2010年9月5日 星期日

京醬肉絲、西芹炒魚片



京醬肉絲
材料簡單廋肉約半斤 、雞蛋1顆、蒜茸1茶匙、生菜適量。
1. 先將生菜切絲,泡入冰水抓勻,撈起瀝乾放碟底。
2. 醃肉:廋肉切條,加入水2茶匙、甜麵醬1茶匙、全蛋液1/5量、生抽1茶匙、粟粉1茶匙及2大匙油,混合醃拌均勻,備用。
3. 取一平底鍋,將醃肉下鍋過油約20秒後撈起備用。
4. 醬汁:甜麵醬1大湯匙 + 水2大匙 + 生抽1/2匙 + 糖1大匙
5. 同鍋餘油,放入醬汁炒香後,加入醃肉一起翻拌均勻,起鍋前放入蒜茸,最後將炒料放在生菜絲上即完成。

西芹炒魚片

2010年9月4日 星期六

台北—瑞芳—九份

九份一個古老的山城,四季變化不同的海景和山景。

上到九份大大個太陽照住,遠至對面基竉都見到,
對九份來講難得好天氣,但又真係好熱。

如果由瑞芳火車站前,搭乘825至舊站即可到達九份   

過對面7仔就是九份入口。

這毎入口又好傳統。



今日唔係假期時間係早上九點,但,都有好多游人。



人車爭走。

街道又要行人又要行車都幾擠湧。

奇幼山城,真係好有拍劇感覺。
九份所興建房屋因順應山勢,加上狹窄的街道和陡直的石級,
高高低彽,彎彎曲曲,感覺像是走在人家屋頂上。

昇平戲院,沿途都唔會肚餓,實在太多食店。

這位姐姐好好人架,她會借大雞脾菇給你手捧住拍照架,
而且她的廣東話一流,她是從KTV學回來。


2010年9月3日 星期五

大樹菠蘿炒廋肉絲

買牛肉送大樹菠蘿?
早幾日去買牛肉,老板娘突然由枱底抬左個大樹菠蘿出尼,
嚇我一跳,老板見我眼望望,知我為食,所以送左一d比我。

今次第一次自己拆肉出來,覺得平時包好一份份只賣30蚊,
有D抵,原來拆肉這個工夫都幾煩。

用左一大部份出來加埋廋肉絲做餸味道都ok (自己讚自己)。

2010年9月2日 星期四

台北—金湧泉温泉會館


金山萬里地區
 

金湧泉温泉會館位於台北縣萬里鄉大鵬村萬里加投

遊客中心



會館地方其實都有限,但
將一D行車及行人通道都利用裝飾好,比人一種舒適感覺。



我們住宿在一樓,一般住宿位置都安排在一樓,
而地下可以安放椅子及遊樂設施。

 

因為屬於城郊,夜左街上無特別娛樂,
所以會照顧一吓同行小朋友,安排一些設施比大、小朋友玩。

由樓梯上就是房間。

房間並不太大,但設施就齊全。




温泉提供儲物櫃但需收費NT$20,會館免費提供毛巾,
而温泉入口擺放免費飲料機,但環保,需要自備杯子。

這裏是硫磺泉、碳酸泉、鐵泉。

温泉有遊樂設施,適合一家大細。

水彎彎餐廳,提供免費早餐,款色比較小,
但不停添加,以滿足大家需要。


 

台式早餐比較特別,清粥(比潮州粥更小米粒)及味噌湯,
但送粥配料有好多,味道比較重。


西式早餐就比較簡單。

2010年9月1日 星期三

粟米草菇豆腐羹

早排天氣熱煮餸非常簡單,有時煮左都唔想食,所以有一餐無一餐。

懶左好多日,今日開始正經煮飯餐,但都選擇簡單些,
而且來來去去都係重覆果d,有心機時再抄吓人家正餸。

粟米草菇豆腐羹
材料:新鮮粟米1條,草菇1罐,滑豆腐1磚,薑片2片、上湯1盒,水2杯。
調味:馬蹄粉3湯匙、水6湯匙、胡椒粉適量
1.粟米折粒,草菇切半,豆腐切粒備用。
2.將上湯及水放入煲內煮至滾,加入粟米粒、薑片、草菇滾15分鐘。
3.加入豆腐再滾起,再加馬蹄粉水埋薄芡後,加入胡椒粉即可。

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味