2011年4月29日 星期五

涼拌三絲

 

材料:
豬頸肉150g、綠豆涼粉2片、青瓜1條、銀芽100g
調味料:
熱水3茶匙、腐乳2塊、芝麻醬1湯匙、麻油1茶匙、紅油1茶匙、味醂1茶匙、香醋1茶匙、醬油1湯匙。
作法:
1.青瓜去頭尾,切成細絲狀。
2.起一平底鍋,下豬頸肉乾煎至熟後,取出用紙巾吸乾油,先片成薄片,再逆紋切成絲狀備用。
3.取一碗,下芝麻醬、熱水拌開,再下其他調味料拌勻備用。
4.起一鍋滾水,下綠豆涼粉條汆燙至透明,再下銀芽一起汆燙,取出後放入冰水,冰鎮後撈出瀝乾水分。
6.取一碟,鋪上綠豆涼粉;再鋪上銀芽;將2、3及青瓜絲撈勻淋上銀芽面即成。


2011年4月27日 星期三

勝瓜咸蛋廋肉湯

買菜有時都有笑話,有個小販同顧客嘈,事源個客將4條斷開嘅勝瓜交比小販要求計價,但!個小販眼利見到有4件乾巴巴斷開嘅勝瓜頭係菜藍上,同個客嘈:你唔可以拗斷我d勝瓜,剩係要下邊個節。個客話竟理直氣壯話:我無!係上一個客做嘅,我只係好心見你d瓜比人拗斷晒,幫你要左佢乍。買餸有時真係有好多奇怪事發生。

天氣開始熱會另人懶無胃口,而且容易中暑,
來個勝瓜鹹蛋廋肉湯,可以清熱,配飯又可以作為一餐。

2011年4月25日 星期一

薯條炒雞柳

 
又係我薯條出埸,其實麥當當又加左價,九時以後,
價錢又會高D,而家消夜時間大多自己煮返。
 
 

材料:
薯條約120克,雞脾肉1件,洋蔥小許,
青、紅、黃甜椒少許,蒜茸1茶匙。
 
醃料:
水2湯匙,醬油1茶匙,全蛋液少許,生粉1大匙。
調味料:水5湯匙,蠔油1湯匙,鷹粟粉水1湯匙。
 
 
 
 
做法:
1.洋蔥切絲;青、紅、黃甜椒去籽,內膜,切成細條狀;
雞脾肉順紋切條加醃料拌勻。
2.起油鍋,把薯條炸至酥脆,撈起灑上黑胡椒及幼鹽放碟上。
3.同一油鍋熄火,放入雞脾肉,走油約1分鐘即盛起,倒起油。
4.同上鍋,下洋蔥炒軟,下蒜茸爆香,下青、紅、黃甜椒炒出香味,雞肉回鑊,下蠔油及水炒勻,再下粟米水埋芡,盛於薯條上即可。

2011年4月24日 星期日

鹹豬肉


 
材料:
五花肉1條,蒜茸2湯匙,薑茸2湯,黑胡椒粒1湯匙,
胡椒粉1茶匙,五香粉1茶匙。
 
調味:
鹽2茶匙,米酒2湯匙。
 
做法:
1.將蒜茸、薑茸、黑胡椒粒、胡椒粉、調味料拌勻,再下五香粉拌勻,放入五花肉抓勻。
2.將五花肉放在蒸碟上,入鑊蒸半小時。即可切件上碟。
用魚露或白醋和味醂作沾醬。

2011年4月22日 星期五

蕃茄

 
蕃茄有益,可以抗氧化利骨骼生長,最好每星期食3次,羅宋湯、蕃茄炒蛋之外,試過蕃茄蛋炒廋肉,蕃茄蛋豆腐,蕃茄炒牛肉,之後真係諗唔到。要強調一點,最近我家姐會每星期提供一些蛋,為左要消滅佢,所以好多時我會跟埋蕃茄配,請大家不要見怪。



 
 
諗唔到咁多,都係去借本烹飪書,咁可以參考吓人地,增進吓自己知識。
 
 
 
今次這個蕃茄蛋係用微波爐做,幾特別架。

材料都簡單


材料:
蛋3個、九層塔1碗、芝士粉20g、番茄4顆、橄欖油2大匙、
蒜茸1小匙、番茄醬2大匙、法國麵包2片(先烤過)。
 
 
調味料:海鹽、黑胡椒。
 
 
1. 將蒜茸、半碗九層塔、一半的芝士粉、番茄醬、橄欖油鋪底後,放入切碎的番茄,封上保鮮膜微波5分30秒。
 
 



取出的蕃茄,灑上海鹽、黑胡椒調味後打入3顆雞蛋,
再用筷子將蛋黃搓洞後,封上保鮮膜微波3分鐘。


取出蕃茄蛋,灑上切好的九層塔絲、芝士粉,再加海鹽、黑胡椒吊味。
裝飾盛盤,吃時佐法國麵包即可。

2011年4月21日 星期四

海鮮意粉


清雪櫃有d淡忌廉同埋芝士,個櫃又有意粉,
摷埋d海鮮料煮個白汁海鮮意粉咁就成為一餐,簡單快趣。

2011年4月19日 星期二

藍帶豬扖


藍帶豬扖

豬扖薄切夾埋芝士火腿,沾上蛋漿麵飽糠一齊炸,
切開睇住d芝士流出來,個樣好誘惑,唧d檸檬汁,又唔怕漏。

2011年4月18日 星期一

娘惹咖哩


材料:
雞脾2件,洋蔥1個,薯仔2個,上湯1碗,椰汁1盒。
 
調味:
糖1茶匙,紅尖椒2隻,香茅1支,乾蔥3個,南薑粉2茶匙,黃薑粉1湯匙,蒜頭3粒,咖哩粉2湯匙,濕咖哩醬3湯匙。
 

做法:
1.將洋蔥塊,薯仔角分別炒至金黃,盛起。
2原鑊用鑊把雞件煎至金黃色,盛起。
3.原鑊下尖椒,香芧,乾蔥,南薑粉,蒜茸炒香,加咖哩粉、咖哩醬炒勻至香。
4.將雞、薯仔回鑊,加入雞湯,下鹽、糖煮5分鐘,洋蔥回鑊,再加入椰汁拌勻,即可熄火上碟。

2011年4月16日 星期六

牛奶麵包(法式多士)

天氣開始熱,下午茶想食得簡單d。

尼個見人做,但想極都唔記得個名,真係大   ,
有d老人痴呆病徵添。

做法都唔難,法國麵包切片。

蛋加埋牛奶拌勻,放麵包入去吸收牛奶。

係隻易潔鑊到加入牛油

加入麵包煎到佢金黃色就得。

將砂糖5份同埋肉桂粉1份撈埋,咁就可以襯熱放麵包去沾。

沾好就可以上碟,好好味架,這個同小朋友一齊做,
小朋友就最快樂,又有滿足感架。

2011年4月15日 星期五

蘋果生魚湯

 
尼輪太多生果,d蘋果變粉左,唔想食,就想到用佢尼煲湯。
 
 

 
材料:
蘋果3-4個,生魚1條,廋肉半斤,果皮一塊,羅漢果半個,杞子2湯匙,南北杏1把。

 
做法:
1.蘋果切開四邊去核,用水浸住。
2.果皮浸至軟,去瓤。
3.生魚起鱗,去鰓及內贓,沖洗乾淨,抺乾,用滾水6一6去潺,放鑊煎一煎後放入魚袋。
4.廋肉洗淨汆燙一下。
5.羅漢果、南北杏,沖洗乾淨。
6.用鍋燒熱水,加入果皮,羅漢果,南北杏後,再燒至滚時
放入生魚,廋肉,蘋果,翻滚後改用中慢火煲約2個半小時加鹽調味即成。
 
蘋果能潤肺潤胃;南北杏能止咳平喘,潤腸通便;此湯清肺胃熱,又可以化痰止咳,適合燥熱咳嗽不止的小朋友飲用。

2011年4月13日 星期三

蘋果蝦球


材料:
大蝦仁(開背)半斤、蒜茸1茶匙、辣椒小許、芫茜碎少許、蘋果1個切丁、脆漿粉漿100g、米酒1茶匙、胡椒粉1小匙。
 
調味料:
糖1大匙、麥芽糖1大匙、米酒2茶匙、醬油2茶匙。
 
做法:
1.蝦開背加入米酒、胡椒粉抓勻,再加入粉漿拌勻。
2.起160度油鍋,放入蝦仁炸至金黃上色,撈起濾乾油備用。
3.取鍋,熱少許油,炒香蒜茸、辣椒茸後,加入水、糖1大匙、麥芽糖1大匙、醬油2茶匙、蘋果丁煮至收汁,再將蝦仁放入拌炒。
4.最後起鍋前放入芫茜碎均勻即可。

2011年4月12日 星期二

焗烤堙肉薯仔



好耐之前見到購物一佰元加258元可以有個微波爐換,貪心當然唔放過。


但原來屋企好小何會用到微波爐,有當然要好好利用一吓,
上網上見人做得幾好,又跟吓,效果唔錯喎。

 
材料:薯仔2個,煙肉3條,淡忌廉半杯,全脂牛奶半杯,芝士片3片,牛油、鹽、胡椒粉各少許。
做法:
1.薯仔去皮薄片,煙肉切碎。
2.將淡忌廉、牛奶、鹽調好。
3.將牛油搽係玻璃盤底,將1鋪底,煙肉碎放面,把2淋上面包上微波爐保鮮膜,入微波爐微波6分鐘後取出,放上芝士片,再放入微波爐中微波1分鐘,晒上芝士粉即成。
 
薯仔平時比較難熟透,用這個方法又唔使顧火,快趣搞掂,大家都可以試吓。

2011年4月10日 星期日

花旗參圓肉茶

 
大小姐做埋功課温埋書都夜,所以瞓得小,見佢爆晒暗瘡,
又唔夠瞓,所以泡杯蔘茶佢提吓神。
 
 
 
花旗蔘片、圓肉、杞子各少許,放入暖壺,
加入滾水泡約5分鐘,即可飲用。

2011年4月9日 星期六

辣子牛肉粒


 
 
材料:
牛排400克、青瓜250克、紅辣椒2條、蒜頭10粒、蔥2支、薑適量
調味料:
辣豆瓣醬、糖、米酒、醬油、麻油、白醋、生粉水

做法:
1.牛排整片放入鍋中蓋上鍋蓋將兩面煎香。
2.青瓜切粗粒;辣椒切丁;蒜頭切片;蔥切段,備用。
3.起鍋熱油爆香蔥、薑、蒜、辣椒,加入2湯匙辣豆瓣醬、2湯匙米酒、1/2茶匙糖、1湯匙醬油和少許水,再加青瓜拌炒。
4.煎好的牛排取出切粗粒,放進鍋內一起拌炒,以生粉水勾芡,起鍋之前加少許麻油和白醋吊味即可。

2011年4月7日 星期四

芝麻豆腐卜

 
 
材料:
硬豆腐2塊、蔥茸2湯匙、蒜茸1湯匙、炒香白芝麻3湯匙
調味料:
辣椒粉1茶匙、糖1/2茶匙、麻油1湯匙、醬油膏2湯匙、白醋1/4茶匙、七味粉適量。
做法:
1.豆腐切成3公分正方形、1.5公分厚片,備用。
2.取一鍋加油,下豆腐煎至金黃酥香撈起備用。
3.同鍋餘油,爆香蔥茸、蒜茸,再加入醬油高、水、辣椒粉、白芝麻燒煮均勻,
  下豆腐煨煮2分鐘,起鍋前,下麻油、白醋燒煮均勻,撒上白芝麻、蔥花即可。

韭菜魚滑炒蛋


韭菜可以做好多餸,簡單如韭菜炒芙蓉蛋。
今次加埋魚滑同蝦米又變成另一款式了。

2011年4月6日 星期三

熱拌豆腐卜

豆卜熱拌食過味。

材料:
豆卜半斤,豬肉碎約150克,薑泥1茶匙,蓮藕粉2大湯匙。
 
調味:
麻油2茶匙,辣油2茶匙,蒜茸1茶匙,辣椒茸1茶匙,蔥花1湯匙,芫茜 1湯匙,炒香白芝麻1茶匙,豉油2茶匙,糖2茶匙,白醋1茶匙,烏醋2茶匙,胡椒粉少許,米酒少許。
 
做法:
1.豆卜加入熱水,浸泡5分鍾後,揸乾水份。
2.將豬肉加入薑泥,胡椒粉,米酒拌勻攪至起筋,再下蓮藕粉拌勻。
3.將豆卜開個小泂,將2.塞進去,放入鍋內加入半杯水煮8分鍾至熟。
4.將調味料全部拌勻,將豆卜盛起碟上,淋上調味汁料即成。

2011年4月4日 星期一

豉椒排骨炒麵

買左幼麵,本來想做兩面黃,但大小姐唔鍾意,
係雪櫃找來排骨及甜椒,變左個豉椒排骨炒麵。

把幼麵用滾水碌至散,撈起瀝乾,開鑊中火炒麵,
用半煎炸方式,煎至兩面金黃上碟。
因為麵多油,所以個餸只用水煮,開大火燒熱鑊,下水、
豆豉、豆瓣醬、排骨、青紅黃甜椒、洋蔥、雞粉、生抽及糖,
煮至排骨熟,再用生粉水埋芡煮勻,淋上炒麵即成。

2011年4月3日 星期日

Gado Gado 加多 加多

記得這個沙律係好耐以前一位舊同事(印尼華僑)教我的。之後大小姐出世家裏先後來了兩位印尼姐姐主要負責照顧好大小姐,叫她們做這個沙律,她們一聽,不約而同第一句就是唔知係乜野來,唔識?吓唔識??



後來我才知她們甚麼都懂,甚麼都識,只是明白識得多,就要做得多,其中一位常常去超市買零食食,但當我叫她到樓下超市買油、米這些好重日用品,她竟然可以話唔識,重問乜野鋪頭來,真比她吹脹。後來諗到她真聰明,獨她一個人去買太辛苦了,兩個人起碼你都會拎d Y。
 


材料:蝦片4片,雞蛋3隻,薯仔1個,硬豆腐1磚,芽菜1斤,椰菜1個,青瓜1條,蕃茄2個。
1.豆腐切厚片入鑊煎至兩面金黃後上碟。
2.青瓜及蕃茄切片擺上碟。
3.先將雞蛋用水煲至全熟,去殼及切開上碟。
4.薯仔去皮切成一口大小放入滾水鍋中煮至熟;椰菜切小,連同芽菜放入滾水中汆燙至軟,薯仔、椰菜、芽菜即可鋪上青瓜及蕃茄面,再灑上乾蔥即成。


5. 蝦片放入中温油中炸至金黃色,瀝乾油即可食用。


6.加多醬有分辣同唔辣,只需要用大熱滾水開即成。


7.將全部材料拌勻即可食用。


小貼士
這個印尼沙律材料無一特別固定食材,可以加入更多蔬菜,而豆腐可以用豆卜代替,而做法一樣。椰菜好多時會用四季豆、通菜代替。唯一不變係蝦片,佢本來是主材料,但來到香港變得比較豐富,除蝦片外會額外用雞肉、牛肉或豬頸肉做主菜搭著食,而且可以配埋飯糰飽肚d。


尼個醬汁配串燒食品都得架。

陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...