西餅、蛋糕班(第三堂)

今堂學左兩樣野，亞Sir教整
楊枝甘露蛋糕   芒果西米布甸
學完之後，我諗只會剩做楊枝甘露糖水，只因是大少姐飛佛

 

開心Blog 聚

同Blog友仔 "加油 加油" 傾計時佢話好耐無見，咁啱我又off 就約埋去中港城柏景餐廳吃自助餐，我有 開飯啦 coupon 咁每人連加1%都係166蚊，都幾抵hehehe~！難怪中午咁多人食。

因為減開肥，食唔到得咁多野揀中午黎最好，如果晚餐黎就好唔抵囉！

加油重有興趣黎我中心做義工，教整盆栽蛋糕添，我當然好歡迎佢啦，因為咁又可以學到野係餐廳傾唔夠，要續攤到麥當奴再傾過，最後要再約時間繼續

好多謝 "加油 加油" 半夜2點做的大包包同意大利米，17小時發酵真係好鬆軟，好好味呀！

 

 

 

 

 

 

 

 

 

 

 

 

 

 

 

 

 

 

 

雞湯

用木瓜螺、淮山、黨参、圓肉、杞子、蓮子、冬菇煲雞湯，趁春天滋潤一吓個人，又可以温補吓氣真係好正呀。

冬瓜草菇燜火腩

早幾日又整燒肉，食剩左，買舊冬瓜一齊煮埋佢，咁又一餐唔錯架！
用薑蔥起鑊，爆下冬瓜件及燒肉後加水，燜至冬瓜變透明加入己出水草菇，略燜一會，用少許鹽、糖調味，少許生粉水埋薄芡即成。

西餅、蛋糕(第二堂)

今堂亞SIR教整朱古力鬆餅、藍莓鬆餅、蘋果玉桂提子鬆餅，尼個超級易整，容易到爆 佢地真係個個都爆口架

上圖係亞SIR整，下面果D係我組整嘅，睇得又食得，連我D同事都話好食 梗係啦藍莓係新鮮嘅，多汁另到個餅唔漏；而提子乾係用白蘭地浸左半年，入晒味  正~！