順德歌頓酒店(上)

今次去順德玩兩日，簡尼團無他係得尼個先成團，其他日子又夾唔到我地D假期

全團得13個人，2個組合，導遊玲玲又好新重好好禮貌添，佢重帶埋個師妹黎，名字好旺我地叫金旺 真係旺爆，因為人少，去到邊到時間都好準時，所以第一日返到酒店都係1545，第二日返到屋企都唔使1700。

第一天
0745係福田集合，0830係西部通道接埋我地，0840正式出發，1100就到佛山九江涌，我地先去順德南國酒廠參觀先
1210係杏花村酒家食  鄉村走地雞滋味宴 1300離開，食飽要做點運動
1415就去到此團第二個景點—鳳山華蓋西歐陸商業步行街，欣賞騎樓及購物
1545到達順德區、容桂嘅哥頓酒店休息，等待享用酒店的豪華國際美食豐自助晚餐，酒店位於市區，附近好熱鬧，好多百貨公司及夜市食店。

遠航九江酒廠新做左個彷古做酒坊，介紹她的歷史，
最重要係賣酒給我們。

睇下個名杏花村啊，明天重要去洞密圓添

尼條步行街係清暉園隔離，睇下D騎樓D柱發現，有D裝假狗架！

酒店房間都好大，張床成6呎，點碌都得，
沖涼房D一次性用品齊備，都幾滿意！
..

旅行社標榜豪華國際自助晚餐，其實‥‥以大陸黎講有生蠔又有魚生真係唔錯，最驚喜竟然有魚飯供應，尼度都算多野食，鐵板燒我無試食。

 

 

 

 

 

 

 

 

尼度d刺身都切得好精緻

嘅然你切得咁細件，我都唔等你比，自己去拎生蠔重好過，想食幾多都可以拎幾多正呀！

 

見個肚有點凍，飲返完熱湯，再食過凍蟹囉

尼部咖啡機好好好玩，為左試下佢D口味同我地有乜分別，我地試左好多款唔同嘅咖啡



再飲埋杯咖啡就完整一餐立，而家上面D酒店甜品都做得唔錯架，拍得住香港果d，食完尼餐真係飽到上心口，要消化下，但街又落雨，唔可以去街，佢地四個爛賭的人，話要開房打麻雀，有自動洗牌機(我未見過，又覺得幾得意)28蚊一個鐘，最低消費4小時。

杞子魚片湯

材料：
杞子1兩，鯇魚約1斤，雞胸肉2條，薑2片

做法：
鯇魚肉切片，雞胸肉切片，把水煮滾，中火放入杞子煮15分鐘，改大火放入薑片、鯇魚片、雞胸片略煮後，再放入蔥、麻油、鹽即成。

我用左雞胸肉，咁食落好似豐富d，你地可以唔落架！

杞子性平味甘，清肝潤肺，明目益腎作用，加上豐含胡蘿素、鈣、鐵、和各種維生素，所以對眼非常之好

opera

opera  法國歌劇蛋糕 係我最想學做嘅蛋糕，而我終於在失而覆得情況下學到了，這個蛋糕人人都為它而瘋，我終於了解了，我願意做無所謂，但！不要叫我善後，因為它實在太邪惡了

 

雲耳蠔油燜雞翼

把浸發左的雲末，洗淨剪去硬蒂，雞翼洗淨。
燒熱鍋，把雞翼煎至外表金黃，加入薑片、水1杯、雪耳及2湯匙蠔油，胡椒粉、糖、鹽各少許，加蓋燜煮，見雞翼熟透，汁略乾即可上碟。

小全B

之前用十樣生果，整嘅叫十全B，今次只有三種生果，叫小全B。

同樣都係加檸檬同埋冰糖1:1就可以，今次我用左黑提、紅提、士多啤梨同埋蘋果，十四日後，做出黎嘅酵素好有提子汁個味道


做法簡單把水果洗淨，吹乾(可用凍開水洗最後一過水，咁唔夠乾身都好，無生水無咁易發毛架)，把水果、檸檬、冰糖分3份，把水果放入樽底再放一層檸檬及冰糖再放生果，如此類推放晒入樽就得架啦(如果冰糖未能即時入晒落樽度，可以係8個小時內再加入)，等待其間搖下佢，保持頂層生果濕潤就得架啦！另外5~8日間打開個樽蓋一次，最重要糖係要黎殺菌用，沒有足夠糖不能產生酵素及殺菌(你怕甜味，可以減小糖份)，但！
唔使怕糖多架！因為冰糖(單糖)經過發酵會變成寡糖，牙齒同小腸係唔會吸收，咁樣身體唔會因為吸收太多糖份而變肥(但！腸道暢通左，你會有空間容納更多食物，你不節制又會肥架)


飲左酵素都有一段時間，面上無左D黃氣，又有返D光澤，睇落白剩左，人都好似後生左咁呀

跟住落黎要試下運用酵素黎減肥，hehehe~ ~！


據講提子有調節心跳，補血安神，加強腎、肝功能，幫助消化。
而士多啤梨可以利尿止瀉，強健神經。
蘋果尼可以調理腸胃，促進腎機能，預防高血壓。

西餅、蛋糕班(八)

熱情果芝士慕士蛋糕  上面個係亞Sir整，下面果個係我整，需然無亞Sir整得咁靚，但味道一樣咁好架