杜仲湯

話說杜仲湯好苦我好怕，但有益無計，難飲都會飲，飲得最多係拕住個囡六個月開始腰骨痛坐唔得耐，個個星期落亞媽度食飯，飲尼個湯，又幾得喎，捱到生都係靠佢乍。
上面有兩種係一路來我都咁煲嘅方法。但！今次係書到見到尼個台式做法好似好d無咁苦，而且有當歸重甜甜地，今天開始唔使求大少幫手飲咁d囉，好野。

材料：排骨1斤，牛蒡半條，參鬚適量，當歸2片，杜仲1片，圓肉2大湯匙，淮山4大片，杞子2湯匙，米酒1/4杯。

做法：

1.排骨放入滾水中汆燙，撈起沖洗淨。

2.牛蒡削皮後切成薄片；杜仲用鹽水洗淨。

3.煲內加入適量水、排骨、牛蒡、參鬚、當歸、杜仲，淮山煲半小時後加入圓肉、杞子及米酒，再煲20分鐘，加入鹽即成。

台式煲湯時間比較短，又會加入米酒，大家可跟自己口味再調節。