2013年5月31日 星期五

菠蘿B






又講酵素,唔知大家有無浸黎飲,我今次係菠蘿!

菠蘿係咁多生果中,酵素數1數2強的,今次我唔用檸檬了,需然去左核 但!檸檬皮白色部份始終有點澀味,單菠蘿的話非常香甜

家裏同時有十全B同埋迷你B,因為十全B功能全面D,而家每日都會細味品嚐,夢想一天變得年青,所以會Keep住飲。














靜止時間長,以為無乜泡泡,但倒入另一個樽時,D泡泡多到滿瀉,果刻真係好刺激

好多人浸B,見佢無動靜無泡泡,怕已經失敗,其實又唔需要擔心,唔成功咪當果汁咁飲囉,再唔係當環保清潔劑囉

但不要忘記夠日子的話,要把果肉同汁分開,因為水果發酵過度會酸敗,會有臭酸架!





大家都好好奇酵素功效,現詳列各類水果酵素的功效如下:
菠蘿酵素:消腫怯溼,幫助消化,舒緩喉痛。
紅菜頭酵素:益氣益肝,抗癌,抗氧化,消脂廋身,補腦。
西柚酵素:降低膽固醇,預防感冒及牙齦出血。
哈密瓜酵素:消暑解燥,生津止渴。
西瓜酵素:消暑利尿,降血壓。
芹菜酵素:補充體力,舒緩焦慮、壓力。
香蕉酵素:提高精力,強健肌肉,滋潤肺腸,血脈暢通。
蕃茄酵素:美白,抗癌,對抗自由基,強化白血球免疫系統的防護功能。
葡萄酵素:調節心跳,補血安神,加強腎、肝功能,幫助消化。
奇異果酵素:含豐富維他命C,清熱生津,止吐瀉。
紅蘿蔔酵素:刺激膽汁分泌,中和膽固醇,增加腸壁彈性,安撫神經。
檸檬酵素:含豐富維他命C,止咳化痰,有助排除體內毒素。
橙酵素:滋潤健胃,強化血管,預防心臟病、中風、傷風、感冒和淤傷。
士多啤梨酵素:利尿止瀉,強健神經,補充血液。
梨子酵素:維持心臟,血管正常運作,去除體內毒素。
蘋果酵素:調理腸胃,促進腎機能,預防高血壓
芒果酵素:幫助消化,防止暈船嘔吐喉嚨疼。
椰子酵素:預防心臟病,關節炎和癌症,強健肌膚,滋潤止咳。

2013年5月30日 星期四

蕃石榴肉丸


 
材料:
豬肉碎半斤,番石榴1個,紅甜椒半個、新鮮菠蘿2片,蒜茸半茶匙,
調味料:
辣豆板醬1湯匙,鹽1/4茶匙,糖1/4茶匙,上湯適量。
做法:
1.豬肉碎用刀刴至蓉,加入鹽半茶匙,豉油1湯匙,糖少許,生粉3湯匙,水約半碗(分段放入)拌勻,打至起膠,放入鍋炸成太丸。
2.新鮮菠蘿酸度夠,先放入白鑊中烘乾水份變甜;紅甜椒、番石榴切件。
3.燒熱鑊,加入油,蒜茸及調味料後,用生粉水埋芡,加入1肉丸拌勻,熄火加入2生果拌勻,即可上碟。

2013年5月29日 星期三

薑汁撞鮮奶

去順德旅行,一定會吃返兩碗薑汁撞奶,係香港想食薑汁撞奶,只好胆粗粗自己整,結果....一碗得得地,一碗重差D。



材料:
高鈣低脂屋仔奶一盒,白砂糖一湯匙,薑汁一湯匙。

製法:
1. 薑汁先放入四小碗內,鮮奶及糖放入煲內慢慢搞動,將滾時即熄火。
2. 然後把熱奶倒入另一個容器內,再將熱奶倒回熱煲內,如此重複數次後,將熱奶撞入薑汁碗內,不可搞動及不可移動,等待三分鐘後熱奶便凝固即可享用。





因為撞得唔好無再整,免得再浪費無整,咁啱!中心有位義工教整薑汁撞奶,先知連沖奶個手勢都好重要。

 





今次係唔係無甩拖尼

2013年5月28日 星期二

炒芹菜


材料:芹菜400g、薑絲30g

調味料:
1/2小匙、米酒1大匙、胡椒粉1小匙

做法:
1.
芹菜刨去表層粗絲,再切成粗條狀備用。
2.
取一鍋滾水,下芹菜燙熟至顏色變透明,撈出瀝乾備用。
3.
起鍋入油,下薑炒香,再倒入2、調味料、水拌炒至入味即可。




2013年5月26日 星期日

粟米紅蘿蔔湯




材料:
淮山4片,芡實少許,蜜棗2粒,無花果2粒,栗米3條,紅蘿蔔2條,排骨1斤
做法:
1.排骨出水,洗淨;粟米洗淨,斬件,鬚留起;紅蘿蔔去皮,切滾刀塊;淮山、芡實洗淨用水略浸。
2.水鍋,加入所有材料,水滾後,大火煲15分鐘後,轉中小火煲2小時即成。




2013年5月25日 星期六

日式涼拌豬排


炸豬排1塊,椰菜50克,紅甜椒20克,蔥5克,白芝麻半茶題,日式醬油1湯匙,檸檬汁1/4茶匙,細砂糖半茶匙

做法:
1.豬扖切小塊
2.紅甜椒淨去籽,切條;蔥洗淨切成蔥花
3.調味料拌勻
4.椰菜洗淨切絲,瀝乾水份後盛盤,擺上醬汁後撒上熟白芝麻和蔥花拌勻即成。

2013年5月24日 星期五

豆卜蒸排骨




大少唔知係好鍾意食蒸排骨,定只係識蒸排骨,但!佢整得好鞋,唔想佢晒左D買餸錢,所以最近開始多做這個餸,其實都好簡單,豉油、糖、生粉就攪掂。蒸排骨有好多汁汁,唔好浪費,加埋豆卜索晒D汁,正

2013年5月22日 星期三

涼拌皮蛋豆腐

天氣一黎鬼咁熱,真係唔得,唔想煮就咁食算啦!



材料:
盒裝豆腐1盒,皮蛋1隻,芫茜棵,蔥1棵,指天椒1隻,芝麻少許

調味料:
蒜茸1茶匙,芝麻醬2湯匙,浙醋1湯匙,豉油1茶匙,糖1茶匙,清水2茶匙,麻油、辣油各適量

做法:
把豆腐放碟上,皮蛋切一切放碟上,淋上調味料,灑上芫茜、蔥、指天椒、芝麻即成。

2013年5月20日 星期一

勝瓜咸蛋廋肉湯


夏天最好去滾~  ~



滾d湯水飲吓



廋肉切片,加入鹽、糖、生粉、胡椒粉、水拌勻。
勝瓜刨去硬邊,切滾刀塊, 湯鍋加水燒至滾加入薑及勝瓜煮至軟,咸蛋黃切開,放入湯中略滾後,加入廋肉煮至熟,最後加入蛋白後熄火,待蛋白成蛋花即成。


紫菜薯仔蕃薯沙律



吸引小朋友食菜真係好有難度,不過炸物小朋友最喜歡


材料:
大紫菜2張、薯仔1個、蕃薯1個、雞蛋2顆、沙律醬3大湯匙、芝士4片、麵糊3湯匙。
調味料:
脆漿粉3大湯匙、綠菜粉1湯匙、水少許。
做法:
1. 薯仔、蕃薯切片蒸熱,搓成泥;紫菜切成長方形;水煮蛋切碎。
2. 大碗內,下雞蛋碎,薯仔、蕃薯泥,芝士片碎,沙律醬拌勻成餡。
3. 在碗內下脆漿粉、水、綠茶粉拌勻備用。
4. 在紫菜片內加入2,再對摺將邊緣折起,折起處塗抺麵糊,成四角片狀。
5. 將做4沾勻3,放下油鍋炸至表面金黃,撈出瀝乾盛盤。






2013年5月19日 星期日

聚餐

有人係會展有聚餐,為食嘅我有得跟,點會蝕底架
有波士頓龍蝦、黑松露磨菇湯、和牛鵝肝同X魚,重有甜品喎 好味 好味!唯一唔好係 差小小先飽




 


蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味