中山一日遊

昨天參加一天購物團，氣温有成35度人都有點燥，團中亦有喜愛攪事的人，對座位安排不滿意跟導遊嘈，不單即時打電話投訴重用手機拍下導遊，全程不停把其他團友樣貌也拍下，還一邊拍一邊做旁白不單講粗口、重有難聽如妓女、動物...形容詞，被拍團友知道當然火大質問用意，她的朋友很高興在旁拍團友惡言相向片子並掦言放上網公審，又會有這種點子樂趣的人

集合時間是8點半，我7點就出門，關口很多人，不單人多又塞車，等到上車出發却要10點

上到中山坦洲已經是下午1點半，午餐在這裏四樓餐廳食自助餐 

 這裏地方都很大，有400多款美食供應而且啤酒汽水任飲

 最受歡迎燒生蠔，排晒隊每人每次2隻

有湯有糖水，聽講涼拌魚皮是這裏出名的菜式

 
它有韓式燒烤及火鍋任選，我地係火鍋

 醬料都有很多，重教埋你點調是最好味

羊肉、豬肉、牛肉切好晒一份份任你拎

蜆、青口、蝦、聖子需然細細隻放係魚池任你匹諗法幾好，D小朋友匹得好開心

當然蔬菜、丸類、菇類唔小得

內臟都有好多種

熟食，炸物，蒸籠點心，魚生，冷盤，水菓，甜品樣樣有

多部飲料機提供汽水、菓汁、咖啡、豆漿之外重有紅酒、雞尾酒供選擇

 吃完飯！到第一個上課地點 " 同仁堂 " 不過是南京同仁堂，店家話跟北京同仁堂時一樣的，he he~ ~ 我問過中醫師，南京會在盒上寫有 " 局方" 而北京會在盒上寫有 " 御方 " 所以大家知點分

在藥店門口有菠蘿賣，4元半個，太多人我迫唔入，後面還有個小販賣，却是4元1個

去另外一間店上堂，第一時間用港幣30元品嘗1碗蘆薈先

因為坐的旅遊巴壞左，以致取消左去絲綢館行程，但因為早上塞車的關係，我地回到西部通道時都快10點了

參加這個團，每個人都可以拎一個喼走，是不是很著數~ ~

燒鵝是用荔枝柴自家制，當年黃麗梅都有採訪過，半邉賣80元人仔

千層豆乾拌青瓜

夏天到不想在廚方待太久，弄的餸都半成品加工或最簡單的

材料：

青瓜半條，千層豆乾1件

調味料：

辣椒1隻，醬油1湯匙，鹽半茶匙，麻油1大湯匙

做法：

辣椒切圈；青瓜切絲；千層豆乾捲起切成細絲後放入滾水中汆燙約2分鐘即隔水取出，拌上調味料即可

華星冰室

朋友仔約係這間在好出名明星開的茶餐廳食野，店內以黑白馬賽克磚裝修，店面很清潔乾淨，食品都做得很用心

見到個杯已經透心涼，凍檸茶唔錯，啱我口味夠淡

我係度先講，口味問題人人唔同，這裏標榜 ' 用心做好炒蛋、奶茶 ' 我就應景叫左杯奶茶，茶味啖、奶多不說，茶出到黎温温的不熱另我好失望

網上很多評論讚菜單簡而清不用太花時間選擇食物，我却不喜歡它沒有得選擇，而且連點兩樣都話 " 咁啱今日無麵包，所以做唔到 " 或 " 咁啱賣晒 " 車！真係咁啱，睇黎D普通茶餐廳啱我D

腐乳燜雞翼

腐乳鹹鮮煮雞翼惹味，又好送飯當然不可錯過啦

材料：

雞翼1磅，薑8片，腐乳4件

醃料：

雞粉1茶匙，麻油少許，胡椒粉少許，紹興酒1茶匙

做法：

1. 雞翼洗淨，加入醃料醃2個小時

2. 燒熱鍋，下油把薑片爆至香後下雞翼每邊煎2分鐘後，再下弄碎腐乳爆香，加入水半碗轉中小火燜煮約8分鐘即可上碟

雞翼已醃過，而腐乳味重，所以水份不要收得太乾以免過鹹