一個人食晚餐，最好簡簡單單，把現成咖哩和一和就可以最好，想多些纖維所以加些南瓜，見昨天有用剩的雞肉丁，一齊煮埋，變得好豐富啊！！！ ^^
日式咖哩一向唔係好辣，小朋友都啱食，唔用雞肉配上任何肉類都很夾！
先把雞肉煎至表面金黃色，盛起備用
利用煎雞皮的油，把南瓜放入，煎一煎，加入少許水加蓋略燘一下
把咖哩醬、雞肉放入鍋燘煮至雞肉丁全熟即可上碟
2014年11月25日 星期二
2014年11月22日 星期六
櫻花蝦米糕
冬天最啱用臘味做糯米飯，但! 家裏有大小姐台湾某旅遊點帶回的樱花蝦，她曾放話，買左又吾用，下次我吾再買手信啦!!! 因此做了個台版的糯米飯，好好利用這些樱花蝦
材料：糯米3杯，乾冬菇4朵，五花肉约200克，樱花蝦100克，乾葱頭4粒
調味料：醬油1湯匙，胡椒粉、水適量，麻油少許
做法：
1. 糯米洗淨，浸半小時後，放飯煲用等量水煮熟成為糯米飯
2. 冬茹浸軟，切片；紅葱頭切絲；五花肉切碎
3. 燒熱鍋，放入五花肉爆炒出油，再放入红葱頭絲炒至香香，炒出更多豬油後，再加入冬菇片略炒後，再加入調味料熌煮—會，把汁略收乾
4. 用白鑊把樱花蝦炒至脹身金黃
5. 把3及4加入糯米飯中拌勻，即可
調味偏淡，大家要試味啊
2014年11月21日 星期五
大閘蟹
而家係大閘蟹季節，朋友仔生日想食大閘蟹，我地決定用大閘蟹為她慶生，大家想乾手淨腳又可以吹下水，就去酒樓食，今次去這間酒樓，係有朋友仔常幫襯飲早茶，價錢實惠又味美，—行7人，點了這個 金豬龍躉全包宴半席
清蒸大閘蟹 係額外點的，看來很飽滿，全部都是公，而且爆多膏的，呵～膽固醇萬歲
即燒原隻BB乳猪 - 燒得金黃焦脆，非常鬆化，還不漏
鮑魚黄金生菜盞 - 味道較淡再配上生菜，還有點糊糊的
醬皇碧綠花姿蚌仁- 炒得惹味爽口
當紅脆皮燒雞- 真是外脆内嫩，有很多肉汁，+分好吃
瑤柱扒瓜環—節瓜煮得未夠，很硬
花膠海皇燴燕窩— 湯底烹煮得真不錯，帶點自然的鮮甜，係找不到燕窩
重點來啦 清蒸沙巴海龍躉 很滑
雞湯益菌浸山藥— 而家興養生，山藥爽爽的不錯，吃點蔬菜，可以清下腸胃
懷舊籠仔臘味糯米飯— 外型吾錯，初時見無乜豉油色，想必吾夠味，好在臘味份量足，配上糯米飯夠合拍
懷樓位置略偏僻了-點，全廳没有全部坐满，我地被安排坐12人枱舒服得很^^，價錢又抵大家都讃好推介，並約定下次聚會再來，吃吃再聚
2014年11月19日 星期三
嚐馬來西亞—街頭盛宴
和腦友一齊係皇后大道西一家酒店嘅 "馬來一" 餐廳品嚐自助晚餐，今個月嘅17號~30號店家推出地道馬來西亞街頭食品，菜式無為迎合港人而作出太大改變，所以口味較重
炒蜆—炒得香、辣度剛好，吸引我食完又食，辣炒蝦—酥香惹味，羅惹—送飯食最好
炒蘿蔔糕— 簡單用芽菜、蛋去炒，因為夠鑊氣，所以好好食，翅豆—豐富纖維多食有益，炒麵—清爽不油膩，叁峇臭豆—有點硬但唔係好臭
.
Gado Gado—最喜歡她伴食的蝦片，海南雞 —連雞胸肉都做到皮爽肉滑，檳城蝦麵—蝦夠爽，炒得很出色，辣阿薩姆黃貂魚—比較辣
咖哩雞—雞夠入味，配飯一流
巴東牛肉—大件又夠冧夠入味質素唔錯，但！辣小小
酥餅—師傅現場手制，非常酥脆
肉骨茶單飲較甜，加埋辣椒、黑豉油同蒜泥味道即刻up up up
雞肉、牛肉沙爹串燒—沙爹汁用上大量花生及椰汁夠香濃大家也喜歡，配埋白色果舊棵粉，好飽肚有充實感
亞參叻沙—湯底用上馬鮫魚熬制，加上亞參醬略帶酸味的濃湯確很開胃
椰青果凍，榴蓮布甸，玫瑰啫哩，咖啡果凍，榴蓮泡芙，椰絲班戟，椰糖西米，各種甜品都做得非常出色，最重要唔漏！
這晚我們選出全場最好味食品，一食再食，滑嫩唔肥海南雞，檳城怡保有機豆芽菜，惹味乾炒蜆，清爽炒貴刁
場內有D24榴蓮做的雪糕，我當然要食番碗啦
黑糯米龍眼肉糖水，優點是微甜，讚！！！
由大師傅親手拉嘅 " 拉茶 " 泡泡濃蜜，滑滑的很香甜！
訂閱：
文章 (Atom)
