2012年12月30日 星期日

豉椒炒聖子



紫雲貝—即係聖子,買d返黎試吓,去左殼、食用上都好方便。






聖子先解凍,汆燙熱水就起鑊;爆香蒜頭、豆豉、薑絲和蔥段,加入青紅黃椒後,聖子回鑊、蠔油2湯匙,糖、鹽、胡椒粉適量,用少許生粉水埋芡即成。


2012年12月28日 星期五

花膠湯


 




天氣乾燥,用d木瓜螺,淮山,花膠、杞子、圓肉、豬肉煲出黎嘅湯特別潤。

花膠先用薑蔥出水,豬肉用滾水汆燙過,將所有材料放入有鍋中,加入大量清水,用大火煲15分鐘,再轉中小火煲2個半小時即可。


2012年12月26日 星期三

味噌豬肉




材料:柳梅1條約350g、生菜半個、磨碎的黑芝麻、蒜泥1小匙。
調味料:鹽、胡椒、砂糖1茶匙、米酒2湯匙、麻油1茶匙、辣豆瓣醬1茶匙、日式胡麻醬2湯匙、味噌2湯匙、沙律醬2湯匙(有糖無糖皆可)
做法:
1.將蒜泥、味噌、砂糖、米酒、麻油、辣豆瓣醬調勻後,放入柳梅沾裹均勻醃30分鐘。


2. 將柳梅肉放入鑊開大火後,轉中小火用燜方式(或焗爐)加蓋煮20分鐘。

3. 20分鐘後可以切開,未夠熟可以加蓋煮多5分鐘即可。
4.生菜、磨碎的黑白芝麻、鹽、胡椒、胡麻醬、沙律醬、少許水、少鹽、胡椒混合作成沙律,鋪在碟上,再把柳梅切片鋪上,再把煮柳梅剩下汁料淋上即成。

我的酵素B 下集





講返我個綜合酵素B,因為有十種生果,而每種生果發酵期都唔同,所以要用較多時間去輪流發酵。


因為功效多,我嘅同事嬉稱它的新名字為十全大補B


過左16日,我有老花就咁睇佢,以為佢靜止左,烏埋去細心睇,先見到佢重有好多細小泡泡,好似係遊樂場咁跑黎跑去^_^






等到酵素B 臨盆啦,睇佢個樣好似好乖好靜,起左出黎,飲用下d味道,甜甜地、有發酵過酒味,但!個色我唔係好鍾意,唔夠紫紅  下次放多一個紅菜頭,等佢個色靚d先得。
至於成品,大約有3公升到啦,但送左D比亞媽,又送左D比家姐,自得番1公升唔到,哎唷,C啦,好快1個星期又飲晒,又要等多3星期啦先有啦,下次要浸多D先得。










講吓剩左D渣渣,因為同一時間有大量渣渣,掉左會好浪費,而且佢地都重好有益,又因為家裏頭空間有限,不想再次使用制作環保酵素。
完整嘅會留番黎做菌種或者係拎去晒兩日太陽當零食黎食,用玻璃樽裝起放雪櫃,保存期有幾個月架。
咁有D爛爛嘅會即時放入水度,用作浸洗生果、蔬菜,以去除農藥,之後,重會倒入馬桶浸洗,作消毒清洗用   而效果你會意想不到,正到暈架







緊接著又浸多樽,
之前浸果個大樽重有好多空間,咁今次就打算不要浪費,放多d生果,想話會多d原汁可以夠飲用,點知太滿啦,搞到要塞落去先掂,下次唔好咁貪心囉

今次好快,第二日己經有大量泡泡啦,好澎湃真係嚇c我呀,初初係用保鮮紙,最係用膠袋,希望搞得掂啦



我家大家姐佢係養蜂人,佢係大陸屋企個自家天台養了一些蜜蜂,之前飲過大全大補B,覺得好,佢即提供蜂蜜要我浸多D,hahaha~  有人欣賞係好,但供貨有限,所以好大壓力
 














 
 


各類水果酵素的功效如下,
菠蘿酵素:消腫怯溼,幫助消化,舒緩喉痛。
紅菜頭酵素:益氣益肝,抗癌,抗氧化,消脂廋身,補腦。
西柚酵素:降低膽固醇,預防感冒及牙齦出血。
哈密瓜酵素:消暑解燥,生津止渴。
西瓜酵素:消暑利尿,降血壓。
芹菜酵素:補充體力,舒緩焦慮、壓力。
香蕉酵素:提高精力,強健肌肉,滋潤肺腸,血脈暢通。
蕃茄酵素:美白,抗癌,對抗自由基,強化白血球免疫系統的防護功能。
葡萄酵素:調節心跳,補血安神,加強腎、肝功能,幫助消化。
奇異果酵素:含豐富維他命C,清熱生津,止吐瀉。
紅蘿蔔酵素:刺激膽汁分泌,中和膽固醇,增加腸壁彈性,安撫神經。
檸檬酵素:含豐富維他命C,止咳化痰,有助排除體內毒素。
橙酵素:滋潤健胃,強化血管,預防心臟病、中風、傷風、感冒和淤傷。
士多啤梨酵素:利尿止瀉,強健神經,補充血液。
梨子酵素:維持心臟,血管正常運作,去除體內毒素。
蘋果酵素:調理腸胃,促進腎機能,預防高血壓
芒果酵素:幫助消化,防止暈船嘔吐喉嚨疼。
椰子酵素:預防心臟病,關節炎和癌症,強健肌膚,滋潤止咳。

2012年12月24日 星期一

雪菜肉絲炒年糕

 
材料:
豬肉100克、雪菜100克、蔥1根、薑1塊、蒜仁2顆、辣椒1支、年糕250克
 
調味料:
糖、魚露、麻油
 
做法:
1.雪菜泡水去鹹後,取出瀝乾水份切碎、辣椒切碎、蔥切小段、蒜拍碎切茸、薑切絲、豬肉絲切細條(加入胡椒粉、糖、生粉水略醃),備用。
2.燒熱水鍋,將年糕煮至軟後,撈起瀝乾備用。
3.起鍋,將豬肉絲煸香出油後,放入辣椒碎、蔥段、蒜茸、薑絲炒香,再倒入200c.c.水和年糕加蓋煨煮入味。
4.同上鍋,接著調入少許糖、魚露、麻油拌煮收汁,炒勻即可。




2012年12月22日 星期六

火鍋底—三文魚頭鍋



 
材料:
三文魚頭1(600g)、無糖豆漿200cc、枝竹2枝、薑片10片、娃娃菜2顆、芫茜顆。
 
 
調味料:
麻油1湯匙、鹽1匙、辣油3大匙
 
 

做法:
1.娃娃
菜切開,放入鍋底備用;枝竹切成條狀備用。
2.三文
魚頭去鰓洗淨,斬成小塊狀備用。
3.燒熱
鍋入麻油,下薑片爆香,加入三文魚頭煎香,下枝條炒勻,倒入水(約食材9分滿)煮滾備用。
4.在
1鍋底,放入做法3,蓋上蓋子煨煮5分鐘。
5.

承上,開蓋轉小火,下鹽調味,倒入豆漿煮勻,撒上芫茜,淋上辣油即可。

豆漿美容,食完白白滑滑,超正


2012年12月21日 星期五

薑餅人


好快又到聖誕節啦,做D好睇薑餅人應吓節先。




he he 原來唧花係好難一件事,糖霜嘅控制真係有排學











2012年12月19日 星期三

芋頭西米露




芋頭尼個時候最啱食,唔使煲好耐己經起晒粉,糯糯的,好味。







材料:
芋頭半個,西米4兩,冰糖適量。

做法:
1. 西米放入滾水中煲15分鍾,焗30分鐘即成,隔乾水。
2. 芋頭去皮切粒,放滾水中煮15分鐘,加入1再加入冰糖即成。



吃時加入花奶及椰汁,這樣更香滑、更甜。

2012年12月17日 星期一

銅鑼灣 漢和Blog聚

Double 媽返左黎香港,咁就借個機會約埋Blog仔一齊食返餐,係銅鑼灣食韓國燒烤,好耐無出省城,嘩!人多車多,D人行得好似打衝鋒咁,驚驚

今次聚會有金魚、Double Ma 、我、Connie,好高興認識到雀后同埋靚婆婆。

漢和唔係好多款式,不過量同味道都唔錯,返到屋企個口都唔覺得乾,即係無乜味精啦,三文魚不停咁供應,重有免費換鐵板,都只係收我地168/位,需然食兩個鍾,都好飽好滿意,要多謝金魚不停咁拎野D生、熟食物比我地,Double Ma 、 靚婆婆、雀后不停咁燒埋比我地食,雀后重教我韓國人用生菜包住D肉,加埋麵豉醬黎食,減低油膩感又開胃。

最後食埋糖水、豆腐花、生果結尾,餐廳有雪糕供應,太飽啦食唔落。

我地食 食 食~ 笑 笑 笑~ 咁又一晚。

同場加映7~11最新開心公仔,一落地鐵見到好多公仔真係好吸引。











IMG_6524















IMG_6530











 

 




 

陳皮絲蒸鮑魚

  材料: 鮑魚10隻,薑絲2湯匙,蔥2棵,陳皮1個 調味料: 醬油2湯匙,糖少許,滾水2湯匙,胡椒粉少許 做法: 1. 陳皮浸軟把瓤刮淨再切絲;蔥切絲 2. 鮑魚用刷刷洗乾淨,用湯匙刮出來(可以燙一下滾水即可把用取出) 把內臟撕去,界花鋪在碟上 3. 把陳皮鋪在鮑魚上,放入滾鍋...