潮式酥皮月餅

無想過會做月餅工場，但係做開繼續做。

今次試吓做潮式月餅，但我喜歡做多過食。

一開始怕做太多吃唔晒，所以只做小許，

後來又有人承受晒，我樂得乾手淨腳，全部送別人。

加上我手工都係麻麻地。

其實做酥皮真是各施各法，這種雙色，我手上都有兩種唔同操作方式，

我選這個方法，誰知得到很大迴響，因我一個都無留底全送給別人，

所以無試到味，但個個都話好食，只好有時間再開爐做多次，可以試食一吓。

 

 

 

油皮：
中筋麵粉500克、酥油180克、水1杯、食用色素1/4茶匙

油酥：
低筋麵粉320克、酥油180克

餡料：
鹹蛋黃24個、蓮蓉1200克

做法：
1) 做皮：把材料和勻，揉成均勻而柔軟的有色麵糰，分切成24塊。
2) 油酥的材料和勻，壓塑成扁方塊，也分切成24塊。
3) 一塊油皮包一塊油酥，接口朝上壓扁，擀長、捲成卷子，換方向再重覆一次（擀長、捲成卷子）。
4) 做餡：鹹蛋黃放焗爐中，以中火烘烤約5分鐘，可以去腥並增加香味。烤好再一切為二。
5) 蓮蓉分成48塊，每塊包入半個蛋黃，揉圓。
6) 完成：把做好的皮（卷子）橫切成兩半，切口朝上壓扁，擀成圓片，中間厚邊緣薄。
7) 一張皮包一個餡（皮上有花紋的那面要包在表面）。排在墊了牛油紙的焗盤上，每個之間要有適當間隔，太靠近者焗不酥脆。
8) 焗爐預熱至180℃，把酥餅放在中層，烤約25分鐘即可。勿烤到上色而破壞表面有色螺旋紋路。（大型烤箱上火180℃，下火190℃）
註：
喜歡吃鹹蛋黃的話，也可以包入一整個。
這個餅正確應該用芋頭蒸熟做成芋頭餡包鹹蛋黃的，也可以用不同的餡配合不同香料，做出其它顏色的酥餅，好像我今次是用翡翠蓮蓉餡配綠茶粉，白蓮蓉包鹹蛋黃配紫色素，豆沙餡配士多啤梨味色素。
今次我採用嘅係酥油，每間烘焙店買東西我諗名稱唔同，原本係要用白油但老板話無尼樣野，無聽過？介紹我用酥油，又話好好用唔易爆酥？但我操作時就中計，因為佢溶點高而一度死晒火。所以如果你要買牛油又好、白油或酥油甚麼的一定要用流質嘅油，最多每個過程入一入雪櫃。

以上所講製作方法，我寫都有點頭暈，多謝你地有耐性睇。