粟米草菇豆腐羹

早排天氣熱煮餸非常簡單，有時煮左都唔想食，所以有一餐無一餐。

懶左好多日，今日開始正經煮飯餐，但都選擇簡單些，

而且來來去去都係重覆果d，有心機時再抄吓人家正餸。

粟米草菇豆腐羹

材料：新鮮粟米1條，草菇1罐，滑豆腐1磚，薑片2片、上湯1盒，水2杯。

調味：馬蹄粉3湯匙、水6湯匙、胡椒粉適量

1.粟米折粒，草菇切半，豆腐切粒備用。

2.將上湯及水放入煲內煮至滾，加入粟米粒、薑片、草菇滾15分鐘。

3.加入豆腐再滾起，再加馬蹄粉水埋薄芡後，加入胡椒粉即可。