蕃茄薯仔梳囉魚湯

見到d梳囉魚好靚，又買返斤黎滾啖湯飲吓，

但想來想去，個心又十下十下，想煲節瓜廋肉，

但梳囉魚比較腥，用蕃茄薯仔先會蓋到佢陣腥味。

魚洗一洗隔乾水，燒熱鑊加一湯匙油，放二片薑煎香後，
將魚放入，煎至小小焦加水煲約20~30分鐘，隔去渣滓即成。






用左咁多魚仔真係好鮮甜，放兩粒鹽就好好飲。

温泉蛋肉鬆乾拌麵

今次試吓用拉麵做冷麵m( _ _ )m

材料有拉麵、肉鬆1碗、蛋1顆、青瓜適量、冷水300cc、
滾水1000ccf、醬油適量、糖適量、香油適量、沙茶醬2大匙。






起水鍋，下拉麵燙熟後撈起瀝乾後盛在碗中(。_。；)。

取一碗，碗底倒入醬油、糖、香油、沙茶醬2大匙拌勻後。

拉麵鋪上青瓜、醬汁及肉鬆備用 o(*⌒O⌒)ｂ。

起1000CC滾水鍋，加入300CC的冷水後，將蛋連殼放入水中，加蓋
泡6分鐘煮成溫泉蛋備用(記著啊！這個比例不能錯) (T_T)。

肉鬆面層，打入溫泉蛋即可 (^0^)  (°∇°;) 。

豆芽青魚

材料：鯖魚1尾，芽菜半斤，蔥1棵。

醬汁：米酒1湯匙，薑泥1湯匙，甜麵醬1大匙，麻油1茶匙，
辣豆瓣醬1茶匙，醋1茶匙，生抽1茶匙。

做法：

1.鯖魚1開3後切塊，接著加入胡椒粉少許，生抽半茶匙及米酒半湯匙抓醃均勻。

2.將半匙米酒，醬油混合後，加入芽菜拌勻，鋪入盤底，
放上鯖魚淋少計麻油，蓋上保鮮膜，叮4分鐘。

3.把醬汁及魚湯汁混合拌勻，再叮1分鐘。

4.微波後取出裝盤，醬汁淋上面，灑上蔥花即成。

X BOX 360

約左個外甥， 拎部XBOX360。




香港地人同人見面，通常離不開飲飲食食:D ，我都唔例外。

有得食一定食到飽飽，重可以拎埋月餅同埋刮刮咭添~^^！

拎左部機 

部機有碟可以即時玩 正呀，型可塑？？
唔知係唔係得尼＼(^0^)／(正在妄想緊)

玩完會影埋相，嚇到以嘩鬼叫。

打到忙晒形，求其食d野先，call埋巨人薄餅，
咁就一餐。

吃完又玩過。

 

 

打打吓都唔煮飯，咁又落街食囉，
最近美心快餐裝修做香港地，用茶餐廳形式經營。

 

 

都唔係好明，好好地做乜要懷舊尼。

不過地方係企理d

但！價錢一d都唔平架

 

尼度同人傾計幾好，無人會理你，但你叫人舉極手都無人理你，可能七月啦，d人又時運高，佢地見到都當我透明，一於  ~ 我睇你唔到~睇唔到，睇到都死啦，話一陣來，又唔記得，炒肉絲麵寫牛肉麵，唔多眼望吓跟吓單，即死。

而且份量都少唔多夠喉，唏！真係吖，飯值幾多錢都唔比飽飯人吃。

 

焗飯40蚊，個碟好淺架 ，無湯無茶啦，又係唔飽( ＞＜)//

 

 

名符其實奶茶，奶多到尼，無加糖都話甜。

食唔飽，只好順路買埋宵夜返屋企啦  (^0^) 。

吃海鮮去

同事掉職繼日前吃左齋之後，再來一次海鮮餐，哈~哈~ ^^ 。



喺流浮山我地去左尼間

等待同時週圍行吓、睇吓八吓咁。

之後去點菜及睇吓今日d貨色，可能是閑日，所以無乜特別貨色。





加上我地又唔係好識人，無乜預留特別野吃，但！最重要係大家好盡興。

一坐底，先黎燒肉加埋d泡菜花生咁填下肚先。

 

 

開始上菜啦，先黎碗湯濕吓個口先。

尼個海鮮湯係店家送的，有菜有豆腐有蝦、蟹同埋魚都唔錯，淡湯好甜好飲。

接著清炒西芹班頭腩， 大魚兩吃嘅 — 將班腩用西芹炒夠清又夠滑。





大蝦芝士伊麵  —  澳洲龍蝦要4佰幾一斤，又廋猛猛，
本地龍蝦都3佰幾，又細隻，改為用節蝦2佰幾蚊一斤，抵好多。

蒜茸蒸貴花蚌

清蒸大連鮑

醬炒聖子

酥炸桶蠔



辣酒煮桂花螺

大魚兩吃 —將之前條魚嘅，魚頭魚骨酥炸。

避風塘炒肉蟹

楊州炒飯炒得都唔錯，但吃左咁多野，尼個飯的命運係~ ~被人打包。

吃海鮮啤酒汽水梗唔小得，啤酒一支接一支咁開，
大家又雞啄唔斷非常盡興。

吃埋這個生菓盆，大家又快快樂樂咁返屋企瞓啦