粒1茶匙、醬油1茶匙
作法:
1.豬絞肉、薑茸、蒜茸、冬菇丁、韭黃碎、芹菜碎、調味料1拌勻後,再下馬蹄粉、麻油拌勻備用。

2.取腐皮切成三片,再鋪上做法2捲起,再用麵糊封口備用。


3.熱一油鍋中大火,下作法3炸至外表酥即可撈起,放入鍋備用。
4.取上湯,放入調味料2拌勻,再倒入鍋煮至汁乾即可

清熱茶


夏天用扁竹葉,薏米,紅蘿蔔煲茶,夠晒清熱,真的好有效架。

2011年6月27日 星期一

涼拌雞絲陳村粉


 平時涼拌雞絲都係用粉皮,今次改用陳村粉真係好掂呀。

一早醒來,落去買左斤陳村粉,要來代替粉皮,做小好多工序。

2011年6月26日 星期日

菠菜蛋卷



材料:
菠菜半斤、蛋2棵、原味腐乳6小塊、松子(乾炒至金黃熟成)50克
調味料:
芝麻醬5大匙、味醂、辣椒油

做法:
1.芝麻醬加入半杯溫水攪拌、再加入豆腐乳拌勻,再以1又1/2大湯匙的醬油和1又1/2大湯匙的烏醋調味。
2.蛋拂勻加1/8茶匙鹽拂勻,放入鑊煎成蛋皮,取出放涼。
3.手握菠菜根部,將葉片入滾水鍋中汆燙至熟取出,放入加了少許油的冰水中降溫再擠乾水分,切除不完整和零碎部分,備用。
4.捲簾中間舖上保鮮膜,將煎好的蛋皮平舖於上,再放上菠菜捲緊成圓筒狀,切除頭尾。
5.將蛋皮捲切小段排入盤中,表層放松子,並澆淋上醬汁即可。

三文魚頭

 




三文魚頭1顆、雞脾菇1條、本菇1包、鮮冬菇5朵、薑片5片、蔥段20g、蒜頭5顆。
調味料:
醬油100cc、米酒100cc、味醂100cc
做法:
1.熱一油鍋,下蔥段、蒜頭炸香,雞脾菇、本菇、鮮冬菇切塊。
2.魚頭放入易潔鑊煎至金黃色及出油。
3.加入薑片及蔥段略爆後,再加入蒜頭爆至香。
4.下雞脾菇、本菇、鮮冬菇,調味料及水1杯燜約10鐘。
5.水份略收乾,即可撈起上碟。

2011年6月25日 星期六

台式鹽酥雞


好懷念台式鹽酥雞,特地找來蕃薯粉粗粒的,炸大雞丁,
再配上九層塔,真是香到不得了。

2011年6月23日 星期四

夏日咖哩雞




材料:
雞扖一件,蘋果1個,菠蘿3片,香蕉2隻,洋蔥1/4個,咖哩粉2湯匙,椰漿1罐,雞蛋1顆,辣油1茶匙,香茅1支,月桂葉2片,上湯2杯。
 
調味料:魚露2湯匙
 
做法:
1.洋蔥切大丁;蘋果、香蕉、菠蘿都切成丁;香茅切段。
2.雞扖切塊,皮貼鑊煎香至雞皮出油,下洋蔥丁,香茅月桂葉拌炒。
3.下咖哩粉、上湯拌勻後,再滾起時將蘋果丁、菠蘿丁、
香蕉丁、香茅、魚露放入待水再滾起。
4.再下椰漿、雞蛋拌勻後,淋上辣油即可。

2011年6月22日 星期三

糖醋骨

這個糖醋很甜,甜中帶咸。

材料只需豬腩排1斤,白芝麻1湯匙。
醃料:薑片5片,花椒粒半茶匙,蔥2棵切段,米酒3湯匙。
調味:鹽1.5茶匙,米酒湯匙,糖4湯匙,白醋2湯匙,上湯5湯匙。

做法:
1.腩排斬成段,下水鍋汆燙去血水,撈起瀝乾,放入蒸盆中,加入醃料薑片,蔥段,花椒粒,米酒抓勻,加少許的水,封上保鮮膜,入鍋蒸30分鐘。
2.將蒸熟的排骨取出,下中温油,炸至金黃色,盛起。
3.用1湯匙下2湯匙糖煮炒至融化變色後,下其餘調味料及排骨,轉小火炒約3分鐘至收汁,下白醋炒香,最後撒上白芝麻上碟即可。

2011年6月20日 星期一

豆腐大皮燒


豆腐先用重物壓去水份。

尼次試吓唔用蛋,有豆腐,椰菜,麵粉,生粉,
蔥,大地魚粉,同埋3湯匙水,拌勻就可以落鑊煎。

今次無用煙肉,咁健康d,又易控制,分開煎無咁易散。

這個簡單又易做,可以親子互動,又好味又健康,
小朋友唔鍾意吃菜,最好整這個不知不覺間,佢地吃左唔小菜。

d木魚碎受熱,又真係好似係度跳舞咁。

2011年6月19日 星期日

邦美蜀

今日係父親節,祝各位父親父親節快樂
Fathers Day

大熱天時,無煮一輪飯真係好舒服架,
琴晚又係唔想煮飯,所以借父親節拖左佢倆個去邦美蜀吃飯慶祝。

第一時間叫個招牌法包先,佢係即叫即做要等15分鐘架。
怕大小姐話辣所以只加左生洋蔥同芫茜無加辣椒
酸瓜酸酸甜甜好開胃,因為表面噴水去焗,所以個包好脆。

叫多個拼盆

另外火車頭套餐$98,包火車頭、1客小食、1碟菜、2杯飲品。

尼個火車頭有生、熟牛肉,牛柏葉,牛根,牛丸,牛腩,
可以分到六碗仔份量都算ok。

小食一客

油餐一碟

轉滴漏咖啡就加9蚊,青檸梳打就加5蚊。

尼間店價錢好ok ,但d水準及招呼真係好得意,
有時好好有時好差,每次來都要睇運氣

2011年6月17日 星期五

粉葛赤小豆鯪魚湯

熱氣除左會爆發暗瘡外,還可能會另你周身骨痛,即是老一輩口中的骨火。
最有效對抗骨火的方法,當然係煲反個粉葛鯪魚湯啦,除左清骨火還有健脾清潤功效,絶對適合一家大小飲用。

陳皮二角,赤小豆二兩,扁豆一把。

粉葛斤半,刨皮,切成大丁;新鮮鯪魚一條,洗淨去鱗,
去鰓,用胡椒粉,鹽略醃。

起鑊把魚煎乾水份。

豬骨用滾水煮5分鍾,用水沖洗乾淨;浸洗陳皮,刮去瓤;
洗淨赤小豆、眉豆、扁豆。
將所有材料放煲內,加適量清水,先用大火煲30分鐘,
轉慢火煲2.5小時,加鹽即可飲用。

粉葛湯有健脾補中,利水袪濕,消關節炎,解肌肉痛功能。

2011年6月16日 星期四

蒜泥白肉



食材:
三層肉一塊(150克)、蒜頭10顆、小黃瓜1條、銀芽50克

調味料:
醬油膏、烏醋、味醂。

做法:
1.五花肉去皮,肉塊對剖切半,滾水鍋中加入米酒,放入五花肉塊以小火燜煮泡熟。
2.調醬汁:醬油膏50克+水25克+味醂25克+蒜頭10顆(剁茸),再加少許醬油、紅油、烏醋和香油調味。
3.小黃瓜切絲泡冷水;銀芽汆燙泡冷水,瀝乾水分鋪於盤底。
4.煮好的五花肉切薄片排盤,將醬汁澆淋於上即可。

2011年6月15日 星期三

咖哩海鮮炒油麵

想吃咖哩,但得一個人,想到不如食炒麵,份量又唔大幾好。
我有d海鮮料,就用埋佢,如果唔係可以用其他配料都得架。

材料:
油麵300g、海鮮料適量、洋蔥1/4顆、蒜茸20g、辣椒2條切片、小白菜段30g調味料:印度咖哩粉2茶匙、水200cc、醬油2湯匙、糖1茶匙、米酒2湯匙、鹽1茶匙
做法:
1.洋蔥切成絲狀備用。
2.起鍋入油,下洋蔥絲炒至金黃色,下蒜茸炒香,下辣椒片拌炒,關火下咖哩粉炒香後,加入水開火煮滾,下糖、醬油、米酒煮滾。
3.原鑊下油麵、海鮮料、鹽加鍋蓋煮2分鐘,最後下小白菜段拌炒均勻即可。

2011年6月14日 星期二

雪耳花生眉豆木瓜湯


都唔知煲乜野湯好,摷左d雪耳,眉豆,
就咁樣決定煲左個雪耳花生眉豆木瓜湯立。

2011年6月12日 星期日

紅毛丹蝦球

 
記得考試前一晚,大小姐質問我,你到底重要温到幾時?
當時個心打左個突,可能尼輪温得太狼,無煮飯無打掃,冷落了她亦無點照顧她,本來想休息一吓,好啦!即刻開工,煮返d屋企野過佢食啦,其實早午晚三餐都食外面野,我都有點討厭。

材料:紅毛丹10粒,大蝦10個
醃蝦料:蛋白少許,粟粉1茶匙,鹽1/4茶匙
調味料:沙沙律醬4湯匙,鮮奶5湯匙,檸檬汁1湯匙、生粉1湯匙。

做法:
1.將調味料拌勻。
2.蝦洗淨後,切開背部,用抺手紙吸軟水分,加入醃蝦料醃10分鐘。
3.起油鍋,中高温油,下蝦泡40秒~1分鐘,盛起。
4.用一小湯鍋,加入4湯匙水及糖1大湯匙煮溶加入紅毛丹煮約3分鐘,取出紅毛丹,水不要。
5.將1.加熱,下4後熄火拌勻再加2拌勻即成。

呀!有點野唔明, 最近無乜蝦賣,有都好貴???

2011年6月10日 星期五

最近無乜世藝,講下食左乜.....

 
 







尼輪温書,小煮好多餐,食飯盒果d就唔介紹啦,而麥當當呀
大家X你地都知一定食唔小加啦,籍口今餐食好d,
平時無乜事幹無咁豪架。


買外賣真係無乜菜,所以自己加返碟青瓜,聊勝於無。
 
跟住第二日


尼間巨人薄餅店Pizza份量都唔錯


套餐120蚊有一個13吋批,3罐飲品,及1個小食,
小食加6蚊可以叫百里香燒豬排骨,尼個豬排骨大小姐食唔停口。

 
 
 
 
抵過必勝X,份量適中啦。
 
 
跟住!一般去邊度食?


尼間請大家有時間才好來,佢招呼好.........
 
 
 
差,但速度好...............
 
 
慢。


內裏裝修三十年不變,怕且聖誕節裝飾品都好耐無郁。






個包好得,可能自己做吧,係脆皮來。


本來無打算影架


不過隔進枱姐姐係度狂影


我又唔抵得,咪又影返D囉 (尼個傻婆好容易受人挑釁)。

 
 
  

尼度D咖啡......唔掂,凍嘅超甜,熱嘅超苦,又唔夠奶,鞋口..。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味