我的酵素B 上集

有日，返工同事比一份資料我，係關於酵素的。之前！網上好多Blog友係度瘋傳，已經引起我注意及心動，那時心大心細，怕失敗，怕味道不適合我(實在有太多疑問)，同事保証一定成功，加上她剛巧有收成，可以送我一份菌種，就這樣！家裏頭添置了一個好大好大的樽，因為學做的是綜合口味的酵素，真係一係唔做，一做嚇C自己，本想做單一口味先，無耐跟果個師傅係做大制作。

幫助發酵材料好簡單，黃糖、黑糖、蜜糖其三份。




原來要買齊10種生果係好大壓力架

基本係一個蘋果、一個蕃茄、一個鴨梨、半個菠蘿、一個火龍果、二個紅菜頭、半個木瓜、一個蕃石榴、二個奇異果、廿粒提子對三份糖。
若果有興趣可以加入牛油果、藍梅、蜜瓜、鮮淮山都得，但！記得增加糖的份量，以1000克生果:600克糖計算。







重有蕃石榴、奇異果同埋提子無影相。

安置左佢咁就乜都唔使做，靜待酵素B出世啦





但我耐唔耐都會偷看它 經過廿四小時之後，糖都溶左好多，但！見佢有小小毛，忍唔住打開個蓋睇





從高空衛星雲圖黎睇，又唔係好似發毛，只好繼續留意監視


其實都唔擔心，白色姐，又唔係綠色同黑色就無問題la。




第5日，有好多泡泡la。咁可以安心等酵素B出世啦。