過爈性病毒

尼一輪天氣好適合過濾性病毒生長，

一開始係大少咳，叫佢睇醫生，佢竟然用美國式自然療法，

真係比佢吹脹！對佢我避而遠之，但！

大小姐中左招，見佢狀態已經燒到爆燈，竟然重要用逼，

佢先睇醫生，食藥又有古怪理論，真係激死人。

好小醫生比d藥七彩嘅，但！有隻藥據我所知醫生為防止氣管敏感，

竟然開左預防哮喘

而家病菌咁惡，睇一次醫生邊度得吖，尼次d藥正常好多，

之前抗生素藥食3日點會完成到個療程架，今次再配抗生素，尼度6隻藥3隻

講明超級極度眼瞓死味，大小姐重話要考試，睇你點温書。

 

記得今年過年前全家病左一次好快好，剛好過新年時又全家病一次足足個半月先好番，今次佢倆父女又病左成2個星期，短時間內三次嘅感冒菌都唔同，睇來病毒係社區爆發左。點解衛生防護中心無出聲？？又無發指引。而家d流行性感冒菌變種得好利害，洗牌能力又高左，傳染性又強，大家真係要睇實d小朋友同老人家，一個唔小心由感冒得到肺炎就唔掂。

唔係吃粥，就係吃通粉，陪佢地都陪到悶悶地。

我尼輪温書已經好倦，噢！由得佢倆個咁食，偷偷地吃餐好嘅先得。

餐廳食，發覺經濟唔係咁好，無乜人嘅。

價錢都唔平架。

半隻春雞食晒，好滿足。

其實係倆個病人身邊，都唔小心飲食好易中招架。