去濕冬瓜湯

個太陽咁曬，真係好容易中暑，冬瓜可以消暑，

又可以去下身水腫，加上袪濕料，用來煲湯就可以清熱消暑袪濕啦。

 

我特意找有蓮蓬嘅湯包，不過唔知點解影出來，樣衰到死。

材料：

冬瓜1斤，排骨1斤，蜜棗四粒，陳皮1個(浸軟去瓤)，袪濕湯料1包。

 

做法：

1.將排骨入一鍋滾水中，汆透血水，盛起沖洗乾淨。

2.冬瓜連皮切大舊；陳皮浸軟去瓤；袪濕湯料浸水半小時洗淨瀝乾。

3.將適量水放入煲煮滾，入唐排、蜜棗及陳皮，先以大火煮10分鐘，然後轉中火煲半小時。

4.當排骨煲至出味，加適量熱水，放入袪濕湯料及冬瓜煲1小時，然後加鹽調味即可。